Lúkas 1:65 - Uhokri Gahegbetawni Nukune akak Sawmus

⁶⁵ Madikte misekwenevwi ayge igkis time inakni gak hene, igkis wakaymnibdi gidahan ka aynsima. Inakni inetit gimin ibekhewvi muwapuw avitiw ini waxribdi ayge Judeyamnaw.

Uhokri Gannasan

⁶⁵ Madikte msekwenepwi ayge igkis timé inakni gak henne, igkis wakaymnibdi gidahan kaayhsima. Inakni inetit gimin ibekhewpi muwwapu apitiw ini waxribdi ayge Judeyamnaw.

Lúkas 1:65 Iomraidhean Croise

Matews 2:1

Ig Kiyavwiye Jesus amadga wayk avit paytwempu Belém, aynte avit waxri Judeyamnaw. Ig wayvuka avim ini ku aysaw Erodis kumadukenete izhaewyenevwi giwaxigkis. Avim ini hawkri gaytakkis awaykemni kannuhwenevwi amin warukma igkis ayta wahamavriktak adahan ta avitit paytwempu Jerusalém ku pariye kennesa arimkat paytwempu Belém.

Lúkas 1:39

Ariwnteke ini eg kiyavuno Mahi ahegbetewvi, eg tivik kibehtenwa ta avitit paha paytwempu ku pariye aynene avit waxribdi ay Judeyamnaw.

Lúkas 2:18

Igkis hiyeg time neras muwtohvutnevwi ginetnikis inakni, igkis wakaymnibdi ka aynsima.

Lúkas 5:26

Madikte hiyeg hiyapni hene, igkis wakaymnibdi. Igkis kabayha Uhokri akak madikte gavisnikis. Igkis awna: — Usuh ka hiyapti akebi inin. Kabahte usuh ka ihpin.

Lúkas 7:16

Madikte hiyeg hiyapni hene, igkis avisasew. Igkis kibeyhenes Uhokri. Igkis awna: — Kibeyne. Pahavwi Uhokri gawneve kuwis kahayak ubetwiy. Kuri Uhokri parak abet uhawkanwiy wixwiy gihiyegavu.

Attus 19:17

Ayteke madikte hiyeg ayge Efesu ignes time gakkis, hiyeg ku pariye judeyenevwi hiyeg ku pariye kane judeyenevwima madehkis. Igkis timapni hene, igkis madikte avisasew. Nikwe Kiyavwiye Jesus giw ka aynsima kiyathakante akiw.

Attus 2:43

Igkis madikte wakaymnibdi ayge. Ig Kiyavwiye Jesus giwatnivwi igkis keh ka aynsima annut ku pariye keh hiyeg wakaymni, ku pariye areketni Kiyavwiye Uhokri gidatni.

Attus 5:11

Madikte Kiyavwiye Uhokri gihiyegavu igkis time gakkis hene, igkis avisasew ka aynsima nikwe. Hawata madikte nawenyevwi ku pariye time gakkis igkis avisasewata.

Attus 5:5

Ig Ananiyas timapni hene, ig tuguhe miyapte. Madikte hiyeg ku pariye ayge timepbetnenes igkis hiyapni hene, igkis avisasew ka aynsima.

Apokalípsi 11:11

Heneme ayteke ariwnteke ini mpana hawkri akak abusku, ig Uhokri parakse gitipkis givititkis neras gawnevevu akiw. Ayge nikwe igkisme kannikew tabir akiw. Nerasme hiyeg hiyapni hene, igkis avisasew ka aynsima.