Lúkas 1:78 - Uhokri Gahegbetawni Nukune akak Sawmus

⁷⁸ Mmanawa ig Kiyavwiye Uhokri ka gamnihrasima ukakwiy. Inneki keh ig paraksa abet uhakanwiy pahavwi kabutennene inutak

Uhokri Gannasan

⁷⁸ Mmanawa ig Uhokri kagamnihrasima ukakwiy. Inneki keh ig paraksa abet uhawkanwiy pahapwi kabutennene inutak

Lúkas 1:78 Iomraidhean Croise

Sawmus 25:6

Kiyavwiye Uhokri, kiyenanuba akak pabay akak pamnihra ku pariye avanenekwa ay nukakuh minikwak.

Joawh 3:16

Mmanawa Kiyavwiye Uhokri batek gikakkis madikte hiyeg mpinevevye. Inneki keh ig ike nernewa gikamkayh adahan ku pariye hiyeg kamaxwevye givitit, ig ka biyuk giw Kiyavwiye Uhokri, heneme ig aymuhwa gimun Kiyavwiye Uhokri adahan avanenekwa.

Efésyus 5:14

Inneki keh ig Kiyavwiye Uhokri awna: — Pihiyekemni ke wotbe in himaknabe. Wadisniba. Pihiyekemni ke wotbe in miyarevyebe. Kannikasanaba pihiyekemni adahan in aymuhwa akiw. Nikwe ig Cristo uguhni.

Filipénses 1:8

Ig Kiyavwiye Uhokri hiyakni ku nah inyewa nah batek yikak mpinevevye. Ig Cristo Jesus ay nuvituh ig keh nah batek yikak hawata ku samah ig batek yikak.

Filipénses 2:1

Yis keh nah batek nnaktin ka aynsima heneme nuvewkan muweke yit aynesa yihiyekemni adahan yis keh nah batek nubetkiyavriknawa. Ba ik adahan nah, yikebyi Jesus gihiyega, iki yihiyekemni aynesa akiw? Kibeyne, wixwiy Jesus gihiyegavu iwenekuye wawaygiy giwntak Cristo. Wixwiy darihnekuye gamnihra. Wixwiy darihweknekuye gikak Kiyavwiye Uhokri Gitip. Wixwiyweke amnihak pawtak.

Kolosénses 3:12

Wixwiy Kiyavwiye Uhokri gibetkivu. Wixwiy barewvityevwi giwtrik Kiyavwiye Uhokri. Ig batek ukakwiy. Nikwe uyay kawihminaw akak gihiyekemni. Amnihaknay, kehnay kabayka pawtak. Ikawnay tuwatevye huwipegevye. Kiyaknihwanay pawtak.

2 Pedru 1:19

Innebaki areketni wotuh huwewehe ku Uhokri gawnevevu pitatyevwi ginetnikis in inyewa. Ku yis ikatuswa arit inakni ginetnikis, yis uti kabaykanek. Giwnkis kewa pohow abukribe ku pariye kabutennene abet amisnavye he in hewke akiw ku aysaw duwviki kahayak. Mmanawa giwnkis uguh uhiyekemniwiy he ku aysaw Jesus Cristo kahayak.

1 João 3:17

Ku pahavwi awayg igisye ku ig hiyap gikebyi abet mbeyne, heneme ku ig pidik giwak gidahan, ba Kiyavwiye Uhokri gamnihra ay givit? Yuma.

Apokalípsi 22:16

Ig Kiyavwiye Jesus awna nutuh: — Nah Jesus awahkise nuwatni ahj pimin adahan pisme ekkene gitkis nuhiyegavu madikte inin ku pariye ig hiyapkise pit. Nah humaw giwntak amekene Davi. Igme amekene Davi humaw nuwntak. Nah ke warukmabe kabutniye kibeywekempiye adahan kavusene nukune hawkri gidahankis hiyeg. Henewatbaki ig Kiyavwiye Jesus awna.