Lúkas 1:41 - Uhokri Gahegbetawni Nukune akak Sawmus

⁴¹ Ku aysaw eg amakano Isabel time inakni guwn hene, gukamkayh mukuse ay gunaktiniku. Ayge amun ini eg kawihpika gavit Uhokri Gitip.

Uhokri Gannasan

⁴¹ Pase eg amakano Isabel timé inakni guwn henne, gukamkayh mukuse ay gunaktin. Ayge amun ini eg kawihpika gapit Uhokri Gitip.

Lúkas 1:41 Iomraidhean Croise

Sawmus 22:10

Ku samah abetnewa nah amadga wayk nah ekkepka piwakurit. Ku samah nah amadga wayk pisnewa nuwohkiga.

Lúkas 1:15

Ig humaw kiyatye hiyegnek giwtrik Kiyavwiye Uhokri. Ig ka higapti win. Ig kawnata higapti higapka ku pariye katiwye. Ig gitiphaw Kiyavwiye Uhokrinek ku samah ig gutunriktak ginagnek.

Lúkas 1:40

Eg danuh atere, eg pareke givinekut amekene Zakariyas. Ayge eg ute amakano Isabel. Eg aytnihgu: — Ba pi ay?

Lúkas 1:42

Nikwe eg awna gut kiyavuno Mahi akak madikte guwegewni. Guwn: — Pis pi kabunugate gikak Kiyavwiye Uhokri ariw madikte tinogben. Pikamkayh hawata ka gibunugasima.

Lúkas 1:44

Ku aysaw nah time piwn, nukamkayh mukuse ay nunaktiniku akak batekka.

Lúkas 1:67

Igme bakimni gig amekene Zakariyas, Uhokri Gitip kawihpig, ig awna iwit ku pariye pes giwntak Uhokri. Giwn:

Lúkas 4:1

Ig Kiyavwiye Jesus tivik ariwntak egu warik Jordawh ig gitiphewne Uhokri. Ig danuh ta amadgat amatap. Ayge ig Uhokri Gitip gihwitenten.

Attus 2:4

Ayge amun ini ig Kiyavwiye Uhokri Gitip kawihavevgikis madikte. Igkis kavusa awna ariku ka aynsima nawenyewa iwit ku samah ig Kiyavwiye Uhokri Gitip iki giwnkis mpuse gaytakis pahavwit.

Attus 4:8

Igme Pedru ayge ig gitiphewne Kiyavwiye Uhokri, ig kaytwa giwnkis: — Kiyavwiyegben, yis ukivara, yis uwewkisten,

Attus 6:3

Nikwe nukebyuvwi, hiyawa yis kaniy awaykemni ntewnehker gikebikis yibetitak ku pariye yis kiyatha. Kaniynabay awaykemni ku pariye gitiphewnene Kiyavwiye Uhokri. Kaniynabay awaykemni ku pariye hiyakemniye akak Uhokri gihiyekemni. Ayteke nikwe usuh iki giwakuritkis adahan igkisme hiyeknes gikakkis Jesus gihiyegavu ku pariye kamawkanyevwi.

Attus 7:55

Igme amekene Estevawh ka aminama. Ig gitiphewne Kiyavwiye Uhokri. Ig sarayhe givegi inut, ig hiyap Kiyavwiye Uhokri gikiytani aynte inurik. Ig hiyap Kiyavwiye Jesus tabir ay gihumwa Kiyavwiye Uhokri kihehaptak.

Attus 9:17

Ig Ananiyas timapni hene, ig tivik. Ig danuh atere givinekut Judas. Ayge ig ute Sawlu. Ig hiyapni hene, ig sarayh giwak givitit. Ig awna git: — Nukebyi Sawlu, igwa Kiyavwiye Jesus awahkisun atan pimin. Igwata ku pariye hiyapkiswe pit avigku ahin abetnewa ku samah paytni. Ig awahkisun adahan Kiyavwiye Uhokri Gitip kawihpi ku avim inin.

Efésyus 5:18

Ka ba yi uwkihwa akak higapka adahan in kumaduka yihiyekemni. Mmanawa in hiyapkis ka aynsima mbeyne wot. Heneme wewnay takunipti gitiphaw Kiyavwiye Uhokri adahan ignewa kumaduka yihiyekemni.

Apokalípsi 1:10

Amakohnokwa abetnewa ini hawkri adahan kiyathene Kiyavwiye Uhokri, nah piriyepkewempiye gitiphawnawa Uhokri. Ayge nah timap nuharaptak pahat ikuvimnat awna ka ahawnasima ke agigbe tohompetbe.