Lúkas 1:68 - Uhokri Gahegbetawni Nukune akak Sawmus

⁶⁸ — Kibeyne gidahan Kiyavwiye Uhokri, ku pariye uwohkigawiy wixwiy izhaewyenevwi. Ig kuwis parak abet uhawkanwiy wixwiy gihiyegavu. Kuri ig keh wixwiy isahptaw.

Uhokri Gannasan

⁶⁸ ―Kibeyne gidahan Uhokri, ku pariye uwohkigawiy wixwiy israelyenepwi. Ig kuwis parak abet uhawkanwiy wixwiy gihiyegapu. Kuri ig keh wixwiy isamtaw.

Lúkas 1:68 Iomraidhean Croise

Sawmus 106:48

Uyay kabayha Kiyavwiye Uhokri, izhaewyenevwi giwohkigakis! Kabayhanay Kiyavwiye kuri hawata avanenekwa! Amawka madikte hiyegviyenevwi awnanekuye: “Ameh”! Kabayhanay Kiyavwiye Uhokri!

Sawmus 111:9

Kiyavwiye Uhokri awahkise amnihka giminkis gihiyegavu hawata ig kehe pahat ahegbetawka gikakkis adahan avananekwa. Ig barewvitye hawata ig ka gidatnisima.

Sawmus 130:8

Ig amnihnek gihiyegavu izhaewyenevwi ariw madikte givathawnikis.

Sawmus 41:13

Ig izhaewyenevwi giwohkigakis, Kiyavwiye Uhokri, ignewa kis adahan kabayhaka! Ignewa kis adahan kabayhaka, ku akak inin hawata adahan avanenekwa! Ameh! Ameh! Henewatbaki.

Lúkas 1:71

Ig awna ku ig keh wixwiy isahptaw giwkis uvetunyavuwiy giwkis madikte ku pariye wamiyetnivwiy.

Lúkas 19:44

Avim ini igkis umahavevyi. Igkis mehe yivinek madikte. Igkis ka ikis pohownema tip pavitmintak akak guyaki tip. Yis hiyap madikte ini mbeyne awaku yis mahikohpen avim inin ku aysaw nah danuh atan adahan yamnihten.

Lúkas 2:38

Eg danuh atere, eg utevgikis ayge. Eg hiyapni hene, eg kabayha Uhokri. Han pitatit eg kinetihwano gimin Jesus ta gitkis neras jerusalémyenevwi ku pariye wahepnenevwi gamnihtenkis.

Lúkas 24:21

Usuhme uvewkankama ku ignewa ayta uwiwhpitniwiy giwakutakkis uvetunyavuwiy wixwiy izhaewyenevwi. Ku avim inin kuwis amamnampiye hawkri ariwntak ku samah ini mbeyne danuhe git.

Lúkas 7:16

Madikte hiyeg hiyapni hene, igkis avisasew. Igkis kibeyhenes Uhokri. Igkis awna: — Kibeyne. Pahavwi Uhokri gawneve kuwis kahayak ubetwiy. Kuri Uhokri parak abet uhawkanwiy wixwiy gihiyegavu.

Efésyus 1:3

Kibeyne gidahan Kiyavwiye Uhokri. Ignewa Ukivarawiy Jesus Cristo gig. Ig iki madikte kabayka uvititwiy givitimpi Gitip. Ig iki wotwiy awaku ku samah wixwiy pahavwiwa gikak Cristo ku pariye kuwisnene aynte inurik.

Efésyus 1:7

Igme gikamkayh katiwnihpewiy akak gimig adahan wixwiy isahptaw ariw utaraksanwiy. Inneki keh ig Kiyavwiye Uhokri bayahminawiy ariw utaraksanwiy. Ig ka gabayisima ig keh hene.

Ebréws 9:12

Ig Cristo ka muwaka adahan ig danuh atere arit Kiyavwiye Uhokri giwskeki inpawatma kema muwvegma amadgaya ininma. Pahayewvi ig danuh atere kuwis. Ine ig kawnata katiwnih gihiyegavu gitaraksankis akakma kabrit gimigma kawnata akak pak gimigma. Heneme ig katiwnih utaraksanwiy akak gidahanwa gimig adahan avanenekwa.

1 Pedru 1:3

Kibeyne gidahan Kiyavwiye Uhokri ku pariye Ukivarawiy Jesus Cristo gig. Ig ka gamnihrasima ukakwiy. Ig keh uhiyekemniwiy wayvuka nukunewa akiw givitimpi Jesus Cristo ku samah ig kannikasevgi ariw gimiremni. Inneki keh wixwiy iveg givitit adahan ig utipkis wotwiy ini kabayka dehetniki