Lúkas 1:46 - Uhokri Gahegbetawni Nukune akak Sawmus

⁴⁶ Egme kiyavuno Mahi awna: — Nah kabayha Kiyavwiye Uhokri avititakwa nuyakni.

Uhokri Gannasan

⁴⁶ Egme kiyapuno Mahi awna: ―Nah kabayha Uhokri apititakwa nuyakni.

Lúkas 1:46 Iomraidhean Croise

Sawmus 35:9

Nahme bateknek ka aynsima adahan ku pariye Kiyavwiye Uhokri gikehni; mmanawa ignewa amnihpen ariw miyaka.

Romanus 5:11

Ka ininewatma wixwiy isahptawma ariw mbayka, heneme hawata wixwiy uti batekka giwntak Uhokri. Wixwiy utipni givitimpi Ukivarawiy Jesus Cristo ku pariye wadithebdihpiye uhawkanwiy gikak Uhokri.

1 Koríntyus 1:31

Giwnamnawa Uhokri gannasan. In awna: — Ku pariye hiyeg kehkere giwanti akak ku ig hiyakemniye hiyeg, wani ig keh giwanti akaknenwa ku pariye Ukivarawiy gikehni udahanwiy. Mmanawa Uhokri ignewa ku pariye hiyakemniye.

2 Koríntyus 2:14

Heneme kibeyne gidahan Uhokri. Ig avanenekwa parak abet uhawkanwiy. Givitimpi Cristo ig avanenekwa matekbeta gihawkankis madikte hiyeg ku pariye mpitebdihkere wannivwiy. Ayge nikwe ig kawihwiy adahan wixwiy ekkene gihiyekemni muwapuw ke wotbe wixwiy bohkisne imihgi amihyibe.

Filipénses 3:3

Bawa wixwiy ku pariye inyewa gihiyegavu wixwiy ka humaw gihiyegavu awakuma ku samah wixwiy hiwhka uvitwiy, heneme awaku ku samah wixwiy kiye Kiyavwiye Uhokri givitimpi igyewa Gitip, wixwiy iveg givititnen Cristo Jesus akak madikte ubetkiwiy. Wixwiy ka iveg avitit umaviswanwiy akak ukehbetanwiynenwatma adahan innima keh wixwiy humaw Kiyavwiye Uhokri gihiyegavu.

Filipénses 4:4

Bateknabay yinaktin giwntak Kiyavwiye Uhokri takunipti. Nah aya yit pahaynewata akiw, bateknay yinaktin.

1 Tesalonisenses 5:23

Ig Kiyavwiye Uhokri ig atiwkekne kariswehwaki. Igwa keh yis barewvitnek pahavwite. Ig avuriwyinek pahavwite, yitip payak akak yihiyekemni yivit. Ig avuriwyi kahadbe yis yumahwa yitaraksan aynesnima giwtrik avim ini ku aysaw Ukivarawiy Jesus Cristo gidawnhan.

1 Pedru 1:8

Wixwiy kote hiyavgite heneme ka sam. Wixwiynewa batek gikak. Hiyawa wixwiy ka hiyavgi kuri heneme kawnata sam. Wixwiynewa kamaxwa givitit. Inneki keh wixwiy batek ka aynsima, yuma batekka hene akiw. Ka ik adahan wis kinetihwa nimin.