Lúkas 10:15 - Uhokri Gahegbetawni Nukune akak Sawmus

¹⁵ Ya yis hiyeg avitya paytwempu Kafarnawh? Yis ikewnevwi pi avitminte giwkis madikte hiyeg. Heneme yis tukuhavepkanek ta warikwit arimkat ini iwetrit ku kiney kane aynsima kayahwaki.

Uhokri Gannasan

¹⁵ Ya yis hiyeg apitya paytwempu Kafarnawh. Yis ikewnenepwi pi apitminte giwkis madikte hiyeg. Henneme yis tukuhpikanek ta warikwit arimkat ini iwetrit ku kiney kaneayhsima kayahwaki.

Lúkas 10:15 Iomraidhean Croise

Matews 10:28

Ka yi muwaka avis gibohrikis neras ku pariye umehpiye yivit, yitipme igkis ka hiya ariwmhak. Heneme avisnay gibohri Uhokri ku pariye kadahan gidatni adahan umah yivit. Ig kadahanata gidatni adahan ig umah yitip aynte amun ini iwetrit ku kiney kane aynsima kayahwaki. Avisnay gibohri igi.

Matews 11:23

Ya yis hiyeg avitya paytwempu Kafarnawh. Yis ikawnamah pi avitminte hiyeg madikte. Heneme yis tukuhavepkanek ta warikwit arimkanit ini iwetrit ku kiney kane aynsima kayahwaki. Wake nah kehbe inwata nannuhbe aynte avit paytwempu Sodoma ku samah nah keh ayge yibet, nikwekam ignes paytwempuyenevwi mbayavye gihiyekemnikis ignes ayipa wagese gihiyekemnikiskam. Nikwekam ini paytwempu kuviknene ay.

Matews 4:13

Heneme ayteke ig pese avititak ini paytwempu, ig tivik misekwe avitit paytwempu Kafarnawh, ku pariye kennesa akigbimna mahakwa Galileya, aynte avit waxri Zebulomnaw akak Naftalimnaw.

Lúkas 13:28

Ayge nikwe yis tihebdinek. Avim ini yis hiyap amekene Abraawh gikak amekene Izaki gikak amekene Jakó igkis ayge ku kiney Uhokri gikumadukan. Yis hiyap madikte Uhokri gawnevevu ayge. Yis hiyapni hene ku samah yis aynte kabaywak, ayge nikwe yis tihebdinek. Yis kagah yaybunek.

Lúkas 16:23

Ig igisye aynte amun miyaravye giwetrikis, ig hiyepne ka aynsima kayahwaki ayge. Ig sarayh givegi, ig hiyap kiyavwiye Abraawh piyawakte, hawata ig hiyap Lazaru ay giwanmaku.

2 Pedru 2:4

Ku yis hiyap Kiyavwiye Uhokri ka bayahmina neras ahj ku pariye tarakse giwn minikwak, igkiskata akiw neras kinisekevutnevwi? Ig sarayhe neras ahj aynte warikwi. Igkis paraksepka arikut miyokwiye ku pariye kane amisnavyesima. Ayge ig Kiyavwiye Uhokri ikiswigkis he ku aysaw gihawkanavrikkis danuh adahan igkis katiwnivwe avatra gitaraksankis. Igkiskata akiw neras kinisekevutnevwi? Igkis hawata katiwnivwenek.