Lúkas 1:32 - Uhokri Gahegbetawni Nukune akak Sawmus

³² Ig humawnek kiyatye hiyeg. Ig kanumkanek Kiyavwiye Uhokri inurikyene gikamkayh. Kiyavwiye Uhokri keh ig kumaduka hiyeg hawata ke gihawkribe amekene Davi.

Uhokri Gannasan

³² Ig humaw kiyatye hiyegnek. Ig kanumka Uhokri inugikyene gikamkayh. Kiyapwiye Uhokri keh ig kumaduka hiyeg hawwata ke gahawkribe amekene Davibe.

Lúkas 1:32 Iomraidhean Croise

Sawmus 132:11

Inakni pikaksan git Davi, in inyewa. Pis ka diyuhkiswanek butte niw. Pis awna git: “Nah kehnek pahavwi gaytakkis pikamkayuvwi humawnek ikivarat. Ig kumadukanek butte piw.

Sawmus 132:12

Ku igkis pikamkayuvwi tiviknene kamaxwenene avitit nahegbetawni, ku igkis ihpenene nukumadukan ku pariye nah ike yit, nikwe hawata gikamkayuvwikis akiwka akiw igkis humawnek ikivarat.”

Matews 1:1

Ay giwkis Kiyavwiye Jesus Cristo gihawkrivwi. Ig Kiyavwiye Jesus ig amekene Davi gihiwhi, igme amekene Davi ig amekene Abraawh gihiwhi.

Matews 12:42

Hawata akiw nor tino ku pariye gikivarakis amekenegben tiwrikyenevwi egu hawata hiyekevyinek ayge givetun Uhokri ku yis mbeyevye yihiyekemni. Eg kane Uhokriyanma eg misakwa piyawakad, hiyaksa eg ayta atan adahan timapno amekene Salomão giwn awaku ig ka gihiyekemnisima. Yisme ka timepkere nuwnuh. Hiyawa nah hiyakemnite giw amekene Salomão, heneme yisnewa ka timepkere nuwnuh.

Matews 28:18

Igme Kiyavwiye Jesus danukwe kennesa gitkis, ig awna: — Madikte kumadukaki ikepka nutuh adahan nah kumadukene madikte inurikyenevwi hawata madikte amedgenevwi inin.

Matews 3:11

Ayteke ig Joawh Batista awna gitkis madikte hiyeg. Giwn: — Nah kawihkis un yivitit adahan areketni ku yis wagese yihiyekemni ariw yitaraksan. Heneme pahavwi nehmnikuhpiye nuhavu butte igi kaywaynek akak igyewa Uhokri Gitip adahan ig kawihkis gidahanwa gihiyekemni akak gannu yivitit. Yaytakme ig kawihkisnek tiket yivitit. Igi ka aynsima gikiytani mpiyan. Nah yumahwa nukiytani gitivut adahan nah ayavig hiyuh gikaswatni.

Markus 14:61

Igme Kiyavwiye Jesus tinwo, ig ka kaytwa giwn. Igme muwvegviyene gikivarakis ig ayavgi: — Mmah pisnewa Cristo. Mmah pisnewa Uhokri gikanyan adahan ukumaduketni? Mmah pisnewa Kiyavwiye Uhokri gikamkayh?

Markus 5:7

Ig kabiman git akak gihawna. Giwn: — Aa, Kiyavwiye Jesus. Pis Kiyavwiye Uhokri gikamkayh inurikyene. Pariye pimawkan ta nutuh ku avim inin? Uya amnihun gidahan Kiyavwiye Uhokri. Ka ba hiyapkis mbeyne nutuh.

Lúkas 1:15

Ig humaw kiyatye hiyegnek giwtrik Kiyavwiye Uhokri. Ig ka higapti win. Ig kawnata higapti higapka ku pariye katiwye. Ig gitiphaw Kiyavwiye Uhokrinek ku samah ig gutunriktak ginagnek.

Lúkas 1:35

Igme ahj kaytwa guwn: — Ig Kiyavwiye Uhokri Gitip ig muhuksa ta pivititnek. Ig gidatni parakpinek. Ayge nikwe pis sarayh pikamkayh, ig barewvityenek. Ig Kiyavwiye Uhokriwa gikamkayh.

Lúkas 1:76

Pis nukamkayh, pis kanumkanek Kiyavwiye Uhokri inurikyene gawneve mmanawa pis danuh gavitkiya Ukivarawiynek adahan pis ahegbeteviye madikte avit gaytni.

Lúkas 3:16

Ig Joawh Batista hiyapni hene, ig awna gitkis: — Ku aysaw nah kaywevyi, nah kawihkis un ta yivitit, heneme pahavwi nehmnikuhpiye nuhavuh butte ku pariye kaywevyinek akak igyewa Uhokri Gitip adahan ig kawihkis gidahanwa gihiyekemni akak gannu ta yivitit. Yaytakme ig kawihkis tiket ta yivititnek. Ig ner ka aynsima gikiytani mpiyan. Nah yuma nukiytanisima gitivut adahan nah ayavig wiwh gikaswatni gikugkaptak.

Lúkas 6:35

Ka ba yi kehni hene. Bateknabay gikakkis yivetunyavu. Amnihnabay madikte hiyeg. Sunapkisnabay gitkis ka waha awenyan. Ayge nikwe Uhokri katiwnihyi kabayntiwanek. Yis humaw Uhokri inurikyene gikamkayuvwi awaku yihiyekemni kewa gidahanbe mmanawa ig amnihne hiyeg kane kibeynevwima ku pariye kane kabayhig.

Joawh 12:34

Neras hiyeg timapni hene, igkis awna git: — Mmah pimiremninek? Ekkepka wotuh amadgatak Uhokri gannasan ku Uhokri gikanyan adahan ukumaduketni ig misakwa adahan avanenekwa. Pis ikewne ku pis wageswe awayg amadgaya inin. Nikwe wotuh pis ner Uhokri gikanyan. Mmah nikwe pis awna ku amawka ku pis ikepka inut aminat ah? Pariyekap pis ku pariyene wageswe awayg amadgaya inin? Ba pis ka Uhokri gikanyanwatma adahan ukumaduketni?

Joawh 6:69

Usuh kamaxwa pivitit. Usuh hiyak ku pis Uhokri giwatni barewvitye.

Attus 16:17

Eg himano kavusa makekehwe uhavuh butte. Eg awni akak guhawna. Guwn: — Nerasbaki awaykemni igkis Kiyavwiye Uhokri inurikyene gihiyegavu. Igkis ekkenes wotwiy pahatra ahin adahan wixwiy danuhne git Kiyavwiye Uhokri.

Attus 2:30

Gimin gihiwhi Kiyavwiye Jesus ig awna inakni giwn mmanawa ig amekene Davi igi Uhokri gawneve adahan ekkene ku pariye nehmnikuhpiye. Minikwak ku samah ig aynete amadga inin ig Kiyavwiye Uhokri awna git: — Davi, pahavwi gaytakis pihiwhivwi kannikawnek adahan ig kumadukene hiyeg piwenyan. Nah ikaksa pit inakni ku avim inin. Nah ka uniyehti ini nuhiyekemni.

Attus 2:36

Nukebyuvwi judeyenevwi, ku avim inin nah ikene yinetni marihwa yis hiyakni kabayntiwa ku ig Kiyavwiye Jesus, ner Kiyavwiye Jesus ku pariye yidaddahkisni, ignewa Ukivarawiy. Ignewa Uhokri gikanyan adahan ukumaduketniwiy. Henewatbaki ig Pedru awna.

Attus 7:48

Bawa ig Kiyavwiye Uhokri inurikyene ig ka misakwa arikuma payt ku pariye hiyeg amadgayavu inin gikehnikis. Uhokri gannasan git gawneve minikwak akki wot inakni hene. In awna:

Romanus 1:4

heneme ig gidukwenewa ig Uhokri gikamkayh. Ig gitiphaw Uhokri barewvitye. Ini gannu ku samah ig kannikaw ariwntak gimiremni innebaki akkig wotwiy ku igyewa Uhokri gikamkayh.

Apokalípsi 3:7

Ayteke ig Kiyavwiye Jesus awna nutuh akiw. Giwn: — Awahkisnaba pahak kagta gimin ner inetitkekne gidahankis nuhiyegavu aynte avit paytwempu Filadewfiya. Tamaknaba iwit ku pariye nah akki pit kuri. “Nah ikene yinetni, nah ku pariye barewvitye igyewatnene. Nah ku pariye kadahannene ay nuwaku in kiyavwiye Davi girakra, mmanawa nah kumaduka madikte iwetrit hawata ku samah minikwak ig kumaduka madikte giwetri. Ku nah woka pahayku iwetrit, yuma hiyeg hiya asabukak. Ku nah sabuk pahayku iwetrit, yuma hiyeg hiya awokak.