Lúkas 1:20 - Uhokri Gahegbetawni Nukune akak Sawmus

²⁰ Pisme ka iha inakni nnetni. Avatra ini pis mataybinek pis mownpinek. Pis ka awna pahatnema iwitnek he inakni nuwnuh kahayak pitnek. Mmanawa inyewa in kahayak avim ini ku aysaw ahawkanavrik danuh.

Uhokri Gannasan

²⁰ Pisme ka iha inakni nnetni. Apatra ini pis mataybinek pis monpinek. Pis ka awna pahatnama yuwitnek nekwanek inakni nuwnhu kahayak ta pitnek. Mmanawa inyerwa in kahayak apim ini ku aysaw ahawkanaprik danuh.

Lúkas 1:20 Iomraidhean Croise

Markus 16:14

Ariwnteke ini ig hiyapkiswe ta gitkis giwatnivwi madikawkunene gikebikis gikak pahavwi gawnakis (11). Igkis axnes, ig hiyapkiswe atere. Ig himehpigkis atere. Ig awna gitkis: — Yidaniskata yis ihpa giwnkis neras ku pariye nuhivetnivwi ku nah kuwis kannikew.

Markus 9:19

Ig Kiyavwiye Jesus timapni hene, ig awna git: — Aa, hiyeg taraksavye amadgaya inin. Mmahki yis ka kamaxwa aynesnima givitit Uhokri? Aysaw akebi hawkri yimawkan nah misakwa ay yikak nah kiyaknihwa yikak he yis kamaxwa givitit Uhokri? Kuri waxwa pikamkayh ayta numkanit.

Lúkas 1:19

Igme ahj awna git: — Nah Gabriyew, nah avanenekwa nah misakwa gimun Kiyavwiye Uhokri. Nah awahkiska atan pimin adahan nah kinetihwene pikak adahan nah ekkene inakni inetit ta pit.

Lúkas 1:21

Igkis kinetihwenes ayge, neras hiyeg aynte kabaywak igkis wahepnes amekene Zakariyas adahan ig pes. Igkis wakaymnibdi awaku ku samah ig ayivwihwe mpiynevevye aynte ariku Uhokri giwskeki.

Lúkas 1:22

Ayteke metakwa ig pes arikutak ini payt. Ig mpiksaw adahan ig awna gitkis neras hiyeg, heneme ig ka ik adahan ig awna. Igkis hiyapni hene, igkis awna: — Ba ig kamapti ayge ariku Kiyavwiye Uhokri giwskeki? Igme misekwe ahehwavwi akak giwaknenwa. Ig ka ik adahan ig awna.

Lúkas 1:45

Pis uti kabaykanek ka aynsima awaku ku samah pis ihe Kiyavwiye Uhokri giwn. Mmanawa ig inyewa kehnek madikte ku pariye ig wasavanaw pimin.

Lúkas 1:64

Aynewa ig amekene Zakariyas gibiy ik adahan ig awna akiw. Ig awna, ig kibeyhene Uhokri.

Romanus 3:3

Igkisme hiyapni hene, igkis awna git Uhokri: “Usuh ihpa inakni piwn madikte.” Heneme kabahte madikte ka keh ku samah giwnkis git. Nawenetke pahavwi yaytak hiyapni hene, ig awna: “Ku hene nikwe, ig Uhokri kawnata keh ku samah giwn ta gitkis.”

2 Timótyu 2:13

Ku wown diyuhe butte, gidahanme ka diyuhti. Ig keh madikte ku pariye ig awna adahan ig keh. Mmanawa ka hiya igma wihwa ariw giwn.

Titu 1:2

Kahadbe igkis aymuhwa gimun Kiyavwiye Uhokri adahan avanenekwa. Ig Kiyavwiye Uhokri ku pariye ka wasaympiyema ig ikakse wotwiy minikwak avit hawkri humaw adahan waymuhwanwiy ay gimun.

Ebréws 6:18

Inakni giwn adahan ku samah ig ikaksa wotwiy kabayka payak akak inakni giwn adahan ku samah ig ka uniyehti gihiyekemni, inakni pitenemnene iwit ka hiya mpiyaki. Mmanawa ka ik adahan Kiyavwiye Uhokri kinis. Nikwe inakni giwn pitenemnene in ikene wawaygi kabayntiwa mmanawa wixwiy kuwis bisike git Kiyavwiye Uhokri adahan wixwiy darih ini kabayka ku pariye gikaksan wotwiy.

Apokalípsi 3:19

Nuhiyegavu, wake nah ka batek yikakbe, nah ka himahyikam hene, nah ka bukihkam yitaraksan yiw. Numawkan yis mpiksaw wages yihiyekemni.