Filemoh 1:7 - Uhokri Gahegbetawni Nukune akak Sawmus

⁷ Pis kuwis amnih ka aynsima gihiyegavu Jesus. Pis kariswehse giyaknikis. In keh nah batek ka aynsima. In iki nawaygi. Kibeyne, nukebyi.

Uhokri Gannasan

⁷ Pis kuwis amnih kaayhsima gihiyegapu Jesus. Pis kariswehse giyaknikis. In keh nah batek kaayhsima. In ikí nawaygyi. Kibeyne, nukebyi.

Filemoh 1:7 Iomraidhean Croise

1 Koríntyus 16:18

Igkis keh nah bateke hawata ku samah nah hiyak ku igkis keh yis bateke hawata. Igkis kibeynevwi hiyeg. Igkis kis adahan yis kiyatigkis.

2 Koríntyus 7:13

Ini ku samah yis ihe nuwnuh in ikene nawaygi. Usuh hawata iwe ka aynsima wawaygi giwntak kiyavwiye Titu ku samah ig ka aynsima batek yikak. Mmanawa yis kariswehse giyakni kabayntiwa.

2 Koríntyus 7:4

Nah iveg yivitit. Nah hiyakni ku yis keh kabayntiwa yis tiviknene gikak Uhokri. Nah kibeyhene yiw muwapuw. Yis keh nuyakni karisaw. Yis keh nah batek mpiynevevye. Hiyawa usuh abet mbeyne, heneme yisnewa keh nah nudukwenewa bateke numinuh.

1 Tesalonisenses 1:3

Ku aysaw usuh piriyepkaw git Wigwiy Kiyavwiye Uhokri, usuh kiye avanenekwa ku samah yikamaxwan keh yis kannivwiye gidahan Kiyavwiye Uhokri. Usuh kiye ku samah yis kannivwi gidahan akak madikte yibetki mmanawa yis batek gikak ka aynsima. Usuh kiye ku samah yis ka isahkis yikamaxwan aynesnima mmanawa yis ivegnenekwa givitit Ukivarawiy Jesus Cristo.

1 Tesalonisenses 2:13

Nikwe usuh avanenekwa kabayha Kiyavwiye Uhokri adahan ku samah yis timap inakni Kiyavwiye Uhokri ginetni ku pariye usuh ekke yit, yis amavin kabayntiwa. Yis amavin ka kema hiyeg amadgayavu inin giwnkisma. Yis ameve Uhokriyewa giwn. Henewatbaki in. In inyewa Kiyavwiye Uhokri giwn. Ku samah yis ihpene inakni Kiyavwiye Uhokri giwn, in tiviknene wagahkisnene yihiyekemni.

1 Tesalonisenses 2:19

Usuh muwaka darihwak yikak akiw mmanawa yisnewa iki wotuh wawaygi yisnewa keh usuh bateke uminuh. Aysawnemenek ku aysaw Ukivarawiy Jesus danuh atan akiw, nikwe usuh kabayhay ay givetun akak madikte ubetki.

1 Tesalonisenses 3:9

Kibeyne gidahan Kiyavwiye Uhokri. Usuh kabayhig yidahan ka aynsima. Usuh batek uminuh yikak mpinevevye giwtrik Kiyavwiye Uhokri.

2 Timótyu 1:16

Heneme, kibeyne, ig kiyavwiye Onesíforu ig avanenekwa ayta iwasavun adahan ikene nawaygi. Kiyavwiye Uhokri amnihginek payak gikakkis gimunyavunek. Mmanawa ig ka mara darihwak nukakuh ku samah nah ay ariku parakseket.

Filemoh 1:20

Nukebyi, nah aya pit, uya amnihun kuri gidahan Kiyavwiye Uhokri. Keh nuyakni karisaw gidahan Cristo.

2 João 1:4

Nah ka aynsima batek awaku ku samah nah patipteke gikakkis gaytakis pikamkayuvwi nah hiyap igkis wewnenes akak Uhokri gihiyekemni inyewatnene, igkis wewnes avigkutavrik ku samah Wigwiy aya wotwiy.