Lúkas 1:79 - Uhokri Gahegbetawni Nukune akak Sawmus

⁷⁹ adahan ig uguhne gihiyekemnikis hiyeg ku pariye abetnenevwi amisnavye, abetnenevwi aviska abohri miyaka. Igi keh wixwiy misakwanek abet pasamraka. Henewatbaki ig amekene Zakariyas awna.

Uhokri Gannasan

⁷⁹ adahan ig uguhne gihiyakemnikis hiyeg ku pariye abetnenepwi amisnapyi abetnenepwi apiskarad abohri miyaka. Iggi keh wixwiy msakwa abet pasamrakanek. Hennewatbaki ig amekene Zakaríyas awna.

Lúkas 1:79 Iomraidhean Croise

Sawmus 107:10

Gaytakkisme gihiyegavu igkis misakwa akak giwakemnikis aynte abet miyaka amisnavye, igkis wanaminave akak xen sivari.

Sawmus 107:14

Ig wiwhpigkis ariw ini miyaka amisnavye hawata ig matisbete ini xen sivari ku pariye giwankamnitenkis.

Sawmus 23:4

Hiyawa nah wew abetiw amisnavye ku kiney miyaka ayge, heneme nah ka avis aynesnima. Mmanawa pis ay nukakuh. Nah hiyakni ku pis ka pannusima adahan mpithan. Pis kadahan pisuga adahan pisenwa gikakkis nuvetunyavu. Pis kadahan pahga adahan ekkene nutuh ku kit nah wew. Innewa ikene nuboka.

Sawmus 25:12

Neras ku pariye kane taraksekere gikak Kiyavwiye Uhokri, igwa akkanek ahin gitkis adahan igkisme hiyak ku samahpa igkis wewnek.

Sawmus 44:19

Hiyaksa kuri in ke wotbe pis tukuhe usuh gibetitkis puwikneviyene ahavwikunevwi, pis ikise usuh aynte abet amisnavye ku pariye kane aynsima misanapnene.

Matews 4:16

Ignes hiyeg ku pariye abetnene amisnavye igkis hiyapnek nopsad kabutniki! Inme kabutniki uguhwanek givititkis neras ku pariye avitnene waxri abet amisnavye adahan miyaka!”

Lúkas 2:32

Ig humawnek kewa paha abukribe adahan ig uguhne gihiyekemnikis neras hiyeg kane judeyenevwima. Ig humawnek pihiyegavu izhaewyenevwi gikiytanikisnek.

Joawh 1:9

Igme ner ku pariye igyewa kabutniki ahawkri ig uguh madikte hiyeg gihiyekemnikis. Minikwak ig Kiyavwiye Jesus danuh atan amadgat inin hawkri.

Joawh 12:46

Nah kewa paha abukribe. Nah ayta amadgat inin uguhne hiyeg gihiyekemnikis kahadbe neras ku pariye kamaxwevyes nuvitit ignes ka misakwa ke wotbe abet amisnavyebe.

Joawh 8:12

Ayteke ig awna gitkis neras hiyeg akiw. Giwn: — Nah kewa paha abukribe gidahankis madikte hiyeg amadgayavu inin. Ku pahavwi wew nukakuh, nah uguh gihiyekemni kahadbe in ka misakwa ke wotbe abet amisnavyebe akiw. Ayge nikwe ik adahan ig hiyak ku pariye hiyakemniki inyewatnene. Nikwe ig aymuhwa gimun Uhokri adahan avanenekwa.

Joawh 9:5

Nikwe ku samah nah aynete amadga inin nah kehne ini gannivwi. Nah humaw kewa paha abukribe adahan uguhne madikte hiyeg gihiyekemnikis amadga inin.

Attus 10:36

Kuwis ig Kiyavwiye Uhokri akki kibeyne inetit wotuh usuh hiyeg izhaewyenevwi. Inakni inetit gidahan Jesus Cristo ku samah ig keh hiyeg kabeywotvi gikak Kiyavwiye Uhokri. Ig Jesus Cristo ig madikte hiyeg gikivarakis.

Attus 26:18

Nah awahkispi adahan pis woka gihiyekemnikis. Adahan pis wagesgikis ke wotbe ariw misanpiki arimkat kabutniki. Adahan pis wagesgikis ariw Satanas gikumadukan arimkat Uhokri gikumadukan. Ayge nikwe igkis bayahminaka ariw gitaraksankisnek, igkis darih giwetrikisnek ay gibetkis neras ku pariye nuhiyegavu awaku ku samah igkis kamaxwenevwi nuvitit.” Henewatbaki in ku samah ig Kiyavwiye Jesus awna nutuh.

Romanus 3:17

Igkis ka pasamrak gikakkis giyakivwi hiyeg.

Efésyus 5:8

Amawka wixwiy ka amava patahwaki abetit uhiyekemniwiy mmanawa kabutniki ka amava amisnavye nibetit. Minikwak wixwiy ke wotbe uhiyekemniwiy ay abet amisnavyenen. Kurime in ke wotbe uhiyekemniwiy ay abet kabutnikibe awaku ku samah wixwiy pahavwiwa gikak Ukivarawiy. Nikwe wewnay akak kibeyne hiyakemniki akak yihiyekemni ke wotbe kabutennebe.