Lúkas 1:74 - Uhokri Gahegbetawni Nukune akak Sawmus

⁷⁴ ku ig wiwhpewiynek giwakutakis uvetunyavuwiy kahadbe wixwiy ka avisnema kawohkigahaw ta git Kiyavwiye Uhokri,

Uhokri Gannasan

⁷⁴ ku ig wiwhpewiy giwakutakkis upetunyapuwiy kahadbe wixwiy ka apisnema kawohkigahaw ta git Uhokri

Lúkas 1:74 Iomraidhean Croise

Sawmus 119:134

Wiwhnanuba giwakutakkis neras ku pariye hiyapkisnevwi mbeyne nutuh kahadbe ik adahan nah ihpa pikumadukan!

Lúkas 1:71

Ig awna ku ig keh wixwiy isahptaw giwkis uvetunyavuwiy giwkis madikte ku pariye wamiyetnivwiy.

Lúkas 1:73

Mmanawa ig ikakse minikwak git uhawkriwiy amekene Abraawh

Lúkas 1:75

adahan wixwiy wew waditye, barewvitye giwtrik Kiyavwiye Uhokri madikte ku samah wowskawniwiy amadga hawkri.

Romanus 6:22

Kurime yis isahptew ariw ini mbayka akumadukan adahan yis kumadukaka gavit Uhokri. Yis ik adahan yis miniw ariw yikehni mbayka adahan yis kehne kabayka. Inineki keh yis uti kabayka dehetnikinek.

Romanus 8:15

Mmanawa ku samah wixwiy ameve Uhokri Gitip, ig ka kumadukawiy akakma mpiksakima ke wotbe wixwiy gibukvigbe. Kuri ig kumadukawiy akak kabayka hawata ku samah pahavwi igti kumaduka gikamkayh. Kuri wixwiy iha giwn ka akakma wavisniwiyma gibohri, heneme wixwiy iha giwn awaku ku samah ig Wigwiy. Ig Gitip keh wixwiy humaw gikamkayuvwi. Ig keh wixwiy kighaw ta git, wixwiy kanumgi “Pa, Niguh”.

2 Timótyu 1:7

Kibokanaba. Ig Kiyavwiye Uhokri kuwis kawihkis Gitip ta uvititwiy. Ig Gitip ka keh wis avis gibohrikis hiyeg. Heneme ig iki Kiyavwiye Uhokri gidatni ta uvititwiy payak akak gamnihra akak gawaygi adahan wixwiy avuriwne uhiyekemniwiy kabayntiwa.

Ebréws 2:15

Ayge nikwe ig keh wixwiy isahptaw, wixwiy ku pariye takunipti wanakka akak aviska awaku ku samah wixwiy avisne abohri miyaka.

Ebréws 9:14

Ku yis hiyap ku puwikne gimig ik adahan barewvitha uvitwiy, inkata Cristo gimig akiw? In ka aynsima kabayte akiw. In ik adahan barewbetha uhiyekemniwiy. Ig Cristo ignewa Kiyavwiye Uhokri. Kiyavwiye Uhokri Gitip dehetniki ay givit. Ig barewvitye avigkutavrik ku samah Kiyavwiye Uhokri gimawkan hene ig umahkiswe udukwenavrikwiy. Ini gimig ik adahan wages uhiyekemniwiy. In wages uhiyekemniwiy ariw ukehbetanwiy ku pariye waditnevyenen adahan wixwiy kehne gibetki Kiyavwiye Uhokri dehetniye.

Apokalípsi 2:10

Ka yi muwaka avis abohri ini mbeyne ku pariye me danuhmet yit. Yaytak sarayhkiskanek arikut parakseket gavit wavitye gikivarakis adahan yihikekten. Henewatbaki ig keh. Ka aynsima hawkri yis hiyap mbeynenek. Hiyawa yis miyarap, heneme ka sam. Kamaxwanabay nuvitit kabayntiwa. Ku yis keh hene, nikwe nah katiwnihyinek akak ini iyuwti ku pariye keh yis aymuhwa adahan avanenekwa.