Filemoh 1:22 - Uhokri Gahegbetawni Nukune akak Sawmus

²² Hawata numawkan pis ahegbeta nudahan pahayku iwetrit. Mmanawa nah iveg givitit Kiyavwiye Uhokri ku ig timap yiviryepkawni. Ig pekkiswenek, ig keh nah danuh atere yit akiw.

Uhokri Gannasan

²² Hawwata numawkan pis ahegbeta ndahan pahayku iwetrit. Mmanawa nah ipeg ta gipitit Uhokri ku ig timap yipigyepkawni. Ig pekkiswennek, ig keh nah danuh atere yit.

Filemoh 1:22 Iomraidhean Croise

Attus 27:24

“Pol, ka muwaka avis. Pis ka miya. Amawka ku pis akki Kiyavwiye Uhokri ginetni aynte givetunat kiyavwiye Sezar. Neras pihaptiyevwi kawnata miya. Kiyavwiye Uhokri timep piviryepkawni gidahankis. Ig avuriw madiktenek.” Henewatbaki ig ahj awna nutuh.

Attus 28:23

Nikwe igkis kaniye pahay hawkri adahan igkis timepnes Pol giwn. Ayteke abet ini hawkri ka aynsima hiyeg danuh atere git. Igkis kabubuk ayge givinwa. Igme Pol kinetihwa gitkis amin Uhokri gikumadukan. Ig akkamnihni gitkis mataytak. Ig ekkene gitkis madikte ku pariye amekene Moís gikumadukan kinetihwa gidahan Uhokri gikanyan adahan ukumaduketniwiy. Ig ekkene gitkis madikte ku pariye Uhokri gawnevevu pitatyevwi kinetihwa gidahan. Ig awna gitkis: — Kiyavwiye Jesus ignewa Uhokri gikanyan adahan ukumaduketniwiy.

Romanus 15:24

Nah atekne ekkene Uhokri giwn ta avitit Espanyamnaw, aytontak pahambatak yiwaxig. Nikwe nutepkemninek nah mpiya awvre yimuniw, gikak Uhokrinek. Nah ka aynsima hiyepkere yihivak kahadbe wixwiy aydhak pawtak. Ayteke nikwe hiyawa yis ayavan adahan nah tivikwiye akak kabayka ta avitit Espanyamnaw.

2 Koríntyus 1:11

Hene umawkan yis piriyepkewnene udahan. Usuh muwaka ka aynsima hiyeg piriyepkaw udahan. Mmanawa ku ka aynsima hiyeg piriyepkewne udahan, ayge kaytwaka giwnkisnek, Uhokri amnih usuhnek, nikwe ka aynsima hiyeg kabayhignek adahan gabay ukakuh.

Filipénses 1:19

Nah hiyepne mbeyne ay parakseket heneme nah hiyakni ku in wageswa kabayka nudahanek. In wageswa kabayka nudahan awaku yis piriyepkaw nudahan, igme Jesus Cristo Gitip ayavevun.

Filipénses 2:24

Gikak Kiyavwiyenek nah hawata danuhpa atere yit kiberemin.

Ebréws 13:19

Nah ka aynsima ayapte yit adahan yis piriyepkaw nudahan kahadbe Kiyavwiye Uhokri awahkisun diyuh yimkanit kibereminte akiw.

Ebréws 13:23

Nah hawata ikene yinetni ku ig ukebyi kiyavwiye Timotyu kuwis pekkiswika arikutak parakseket. Ku ig danuh nutuh kiberemin, ig ayta danuhpa yitnek payak nukakuh.

Tiyagu 5:16

Nikwe akkanabay yitaraksan pawtak. Piriyepkawnabay adahan ayavekne pawtak kahadbe yis makniw. Ku pahavwi hiyeg waditye piriyepkaw avititakwa giyakni, ini giviryepkawni ka aynsima nudatni adahan kehne annut.

2 João 1:12

Nah kadahan ka aynsima inetit akiw adahan nah kinetihwene pit. Heneme nah ka muwaka akkin pit amadgatak kagta. Gikak Kiyavwiye Uhokrinek nah danuh atere pit adahan wis kinetihwa pavetunak kahadbe wis batek payak.

3 João 1:14

Gikak Kiyavwiye Uhokrinek nah danuh atere pit kiberemin adahan wis kinetihwa pavetunak.