Lúkas 10:21 - Uhokri Gahegbetawni Nukune akak Sawmus

²¹ Ayteke Uhokri Gitip keh Kiyavwiye Jesus batek ginaktin mpiynevevye. Ig awna nikwe: — Kibeyne, Niguh. Pis en akivara. Pis waxri akivara. Nah kabayhap awaku ku samah pis ka akka pihiyekemni gitkis hiyeg hiyakemniyevwi. Gitkisme hiyeg ku pariye kene bakimnayhbe, yumanene gihiyekemnikis, giwntekneswa, pis akka pihiyekemni ta gitkis. Henewa Niguh, mmanawa innewa pimawkan.

Uhokri Gannasan

²¹ Ayteke Uhokri Gitip keh Kiyapwiye Jesus batek ginaktin mpiynepepye. Ig awna nikwe: ―Kibeyne, Nighu. Pis en akipara. Pis waxri akipara. Nah kabayhap awaku ku samah pis ka akki pihiyakemni gitkis hiyeg hiyakemniyepwi. Gitkisme hiyeg ku pariye kene bakimnaybe, yumanene gihiyakemnikis giwntekneswa, pis akki pihiyakemni ta gitkis. Hennewa Nighu, mmanawa innewa pimawkan.

Lúkas 10:21 Iomraidhean Croise

Sawmus 24:1

Inin hawkri akak madikte ku pariye ay niriku in gidahan Kiyavwiye Uhokri Dehetniye. Waxri akak madikte ku pariye aymuhwenevwi ay nivit in gidahanwata.

Sawmus 25:14

Ig Kiyavwiye Uhokri Dehetniye darihwak gikakkis neras ku pariye kane taraksekere gikak. Ig akka gitkis madikte gihiyekemni adahan ku samah igkis misakwa pasamrak pawtak gikak.

Sawmus 8:2

Pis keh bakimnayh nopsanyovwinene ignes kabayhap kabayntiwa payak gikakkis bakimnayh nukuvesniyevwi. Pivetunyavu ka hiya gisamanakkis. Madikte hiyeg ku pariye kavetunsap, ignes misakwa tinwovu gitivutkis.

Matews 16:17

Igme Kiyavwiye Jesus kaytwa giwn: — Simawh, pis ku pariye kiyavwiye Joawh gikamkayh, pis ka pibunugasima. Mmanawa ka hiyegima amadgaya inin akki pit inakni. Ignewa Wigwiy inurikyene ku pariye ekkepni pit.

Matews 21:16

Ayge nikwe igkis awna ta git Kiyavwiye Jesus: — Ka ba pis timap inakni giwnkis? Igme Kiyavwiye Jesus kaytwa giwnkis: — Ihi, nah timap. Mmah yis ka ivegbohati Uhokri gannasan ku kiney in awna: “Pis keh he bakimnayh nopsanyovwinene kabayhap kabayntiwa payak akak bakimnayh nukuvesniyevwi.”

Matews 3:7

Ka aynsima farizewkis gikakkis sadusewkis igkis ayta hawata adahan kaywasewnes git. Ig hiyapni hene, ig awna gitkis: — Yis hiyeg kaybunyene pahaywotneyevwi! Kiyavwiye Uhokri ka batek akak yihiyekemni kane kibeynema. Mmah yitneki ku yikewven keh Kiyavwiye Uhokri hiyavyi ke wotbe yis kibeynevwibe hiyeg giwtrik?

Markus 10:15

Ku pahavwi ka iha Uhokri gikumadukan kema bakimnima, igi ka kawih Uhokri gikumadukan. Ihanabay inakni nuwnuh. Henewatbaki in.

Lúkas 15:5

Ig utevgi, ig hiyuhpig ta giteyapminat mmanawa ka aynsima ig batek.

Lúkas 15:9

Ayteke ku aysaw eg utevgu, eg humak gukagmadavu gikakkis guhumwayevwi. Eg awna gutkis: “Uyay batek payak nukakuh mmanawa kuwis nah ute nukakura biyukwiyo.”

Joawh 11:41

Ayteke nikwe igkis woke gimew asabwat. Ig Kiyavwiye Jesus hiyapni hene, ig sarayh givegi inut. Ig awna: — Niguh, kibeyne pis timap nuviryepkawni.

2 Koríntyus 4:3

Ku inakni unetni ka pukuhpaka, in ka pukuhpaka gavitkis neras ku pariye avigkunene ahin adahan biyukwiki.

Efésyus 1:11

Avim ini wixwiy darih uwetriwiy abet ini gikumadukan awaku ku samah wixwiy pahavwiwa gikak. Hene ig Kiyavwiye Uhokri kuwis ikiswanaw udahanwiy akak madikte gibetki. Ku pariye Kiyavwiye Uhokri gibetki henewa ig keh in humaw.

Efésyus 1:5

Avim ini ig kaniyvewiy adahan wixwiy humaw gikamkayuvwi awaku ku samah wixwiy pahavwiwa gikak Jesus Cristo. Ig kaniywiy hene akak madikte gabay akak madikte gibetki.