Lúkas 10:17 - Uhokri Gahegbetawni Nukune akak Sawmus

¹⁷ Ayteke ariwnteke ini igkis giwatnivwi ntewnehkernene madikwa gikebikis gikakkis piyananene gawnakis (72) igkis diyuhe ta git Kiyavwiye Jesus akiw. Igkis batek ginaktinkis ka aynsima. Igkis awna git: — Kiyavwiye, he wavityempu iha wownuh ku aysaw usuh pekkiswigkis piwavrik.

Uhokri Gannasan

¹⁷ Ayteke ariwnteke ini igkis giwatnipwi ntewnehkernene madikwa gikebyikis gikakkis piyana gawnakis (72) igkis diyuhe ta git Kiyapwiye Jesus akiw. Igkis batek ginaktinkis kaayhsima. Igkis awna git: ―Kiyapwiye, juktah wapityempu iha wownhu ku aysaw usuh pekkiswigkis piwaprik.

Lúkas 10:17 Iomraidhean Croise

Matews 4:24

Madikte hiyeg kinetni gak muwapuw ay Siriyamnaw. Inneki keh igkis hiyegviyene waxwave git madikte kakahribdavye, neras ku pariye akak arakembet karayt, akak kayahwaki, neras ku pariye wavityewnavye, nuwiskawenpiye, datpuwavye, igme makniwavevgikis madikte.

Markus 16:17

Igkisme ku pariye ihpenevwi nuwnuh, Uhokri iki gannu ta givitkisnek adahan igkis kehnes annut. Avim ini igkis pekkis wavitye givititakis hiyeg nuwavrik. Igkis awna ariku nawenyewa iwit.

Lúkas 10:1

Ayteke ariwnteke ini ig Kiyavwiye Jesus kaniy nawenyevwi hiyeg akiw adahan igkis humaw giwatnivwi. Igkis ntewnehker madikwa gikebikis gikakkis piyana gawnakis (72). Ig gibekheptenkis piyenmempi adahan igkis atak avitit mpuse paytwempu pitati gavit.

Lúkas 10:20

Yis bateke awaku ku samah wavitye iha yiwn. Heneme kiskama yis pi batekte adahan ku samah yiw tamakka amadga Uhokri gikagtan aynte inurik adahan ku samah yis kuwis inurikyenevwi.

Lúkas 10:9

Makniwanabay hiyeg ayge ku pariye kakahravye. Akkanabay gitkis hiyeg ku ahawkanavrik Uhokri gikumadukan kuwis danuh.

Lúkas 9:1

Ayteke ariwnteke ini ig Kiyavwiye Jesus pahadguhe giwatnivwi madikawkunene gikebikis gikakkis piyananene gawnakis (12). Ayge ig ike gannukis givititkis adahan igkisme makniwenes hiyeg ariw gikahrikis. Hawata ig ike kumadukaki gitkis adahan igkisme pekkiswiyes wavitye givititakis hiyeg.

Romanus 16:20

Ayge nikwe ig Uhokri ku pariye keh uyakniwiy karisaw ig sibuhkisnek Satanas gihiyegavu ta yit ka ayivwinema. Ukivarawiy Jesus gabay yikaknek yis madikte.

Efésyus 5:24

Nikwe amawka ku tinogben ihpa gugihgikis giwnkis kabayntiwa hawata ku samah Cristo gihiyegavu ihpa Cristo giwn.