Filemoh 1:17 - Uhokri Gahegbetawni Nukune akak Sawmus

¹⁷ Nikwe ku samah pis kanumun pikagmada, uya amavig kabayntiwa ke wotbe nahbe danuhnebe pit.

Uhokri Gannasan

¹⁷ Nikwe ku samah pis kanumun pikagmada, uyá amapig kabayhtiwa ke wotbe nahbe danuhnebe ta pit.

Filemoh 1:17 Iomraidhean Croise

Matews 10:40

— Ku pahavwi amavay, amun ini nikwe in ke wotbe ig kuwis amavan hawata. Ku pahavwi namerepten, amun ini nikwe in ke wotbe ig kuwis amava ku pariye nawahkisten atan amadgat inin hawata.

Matews 18:5

Hawata akiw ku pahavwi amnih pahavwi bakimni kene nerbe nudahan, amun ini nikwe in ke wotbe ig kuwis amnihunbe.

Matews 25:40

Nahme yikivara kaytwa giwnkisnek: “Minikwak ku aysaw yis amnihe pahavwi nukebyi ku pariye yumahwatnene gikiytani, amun ini nikwe yis kuwis amnihpen.”

Attus 16:15

Ayteke nikwe eg kewvi ahakwat un payak akak gumunyavu. Eg kewvi, eg awnase usuh guvinwat. Eg awna: — Ku yis ikanuh ku nah inyewa kamaxwa givitit Kiyavwiye Jesus, ba yi ayta misakwa numunuh adahan yis nukannuhten. Usuh timapni hene ku samah eg kiniste usuh akak inakni iwit usuh ihe guwn.

2 Koríntyus 8:23

Nah awahkis kiyavwiye Titu yimin pitatye adahan nuwenyan, mmanawa ig nudahewekten hawata ig kannivwiye payak nukakuh adahan yayavetni. Igkisme neras ku pariye ateknevwi gihapti, igkis awahkiska giwenyankis Jesus gihiyegavu ku pariye hawata kakanhewnes gitkis ukebyuvwiy madiptavye. Igkis avanenekwa ikaw Uhokriyanbetnewa, hene igkis kiyathasa Cristo ka aynsima.

Efésyus 3:6

Nah akkite yit ku pariye ini Uhokri gihiyekemni. In adahan ku samah yis hiyeg kane judeyenevwima darih inwata kabayka ku pariye gihiyegavu judeyenevwi darihnek. Yis hawata humaw Cristo givit. Yis hawata utivwata madikte ini kabayka ku pariye Kiyavwiye Uhokri ikakse gitkis gihiyegavu. Yis utipni awaku ku samah yis amava Kiyavwiye Uhokri ginetni, yis kamaxwa givitit Cristo Jesus.

Filipénses 1:7

Ik adahan nah iveg yivitit hene mmanawa nah batek yikak kabayntiwa avititakwa nuyakni. Kibeyne yis ka mara nukakuh ku samah nah ay ariku parakseket. Yis nawnamnihten. Yis ekkene gitkis hiyeg ku nah awnene kibeyne inetit, yis hawata yis ekkene inwata kibeyne inetit. Nikwe ig Kiyavwiye Uhokri iki yawayginek hawata ku samah ig iki nawaygi.

1 Timótyu 6:2

Ku pahavwi gikivara hawata kamaxwa givitit Kiyavwiye Jesus, amawka ku ig gihiyega ka meksig awaku ku samah igi gikivara kuwis humaw gikebyi Uhokriyan. Kawa. Amawka ku ig pi kannivwite gidahan akiw awaku kuri ig gayavetni pahavwi ku pariye ig batek gikak, ig gayavetni pahavwi ku pariye kamaxwenewata givitit Kiyavwiye Jesus hawata ke igbe. Timotyu, akkanaba inakni hiyakemniki ta gitkis madikte Jesus gihiyegavu. Iki gihiyekemnikis akak madikte pawaygi adahan igkis ihpin.

Filemoh 1:10

Nah aya pit adahan pis amnih pahavwi ku pariye kene nukamkayhbe, ig pibuk Onesimu. Ig kuwis wageswe kewa nukamkayhbe mmanawa ku samah ig timap nuwnuh ay ariku parakseket ig wagese gihiyekemni git Cristo.

Filemoh 1:12

Kuri nah gawahkisten pimkanit. Igi nuyakniwa nah awahkis pimin.

Filemoh 1:18

Ku ig kuwis tarakse pikak minikwak, ku ig matiwnih pit arikna, hiyawa pis sarayh madikte nuduhyakat.

Ebréws 3:1

Nikwe nukebyuvwi kibeynevwi, yis ku pariye Kiyavwiye Uhokri kaniy adahan yis humaw inurikyenevwi, uyay iki utewiy gitnen Kiyavwiye Jesus. Ig Uhokri giwatni adahan ig kinetihwene wotwiy gidahan. Ig hawata wawnamnihtenwiy adahan ig kinetihwene git Kiyavwiye Uhokri udahanwiy. Ignewa ku kavit wixwiy kamaxwa. Ignewa ku pariye wixwiy ikaw gihiyegavu.

Ebréws 3:14

Mmanawa wixwiy kuwis pakebyeknevwi gikak Cristo. Madikte kabayka ku pariye gidahan Cristo in udahanwiywata. Amawka kuri ku wixwiy udukweneywa kamaxwenene givitit Kiyavwiye Uhokri ku samah pitatye, han pitatit he danuhe umaksemniwiy. Ayge nikwe wixwiy utinek madikte ini kabayka ku pariye gidahan Cristo.

Tiyagu 2:5

Ataybiswanabay nutuh, nukebyuvwi kibeynevwi. Kiyavwiye Uhokri kaniy hiyeg madiptavye amadga inin adahan ig keh igkis humaw igisavye abet gihiyekemnikis awaku gikamaxwankis givitit Kiyavwiye Uhokri. Aysawnemenek ig keh igkis kumadukanek payak gikak mmanawa ig kuwis ikaksin hene gitkis madikte hiyeg ku pariye batekyevwi gikak.

1 Pedru 5:1

Kuri nah kadahan pahat hiyakemniki yidahan yis ku pariye giwewkistenkis Jesus gihiyeravu. Nah igwata giwewkistenkis Jesus gihiyegavu ke yisbe. Nah hiyap Cristo gimiremni akakwa nuwtyak. Aysawnemenek nah hiyap gikiytani hawata payak gikak.

1 João 1:3

Usuh kinetihwa yit amin ku pariye usuh hiyap. Usuh kinetihwa yit amin ku pariye usuh timap. Mmanawa umawkan yis darihwak kabayntiwa gikak Wigwiy gikak gikamkayh Jesus Cristo payak ukakuh.