Lúkas 1:49 - Uhokri Gahegbetawni Nukune akak Sawmus

⁴⁹ Ig detyewa. Ig keh kibeyne annut nudahan. Ig barewvitye.

Uhokri Gannasan

⁴⁹ Ig detyewa. Ig keh kibeyne annut ndahan. Ig barewpitye.

Lúkas 1:49 Iomraidhean Croise

Sawmus 111:9

Kiyavwiye Uhokri awahkise amnihka giminkis gihiyegavu hawata ig kehe pahat ahegbetawka gikakkis adahan avananekwa. Ig barewvitye hawata ig ka gidatnisima.

Sawmus 24:8

Pariyeki ner Ikivarat kane gikiytanisima? Ig Kiyavwiye Uhokri Dehetniye, ku pariye kane gidatnisima. Ig Kiyavwiye Uhokri ku pariye detye adahan kavetunsene givetunyavu.

Sawmus 99:3

Amawka madikte hiyeg kabayha giw kane nikiytanisima. Awaku ignewa kis adahan kiyathaka. Kiyavwiye Uhokri ig barewvitye.

Sawmus 99:9

Kabayhanay Kiyavwiye uwohkigawiy. Kiyathanigbay ay avit giwaxig barewvitye. Mmanawa Kiyavwiye uwohkigawiy ig barewvitye.

Markus 5:13

Igme Kiyavwiye Jesus isaksevgikis. Ayteke nikwe neras wavityempu mbeyevye igkis pesbetwikis givititak ner awayg. Igkis pareke givititkis ignes pakirempu. Neras pibohramnene pakir igkis pina mil (2.000) gikebikis. Igkisme wavityempu parekwigkis, igkisme pakirempu sigisbetwikis ta asebrikute. Igkis tubohbetwikis ta ahakwate mahakwa. Ayge igkis aniksewbet ahakwa mahakwa.

Lúkas 1:48

Mmanawa ig kiyenuh nah gibuk yumanano nukiytani. Akiwka akiwkanek madikte hiyeg kinetihwa numinuhnek ku samah nah kabunuga gikak Kiyavwiye Uhokri.

Lúkas 1:50

Akiwka akiwkanek ig ka gamnihrasima gikakkis madikte hiyeg ku pariye avisnevwi gibohri.

Efésyus 3:20

Kibeyne gidahan Kiyavwiye Uhokri. Gidatni ay uvitwiy in ka nidatnisima. Akak ini gidatni ig keh mpiy ku pariye wayapni git. Uhiyakemni ka ik adahan kawih madikte kabayka ku pariye ig keh udahanwiy.

Apokalípsi 15:4

Kiyavwiye, hawkavanek yuma pahavwinema hiyeg ka avisma pibohri. Yuma pahavwinema ka kiyathama piw. Mmanawa pisnewa barewvitye. Yuma pahavwinema barewvitye kema pisma. Aysawnemenek hiyeg ariwntak madikte waxri aytanek pimkat adahan igkis kibeyhene piw, mmanawa pannu ku pariye kibeynewatnen ini hiyapkanek gavitkis madikte hiyeg. Henewatbaki igkis hiyeg pak givankis.

Apokalípsi 4:8

Mpuse hiyeg dehetniyevwi igkis kahanpiyekuye puguhkuna akebi gihanpikis. Gihanpikis kowtyakborave pebkakte. Igkis ka matiswati pak avat takunipti. Igkis pekne git ner ku pariye betnene amadga gevwi. Igkis awninekwa: — Kiyavwiye Uhokri detye. Pis barewvitye, barewvitye, barewvitye. Pis ay minikwak. Piswata ay kuri. Piswata nehmnikuhpiye.