Lúkas 10:2 - Uhokri Gahegbetawni Nukune akak Sawmus

² Ig awna gitkis: — Ka aynsima hiyeg kuwis ahegbet adahan igkis kamaxwevyes ta nuvitit. Ta nutuh igkis kewa pahak wasbe ivatrik ahegbet adahan tariswiki. Heneme ka kiyesadima hiyeg ekkene nuhiyekemni gitkis nudahan. Piriyepkawnabay ta git Kiyavwiye was akivara adahan ig kawatni hiyeg kahadbe igkisme kinetihwa gitkis numinuh.

Uhokri Gannasan

² Ig awna gitkis: ―Kaayhsima hiyeg kuwis ahegbet adahan igkis kamaxwepyes ta nupitit. Ta nuthu igkis kewa pahak wasbe ipatrik ahegbet adahan tariswiki. Henneme ka kiyesradima hiyeg ekkene nuhiyakemni gitkis ndahan. Piriyepkawnabay ta git Kiyapwiye was akipara adahan ig kawatni hiyeg adahan ignes kinetihwenes gitkis numinhu.

Lúkas 10:2 Iomraidhean Croise

Sawmus 68:11

Kiyavwiye, pis awna gitkis pihiyegavu adahan igkis mataka neras Kanaahyenevwi ayge. Henewa igkis matekevgikis. Muwapuw pihiyegavu gitinorakis ewke inin kibeyne inetit. Egkis awna:

Matews 20:1

— Nah akkite yit nawenyewa abektey amin ku samah Uhokri gikumadukan. Minikwak pahavwi was akivara tivik hawkanawa adahan ivegvene hiyeg adahan igkis kannivwiyes amadga giwasra.

Markus 13:34

Nudawnhan kewa pahavwi awayg gidawnhanbe. Ig awayg tivik danuhpene avawyewa ariw giwaxig. Avit gitepkemni ig avuriwkise givin gitkis gihiyegavu. Ig ike gannivwikis ta giwakuritkis. Ig awna ta git ner pahavwi ku pariye avuriwne lapot. Giwn: “Misakwanaba ahegbet takunipti.”

Markus 16:15

Ayteke ig awna gitkis: — Ataknabay muwapuw amadgat hawkri. Akkanabay ini kibeyne inetit numinuh ta gitkis madikte hiyeg.

Markus 16:20

Igkisme giwatnivwi tivik ekkene inakni kibeyne inetit muwapuw. Igme Kiyavwiye Uhokri iki ini gannukis adahan igkis kehnes annut kahadbe hiyeg iha inakni giwnkis.

Lúkas 9:1

Ayteke ariwnteke ini ig Kiyavwiye Jesus pahadguhe giwatnivwi madikawkunene gikebikis gikakkis piyananene gawnakis (12). Ayge ig ike gannukis givititkis adahan igkisme makniwenes hiyeg ariw gikahrikis. Hawata ig ike kumadukaki gitkis adahan igkisme pekkiswiyes wavitye givititakis hiyeg.

Attus 11:19

Awenketeke ku samah ig amekene Estevawh umehpika, Jesus gihiyegavu kavusa hiyap mbeyne giwakukis hiyeg ku pariye kane Uhokriyanvuma. Igkis bisiksepka muwapuw. Ka aynsima gihiyegavu igkis tivik piyawakad tahan avitit Fenisyamnaw, avitit Xipremnaw, avitit paytwempu Antiyokiya. Igkis danuh atere, igkis ekkenes Kiyavwiye Uhokri giwn gitkis hiyeg aygnenevwi. Heneme igkis akkin gitkisnen hiyeg ku pariye judeyenevwi. Igkis ka kinetihwa gitkis hiyeg ku pariye kane judeyenevwima.

Attus 13:2

Pahay hawkri igkis Jesus gihiyegavu ayge kiyathenes Kiyavwiye Uhokri. Avim ini igkis maxhewnes adahan kiyene Kiyavwiye Uhokri. Ayge amun ini ig Kiyavwiye Uhokri Gitip awna gitkis. Ig awna: — Awahkisnabay nudahan kiyavwiye Barnabe gikak kiyavwiye Sawlu adahan igkis kehnes nannivwi ku pariye nah iki giwakuritkis.

Attus 13:4

Igme Barnabe gikak Sawlu igkis awahkiswika kuwis gavit Kiyavwiye Uhokri Gitip, igkis tivik tahan avitit paytwempu Selêwsiya. Igkis danuh atere, igkis katapte amadgat pahamku nawiy igkis tivik avitit ini kewgihri kewye Xipremnaw.

Attus 20:28

— Nukebyuvwi, avuriwnabay yihiyekemni ba in kabayntiwatma. Hawata avuriwnabay gihiyekemnikis madikte hiyeg ku pariye Kiyavwiye Uhokri Gitip gavuriwkisni yit. Avuriwnigkis kewa muwtohvutnebe ku samah ignes avuriw givigkis kabayntiwa. Ikapnigkisba akak Kiyavwiye Uhokri giwn. Igkis Kiyavwiye Uhokri gihiyegavu. Ig Kiyavwiye Uhokri kuwis katiwnih adahan igkis humaw gidahan. Ig katiwnih akak gikamkayhwa gimig mmanawa ig umahkiswe gidukwenavrikkis.

Attus 22:21

Igme Kiyavwiye Jesus ka aminama ariw inakni nuwnuh. Ig awna nutuh: “Su atak. Nahwa awahkispi tahan gitkis hiyeg ku pariye kane judeyenevwima.”

Attus 8:4

Avimnewa ini neras ku pariye bisikavye igkis ibekhewvi muwapuw. Ku kit igkis danuh igkis ekkene Kiyavwiye Uhokri giwn.

1 Koríntyus 12:28

Nah akkite yit gaytakkis hiyeg ku pariye ke Uhokri giwanbetbe ay ubetwiy wixwiy gihiyegavu. Pitatye ig iki giwatnivwi. Ayteke ig iki gawnevevu ku pariye awna iwit ku pariye pes giwntak Uhokri. Ayteke ig iki kannuhekevutnevwi. Ayteke ig iki hiyeg ku pariye keh annut. Ayteke ig iki hiyeg ku pariye kadahanye Uhokri gannu ay givitkis adahan makniwene hiyeg. Hawata ig iki hiyeg ku pariye ayavekne. Hawata ig iki hiyeg ku pariye giwewkistenkis hiyeg. Hawata ig iki hiyeg ku pariye awna ariku nawenyewa iwit ku pariye ignes kane pukuhpa.

1 Koríntyus 15:10

Heneme ig Uhokri akak gabay ig keh nah humaw ku samah nah ku avim inin kuri. Kibeyne, ini gabay ku pariye ig ike nuvitituh in ka adahan waditnevyenenma. In keh nah ka aynsima mpiksawte giwkis madikte giwatnivwi. Heneme ka nuwnteknema nah mpiksaw. Ini Uhokri gabay ku pariye ay nuvituh ini ike nawaygi adahan nah mpiksaw.

2 Koríntyus 6:1

Hawata akiw usuh ku pariye kannivwiye hene gidahan Uhokri, usuh aya gitkis hiyeg adahan igkis ka iki inakni unetni ku in he waditnevyenen. Adahan igkis amava kabayntiwa ini kabayka ku pariye Uhokri kehe gidahankis he gamnihkakkisnenwa.

Filipénses 2:21

Mmanawa madikte hiyeg aharit kabayka gidahankisnen, gidahanme Jesus Cristo ignes ka aminama.

Filipénses 2:25

Ke nutuhbe nah awahkis kiyavwiye Epafroditu diyuh atere yit pisenwate. Kibeyne, yis awahkisgi atan nutuh adahan nayavetni nukavriwten. Nah batek gikak ke wotbe ig nukebyibe. Ig kannivwiye mpiksaw payak nukakuh.

Filipénses 2:30

Mmanawa ig ka kavigsa givit ay adahan ig kannivwiye gidahan Cristo he ig kakahrip. Ig kaba umahwe awaku ku samah ig nayavetni yidahan.

Kolosénses 1:29

Adahanikwa ini nah kannivwiye. Nah mpiksewnene akak Cristo gannu ay nuvituh, mmanawa, kibeyne, ig iki nannuh kiyesrad.

Kolosénses 4:12

Ig kiyavwiye Epafras hawata awahkis kabayka yimin. Ig hawata kabivwiye kannivwiye gidahan Cristo Jesus. Ig hawata yaytak. Ig piriyepkewnene yidahan avanenekwa akak madikte giwakemni. Ig piriyepkaw adahan yis kamaxwa givitit Kiyavwiye Uhokri kabayntiwa. Adahan yis kamax madikte ku pariye Kiyavwiye Uhokri ikiswanaw yidahan. Adahan yis avigkutavrik ku samah Kiyavwiye Uhokri gimawkan.

1 Tesalonisenses 2:9

Nukebyuvwi, ba yis kiyenema ku samah usuh kannivwiye ka aynsima ku aysaw usuh ayge yibet? Usuh kannivwiye adahan uvituh ku aysaw kabutnewka mataytak he misanpiwke kahadbe usuh ka iki awiyka yihamadgat adahan usuh ax yimana. Mmanawa ku aysaw usuh ekkene yit ini kibeyne inetit giwntak Kiyavwiye Uhokri, usuh ka axkere yiduhyamadga aynesnima.

1 Tesalonisenses 5:12

Nukebyuvwi, usuh aya yit adahan yis kiyatha neras ku pariye kannivwiye gidahan Kiyavwiye Uhokri ayge yibet, neras ku pariye Kiyavwiye Uhokri iki yit adahan yiwewkisten adahan ikene yihiyekemni.

2 Tesalonisenses 3:1

Amaksemni, nukebyuvwi, piriyepkawnabay udahan kahadbe Kiyavwiye Uhokri giwn ibekhepka kabayntiwa muwapuw, kahadbe in kiyathaka muwapuw hawata ku samah in kiyathaka ayge yibet.

1 Timótyu 4:10

Wis kuri mpiksaw akak madikte udatni adahanikwa hiyeg aymuhwa akak ini gihiyekemni. Mmanawa wis iveg ta gimkatnen Kiyavwiye Uhokri dehetniye adahan ig keh igkis aymuhwa akak gihiyekemni. Ig amnih madikte hiyeg, heneme ig pi amnihte neras ku pariye kamaxwenevwi givitit.

2 Timótyu 4:5

Pisme, Timotyu, amawka pis avuriw pihiyekemni kabayntiwa abetnewa madikte ku pariye danuh pit. Amavanaba ku pariye mbeyne danuh pit. Mpiksawnaba adahan wagesne hiyeg gidahan Kiyavwiye Uhokri. Kehnaba madikte ku pariye ig Kiyavwiye Uhokri aya pit.

Filemoh 1:1

Nah Pol, ku pariye ay ariku parakseket givatra Cristo Jesus, nah gikak ukebyi kiyavwiye Timotyu usuh awahkis kabayka pimin kiyavwiye Filemoh. Usuh ka aynsima batek pikak. Usuh batek ku samah pis kannivwiye payak ukakuh.

Ebréws 3:6

Igme Cristo ig hawata keh Kiyavwiye Uhokri gibetki takunipti gikakkis Kiyavwiye Uhokri gihiyegavu. Heneme ig keh gibetki kewa pahavwi ikamkaytibe, ig kumadukene gig givin. Wixwiynewa Kiyavwiye Uhokri givin. Ku wixwiy ka isahkiswa ariw ukamaxwanwiy, ku wixwiy udukweneywa kamaxwenenekwa givitit Kiyavwiye Uhokri, ku wixwiy bateknenekwa akak ini kabayka ku pariye wohpanwiy, ayge nikwe wixwiy humaw inyewa Kiyavwiye Uhokri givinek.

Apokalípsi 2:1

Ayteke ig Kiyavwiye Jesus awna nutuh akiw. Giwn: — Awahkisnaba pahak kagta gimin ner inetitkekne gidahankis nuhiyegavu aynte avit paytwempu Éfesu. Tamaknaba iwit ku pariye nah akki pit kuri. “Nah ikene yinetni, nah ku pariye hiyuhnene ntewnehkernene warukma ay nuwaku kihehavriktak, nah wewvarinene ayegbiw ntewnehkernene abukri akekri kehka karukri wahano.