Lúkas 10:20 - Uhokri Gahegbetawni Nukune akak Sawmus

²⁰ Yis bateke awaku ku samah wavitye iha yiwn. Heneme kiskama yis pi batekte adahan ku samah yiw tamakka amadga Uhokri gikagtan aynte inurik adahan ku samah yis kuwis inurikyenevwi.

Uhokri Gannasan

²⁰ Yis batek awaku ku samah wapitye iha yiwn. Henneme kiskama adahan yis pi batekte adahan ku samah yiw tamakka amadga Uhokri gikagtan ayhté inugik adahan ku samah yis kuwis inugikyenepwi.

Lúkas 10:20 Iomraidhean Croise

Sawmus 69:28

Igkis kis adahan pis mankise giwkis amadgatak kagta adahan dehetniki. Igkis ka kis adahan giwkis tamaka ku kiney hiyeg wadityevwi giwkis tamak.

Matews 10:1

Ayteke ariwnteke ini ig Kiyavwiye Jesus pahadguhe giwatnivwi madikawkunene gikebikis akak piyana gawnakis (12). Ayge ig ike kumadukaki gitkis adahan igkisme pekkiswiye wavitye givititakkis hiyeg adahan igkis makniwene hiyeg ariw madikte karaytpiyene ariw madikte mabimnakatru.

Matews 26:24

Nah, ku pariye wageswe awayg amadgaya inin, nah umahkiswenek ku samah Uhokri gannasan kinetihwa numinuh. Amawka ku nah miya, heneme ner ku pariye nuwmasepten nah, ku pariye wageswe awayg amadgaya inin, igi hiyap mbeynenek ka aynsima nuvatra! Ka kiskama ner awayg humaw amadga wayk.

Matews 27:5

Igme Judas Iskariyotis timapni hene, ig padeke gikakura ta waykborit ayge ariku Uhokri Givin. Ayteke ig tivik. Ig awna: — Nah umehwepte. Ayteke nikwe ig iwe kuwawta, ig waneke gibita, ig watiswe inutak, ig miya kuwigihwe.

Filipénses 4:3

Pisme nukagmada kibeyne, nah aya pit hawata adahan pis ayavigkis watekbeta guhawkankis mmanawa egkis kannivwiyos payak nukakuh adahan ekkene Kiyavwiye Uhokri ginetni. Egkis hawata kannivwiyos payak gikak kiyavwiye Kilementi payak gikakkis nawenyevwi ku pariye giwkis tamakka amadga Kiyavwiye Uhokri gikagtan adahan dehetniki.

Ebréws 12:23

Wixwiy danuh kennesa gitkis Kiyavwiye Uhokri gikamkayuvwi kiyatyevwi ku pariye tamakavu giwkis aynte inurik ku kiney igkis pahadguvunene akak madikte batekka. Wixwiy danuh kennesa git igwa Kiyavwiye Uhokri ku pariye hiyekne gikakkis madikte hiyeg. Wixwiy danuh kennesa gitkis hiyeg kibeynevwi ganmapkis ku pariye kuwisnene miyarap pitatyevwi, igkis kuwis isahptaw ariw madikte mbeyne.

Apokalípsi 13:8

Madikte hiyeg kane Uhokriyanvuma amedgenevwi inin igkis kawohkigahaw git ner kene axtigibe. Ku samah akavuska hawkri igkis yumante giwkis tamaknema amadga ini kagta adahan dehetniki, ini kagta gidahan ner Muwtohyan, ku pariye umahkiswe gidukwenavrikkis hiyeg.

Apokalípsi 17:8

Ig ner axtigi ku pariye pis hiyap ignebaki arakak gidahan pahavwi awayg ku pariye iveg kaksa, heneme kuri ig ka ivegnema akiw. Aysawnemenek ig wagahnek ahakwatak giwetri mihadnene, heneme ayteke ig sarayhpikanek arimkanit biyukwiki. Madikte hiyeg amedgenevwi inin igkis wakaymnibdinek gimin. Ku samah akavuska hawkri igkis hiyeg ku pariye yumanene giwkis tamak amadga ini kagta adahan dehetniki, igkis wakaymnibdinek gimin ner awayg, mmanawa ig iveg kaksa, kurime ig ka ivegnema akiw, heneme metakwa ig kahayak akiw.

Apokalípsi 20:12

Ayge nikwe nah hiyap madikte miyaravyempu, neras ku pariye kiyatyevwi gikakkis neras ku pariye ikaka yumanene gikiytanikis. Igkis madikte tabirbet ayge avetun Uhokri gevwi. Ayge ka aynsima kagta wokepka. Ayteke nah hiyap pahakwa kagta wokepka akiw, ini kagta adahan dehetniki adahan avanenekwa. Ayteke nikwe ariwnteke ini ig Uhokri gihiyvetnikis madikte neras miyaravyempu ba igkis kibeynewatma. Ig ivegbohe madikte ini kagta amin ku pariye gikehnikis ay amadga inin, mmanawa gikehnikis tamakave amadga ini kagta.

Apokalípsi 20:15

Hawata akiw madikte hiyeg ku pariye giwkis kane tamaknema amadga ini kagta, ku pariye keh wis aymuhwa gimun Uhokri adahan avanenekwa, igkis hawata padakavepka abetit egu tiket ahawkri.

Apokalípsi 21:27

Heneme yuma ariknawnema patehwevye ik adahan parak atere. Yuma pahavwinema ku pariye keh mbayka ik adahan parak atere. Ine yuma pahavwinema wasaympiye kawnata ik adahan parak atere. Ignekisnewa ku pariye kadahanyevwi giwkis tamakave amadga ner Muwtohyan gikagtan adahan dehetniki, ignesnewa ik adahan igkis parak atere.

Apokalípsi 3:5

Ku pahavwi ka isaksawnek arit wavitye gihiyekemni, nikwe ig kawihnek ini simis seyne. Nah ka mannek giw amadgatak ini kagta adahan dehetniki. Kawa. Nah awnanek gidahan aynte givetun Niguh hawata givetunkis ahj ku ig nuhiyega.