Filemoh 1:20 - Uhokri Gahegbetawni Nukune akak Sawmus

²⁰ Nukebyi, nah aya pit, uya amnihun kuri gidahan Kiyavwiye Uhokri. Keh nuyakni karisaw gidahan Cristo.

Uhokri Gannasan

²⁰ Nukebyi, nah ayá pit, uyá amnihun kuri gidahan Uhokri. Keh nuyakni karisaw gidahan Cristo.

Filemoh 1:20 Iomraidhean Croise

1 Koríntyus 16:18

Igkis keh nah bateke hawata ku samah nah hiyak ku igkis keh yis bateke hawata. Igkis kibeynevwi hiyeg. Igkis kis adahan yis kiyatigkis.

2 Koríntyus 2:2

Mmanawa yisnewa ku pariye keh nah batek. Ku nah danuh atere yit yis ka bateknema, ayge nikwe wixwiyweke kadnisekbet pawtak.

2 Koríntyus 7:13

Ini ku samah yis ihe nuwnuh in ikene nawaygi. Usuh hawata iwe ka aynsima wawaygi giwntak kiyavwiye Titu ku samah ig ka aynsima batek yikak. Mmanawa yis kariswehse giyakni kabayntiwa.

Filipénses 1:8

Ig Kiyavwiye Uhokri hiyakni ku nah inyewa nah batek yikak mpinevevye. Ig Cristo Jesus ay nuvituh ig keh nah batek yikak hawata ku samah ig batek yikak.

Filipénses 4:1

Nikwe nukebyuvwi, nah aya yit ka yi muwaka isahkis yihiyekemni ayta giwntak Kiyavwiye Jesus. Nukebyuvwi kibeynevwi, nah kadni yiharit ka aynsima. Yis nubetkivu. Yis keh nah batek. Yis utipkis ka aynsima kabayka nutuh.

Filemoh 1:12

Kuri nah gawahkisten pimkanit. Igi nuyakniwa nah awahkis pimin.

Filemoh 1:7

Pis kuwis amnih ka aynsima gihiyegavu Jesus. Pis kariswehse giyaknikis. In keh nah batek ka aynsima. In iki nawaygi. Kibeyne, nukebyi.

Ebréws 13:17

Ihpanay giwnkis neras yiwewkisten. Kumadukasawnay gitkis. Mmanawa igkis akavriwten yihiyekemni. Aysawnemenek igkis akkaw git Kiyavwiye Uhokri madikte ku samah igkis avuriwyi. Ku yis iha giwnkis, igkis avuriwyi akak batekka. Heneme ku yis ka iha giwnkis, igkis avuriwyi akak kadniki. Mmanawa ku yis ka iha giwnkis, nikwe inakni giwnkis ka ayavay aynesnima.

1 João 3:17

Ku pahavwi awayg igisye ku ig hiyap gikebyi abet mbeyne, heneme ku ig pidik giwak gidahan, ba Kiyavwiye Uhokri gamnihra ay givit? Yuma.

3 João 1:4

Ku aysaw nah timap gakkis nukamkayuvwi ku ignes wewnes akak Uhokri gihiyekemni inyewatnene, ini keh nah batek ka aynsima. Yuma hene akiw keh nah batek.