Lúkas 1:33 - Uhokri Gahegbetawni Nukune akak Sawmus

³³ Ig kumadukanek amekene Jakó gihiwhivwi akiwka akiwkanek. Gikumadukan yuma amaksemninek.

Uhokri Gannasan

³³ Ig kumadukanek amekene Jakó gihiwhipwi akiwka akiwkanek. Gikumadukan yuma amaksemninek.

Lúkas 1:33 Iomraidhean Croise

Sawmus 45:6

Kiyavwiye Uhokri, pis kumadukanek adahan avanenekwa. Avanenekwa pikumadukan waditnenekwa.

Sawmus 89:4

“Pahavwi gaytakkis pihiwhivwi avanenekwa kumadukanek. Nah avuriwnek gikumadukankis adahan avanenekwa.”

Matews 1:1

Ay giwkis Kiyavwiye Jesus Cristo gihawkrivwi. Ig Kiyavwiye Jesus ig amekene Davi gihiwhi, igme amekene Davi ig amekene Abraawh gihiwhi.

Matews 28:18

Igme Kiyavwiye Jesus danukwe kennesa gitkis, ig awna: — Madikte kumadukaki ikepka nutuh adahan nah kumadukene madikte inurikyenevwi hawata madikte amedgenevwi inin.

Lúkas 1:34

Eg kiyavuno Mahi timapni hene, eg kaytwa giwn: — Mmahki ini danuh nutuh? Nah kote wewte gikak pahavwinema awayg.

Romanus 9:6

Heneme igkis izhaewyenevwi ka uti madikte ini kabayka ku pariye Uhokri ikakse gitkis gihiyegavu. Ka sam. Inakni giwn ka waditnevyenenma. Ka ik adahan wis awna ku giwn he waditnevyenen. Mmanawa igkis izhaewyenevwi igkis ka madiktema igyewa Uhokri gihiyegavu.

Gálatas 3:29

Ku samah wixwiy pahavwiwa gikak Cristo, nikwe wixwiy hawata amekene Abraawh gihiwhi. Amun ini nikwe wixwiy darih inwata kabayka ku pariye Kiyavwiye Uhokri ikakse git amekene Abraawh gihiwhi.

Gálatas 6:16

Yis ku pariye wewnevwi akak ini nuhiyekemni, yis ku pariye igyewa amekene Abraawh gihiwhivwi giwtrik Kiyavwiye Uhokri, ig Kiyavwiye Uhokri kariswehse yiyakninek, ig amnihpeynek.

Filipénses 3:3

Bawa wixwiy ku pariye inyewa gihiyegavu wixwiy ka humaw gihiyegavu awakuma ku samah wixwiy hiwhka uvitwiy, heneme awaku ku samah wixwiy kiye Kiyavwiye Uhokri givitimpi igyewa Gitip, wixwiy iveg givititnen Cristo Jesus akak madikte ubetkiwiy. Wixwiy ka iveg avitit umaviswanwiy akak ukehbetanwiynenwatma adahan innima keh wixwiy humaw Kiyavwiye Uhokri gihiyegavu.

Ebréws 1:8

Giminme gikamkayh ig annase iwit ka aynsima kabayte akiw. In awna: — Kiyavwiye Uhokri, pis kumadukanek adahan avanenekwa. Avanenekwa pikumadukan waditnenekwa.

Apokalípsi 11:15

Ayteke ntewnehkerviye ahj agighe. Ayge inurik ka aynsima hiyeg awna akak madikte giwakemnikis. Igkis awna: — Kuri Ukivarawiy kumadukene amadga wayk gikak gikanyan Cristo. Ig kumadukanek adahan avanenekwa. Kibeyne.