Lúkas 1:17 - Uhokri Gahegbetawni Nukune akak Sawmus

¹⁷ Ig ayta gavitkiya Ukivarawiynek. Avim ini ig gitiphewne Kiyavwiye Uhokri ke amekene Eliyasbe. Gannu hawata ke gidahanbe. Avim ini ig keh igti kabeywotviye gikakkis gikamkayuvwi akiw. Ig keh hiyeg kane ihpenevwima wages gihiyekemnikis adahan kibeyne hiyakemniki. Ayge nikwe ig keh igkis waditha gihiyekemnikis marihwa igkis ahegbet adahan Ukivarawiy gaytni.

Uhokri Gannasan

¹⁷ Ig ayta gapitkiya Ukiparawiynek. Apim ini ig gitiphewne Uhokri ke amekene Eliyasbe. Gannu hawwata ke gidahanbe. Apim ini ig keh igti kabeywotpi gikakkis gikamkayupwi akiw. Ig keh hiyeg kane ihpenepwima wages gihiyakemnikis adahan kibeyne hiyakemniki. Ayge nikwe ig keh igkis waditha gihiyakemnikis marihwa igkis ahegbet gidahan Ukiparawiy gaytni.

Lúkas 1:17 Iomraidhean Croise

Sawmus 10:17

Igkisme neras ku pariye tuwatasewnevwi pitivut pis timapnek giviryepkawnikis. Pis ikinek gawaygikis.

Sawmus 111:10

Adahan wis himaw hiyekemniye hiyeg, amawkan pitatye wis ihpenete Kiyavwiye Uhokri giwn. Ig iki pukuhpaki gitkis hiyeg ku pariye ihpenevwi gikumadukan. Amawka Kiyavwiye Uhokri kabayhaka adahan avanenekwa!

Sawmus 78:8

Adahan igkis ka kema gahawkrivwikismanek, pahabu hiyegviyenevwi datwonavye, meksatruvye, ku pariye ka pahaynama iki gikamaxwankis givitit Kiyavwiye Uhokri. Igkis kawnata humaw ihpatrunema giwn.

Matews 11:14

— Igkisme neras Uhokri gawnevevu pitatyevwi igkis awna: “Aysawnemenek pahavwi awayg kewa amekene Eliyasbe ig danuhnek adahan ig ekkeviye adawnhan Uhokri gikumadukan.” Kuri, ku yis hiyekere inyewa ku kamin igkis awna, nah akkite yit ku pariye ner awayg. Ignewatbaki Joawh Batista.

Matews 14:4

Mmanawa ig Joawh Batista himehpig. Ig awna git: — Pis ka keh wadit ku samah pis kamax pegni gihayo adahan pis maripkaw gukak. Ka henema Kiyavwiye Uhokri aya wotwiy.

Matews 3:3

Gimin Joawh Batista, minikwak Uhokri gawneve amekene Izaíyas kinetihwa. Ig tamak inakni giwn amadga gikagtan. Ig awna: “Pahavwi kinetihwanek amadga amatap. Ig awnanek: ‘Ahekbetawnabay gavit Ukivarawiy gaytni. Ig nehmnik ig. Wadithanabay yihiyekemni gidahan kahadbekam yis kawih adahan Uhokri gikumadukan.’”

Matews 3:4

Ig Joawh Batista madiptivye. Gikawihni kewa amekene Eliyas gikawihnibe. Ig kasimsavu akak kamelu asivri, hawata ig kakabutikvu akak pak amar. Gimaname tanan akak ahayak anun amadgatak amatap.

Lúkas 1:16

Aysawnemenek ig keh ka aynsima izhaewyenevwi wages gihiyekemnikisnek gidahan Uwohkigawiy.

Lúkas 1:76

Pis nukamkayh, pis kanumkanek Kiyavwiye Uhokri inurikyene gawneve mmanawa pis danuh gavitkiya Ukivarawiynek adahan pis ahegbeteviye madikte avit gaytni.

Joawh 1:13

Avim ini nikwe igkis wayvuka inyewa Uhokriyanvu. Ini giwayvukakkis ka guwntakma tino. In kawnata ariwntakma hiyeg gihiyekemnikis amadgaya inin. In kawnata akakma mpiksawka akak gikehbetankisma. Heneme giwntak ignewa Kiyavwiye Uhokri igkis wayvuka.

Joawh 1:34

Ayteke nah hiyap ig Kiyavwiye Uhokri Gitip misakwa givitit ner awayg. Inneki keh nah awna ku igyewa Kiyavwiye Uhokri gikamkayh. Henewatbaki ig Joawh Batista awna.

Joawh 3:28

Yis kuwis hiyak ku samah nah kinetihwa gimin. Nah awna ku nah ka Cristoma. Nah ay he adahan ahegbetevyenen madikte gavit gaytni.

Attus 10:33

Nah timapni hene, nah awahkise nuwatnivwi piwepten kibehtenwa. Kibeyne pis ayta atan. Kuri usuh pahadguvu ay givetun Kiyavwiye Uhokri adahan usuh timepne piwn ku pariye ig ekke pit.

Romanus 9:23

Hawata akiw ig Uhokri muwaka akka ku samah ig ka gamnihrasima. Ig muwaka akka ku samah gamnihra in ka nibaysima. Neras ku pariye ig kavigsigkis adahan ignes kawih gikiytani, igkisnewa kawih adahan areketni ini gamnihra.

Kolosénses 1:12

yis kibeyhene Wigwiy ayge nibet. Mmanawa ignewa keh wixwiy kis adahan darih madikte ini kabayka ku pariye ig darihe gidahankis gihiyegavu aynte abet kabutniki.

2 Timótyu 2:21

Ku pahavwi miniw ariw madikte patahwaki, igi humaw kewa barewyo higeptetbe gidahan Kiyavwiye Uhokri. Ig barewvitye, ig ik adahan gikivara keh gibetki gikak. Ig ahegbet adahan kibeyne kawihka.

1 Pedru 2:9

Wixwiyme ka henema, nukebyuvwi. Wixwiynewa Uhokri gikanyanvu. Wixwiynewa Kiyavwiye Uhokri gimuwvegavu adahan wixwiy danukwa git Kiyavwiye Uhokri takunipti adahan kehne gibetki. Wixwiynewa gihiyegavu barewvityevwi, gihiyegavu gidahannen Kiyavwiye Uhokri. Wixwiy kaniyka adahanikwa hiyapkisne gabay ner ku pariye humekwewiy abetitak amisnavye tahan abetit gibutni kane abewisima.

1 João 2:28

Henewa nukamkayuvwi, misakwanabay pahavwiwa gikak Jesus Cristo. Wewnay akak gihiyekemninen. Nikwe aysawnemenek ku aysaw ig hiyapkiswa wotwiy akiw, wixwiy ka marenpima gibohri. Wixwiy kiboka gitivutnek avim ini ku aysaw ig danuh atan.

Apokalípsi 20:4

Ayteke nah hiyap ka aynsima eptivyano kiyatyovwi adahan ku kiney hiyeg kumaduka. Nah hiyap ka aynsima hiyeg igkis batebdebdi ayge gumadgakis. Igkis hiyeg ikepka gidatnikis adahan igkis hiyekne gikakkis hiyeg. Gaytakkis neras hiyeg igkis neras ku pariye bukihkavu gibitakis avatra ku samah igkis kinetihwenes amin Kiyavwiye Jesus ginetni, avatra ku samah igkis ekkenes Uhokri giwn. Igkis ku pariye kane kumadukasaw git ner pahavwi kene axtigibe. Kawnata igkis kawohkigahaw arit ner kene axtigibe gahehpak. Ine igkis kawnata amava tamaka gidevatkis ine giwakuritkis akak ner kene axtigibe gitamka. Igkis ku pariye kannikewbet ariw gimiremnikis adahan igkis kumadukenes payak gikak Cristo abet ini madikawkuvutnene madikawku madikwa (1.000) akebi kamukri.