Filemoh 1:1 - Uhokri Gahegbetawni Nukune akak Sawmus

¹ Nah Pol, ku pariye ay ariku parakseket givatra Cristo Jesus, nah gikak ukebyi kiyavwiye Timotyu usuh awahkis kabayka pimin kiyavwiye Filemoh. Usuh ka aynsima batek pikak. Usuh batek ku samah pis kannivwiye payak ukakuh.

Uhokri Gannasan

¹ Nah Pol, ku pariye ay agiku parakseket gipatra Cristo Jesus, nah gikak ukebyi kiyapwiye Timótyu usuh awahkis inin kagta pimin kiyapwiye Filemoh. Usuh kaayhsima batek pikak. Usuh batek ku samah pis kannipwiye payak ukakhu.

Filemoh 1:1 Iomraidhean Croise

Attus 16:1

Ayteke igkis danuh avitit paytwempu Derbi, avitit paytwempu Listra. Ayge pahavwi awayg Jesus gihiyega kewye Timotyu ig kavinene ayge. Ig Timotyu ginag eg judeyano. Eg hawata Jesus gihiyega. Igme Timotyu gig ig gresiyene. Ig ka judeyenema.

1 Koríntyus 3:9

Hawata usuh. Usuh kannivanene payak gikak Uhokri ayge yibet. Mmanawa yis ke Uhokri giwasrabe. Hawata akiw yis kewa paha paytbe gidahan Uhokri.

2 Koríntyus 1:1

Nah Pol awahkis kabayka yimin. Kibeyne, Uhokri kaniyven akak gibetki adahan nah humaw Cristo Jesus giwatni. Nah gikak ukebyi Timotyu usuh awahkis kabayka yimin yis Uhokri gihiyegavu korintyuyenevwi payak gikakkis madikte gihiyegavu ku pariye ayge avit Gresiyamnaw.

Gálatas 3:26

Innewa ukamaxwanwiy givitit Cristo Jesus, innewa keh wixwiy humaw Kiyavwiye Uhokri gikamkayuvwi mmanawa in ukamaxwanwiy keh wixwiy pahavwiwa gikak Cristo Jesus.

Efésyus 3:1

Inneki keh nah piriyepkewnenekwa yidahan, nah Pol, nah ku pariye ay ariku parakseket givatra Kiyavwiye Jesus Cristo. Nah ay ariku parakseket awaku ku samah nah ekkene Kiyavwiye Uhokri giwn yit yis hiyeg kane judeyenevwima.

Efésyus 4:1

Inneki keh nah ku pariye ay ariku parakseket gidahan Kiyavwiye Uhokri nah aya yit adahan yis ikaw Uhokriyanbetnewa mmanawa adahanikwa ini ig Kiyavwiye Uhokri humekwewiy gimkat.

Efésyus 6:20

Ku avim inin nah ay ariku parakseket awaku ku samah nah ekkene inakni kibeyne inetit. Heneme nah nudukwenewa Uhokri giwatni. Piriyepkawnabay nudahan kahadbe nah ekkene Kiyavwiye Uhokri giwn akak madikte nuboka ku samah Kiyavwiye Uhokri gimawkan nah keh.

Filipénses 1:1

Nah Pol gikak kiyavwiye Timotyu ku pariye gibukvig Jesus Cristo, usuh awahkis kabayka yimin yis Cristo Jesus gihiyegavu ayge avit paytwempu Filivus. Hawata usuh awahkis kabayka yimin yis giwewkistenkis ayge. Hawata usuh awahkisni yimin yis ku pariye hiyeknevwi gikakkis Jesus gihiyegavu ayge.

Filipénses 2:25

Ke nutuhbe nah awahkis kiyavwiye Epafroditu diyuh atere yit pisenwate. Kibeyne, yis awahkisgi atan nutuh adahan nayavetni nukavriwten. Nah batek gikak ke wotbe ig nukebyibe. Ig kannivwiye mpiksaw payak nukakuh.

Filipénses 4:3

Pisme nukagmada kibeyne, nah aya pit hawata adahan pis ayavigkis watekbeta guhawkankis mmanawa egkis kannivwiyos payak nukakuh adahan ekkene Kiyavwiye Uhokri ginetni. Egkis hawata kannivwiyos payak gikak kiyavwiye Kilementi payak gikakkis nawenyevwi ku pariye giwkis tamakka amadga Kiyavwiye Uhokri gikagtan adahan dehetniki.

Kolosénses 1:1

Nah Pol awahkis inin kagta yimin. Kibeyne, Kiyavwiye Uhokri kaniyven akak gibetki adahan nah humaw Cristo Jesus giwatni. Nah gikak ukebyi Timotyu,

Kolosénses 4:11

Ig Kiyavwiye Jesus Justus hawata awahkis kabayka yimin. Igkis mpanmawa judeyenevwi ku pariye kannivwiye adahan Uhokri gikumadukan ay nukakuh. Igkis ikenes nawaygi ka aynsima.

1 Tesalonisenses 3:2

igme ukebyi kiyavwiye Timotyu atere iwasavyi. Ig kannivwiye gidahan Kiyavwiye Uhokri payak ukakuh adahan ig ekkene gitkis hiyeg inakni kibeyne inetit gidahan Cristo. Usuh awahkiswig adahan ig ikene yawaygi adahan ig wagahkisne yikamaxwan.

2 Tesalonisenses 1:1

Nah Pol gikak kiyavwiye Sílas, kiyavwiye Timotyu, usuh awahkis kabayka yimin yis Jesus gihiyegavu tesaloniyenevwi. Kibeyne, yis pahavwiwa gikak Wigwiy gikak Ukivarawiy Jesus Cristo.

2 Timótyu 1:8

Nikwe ka muwaka avis kinetihwa gidahan Ukivarawiy. Kawnata avis nukakuh awaku ku samah nah ay ariku parakseket givatra Cristo. Wis hiyepne mbeyne ay awaku ku samah wis ekkene Kiyavwiye Uhokri ginetni gimin Cristo. Ka sam. Amavanaba ini mbeyne payak nukakuh. Kiyavwiye Uhokri iki pawayginek.

Filemoh 1:23

Kiyavwiye Epafras awahkis kabayka pimin. Ig ay nukakuh ariku parakseket givatra Cristo Jesus.

Filemoh 1:24

Hawata kiyavwiye Markus gikakkis kiyavwiye Aristarku, kiyavwiye Demas, kiyavwiye Luwkas igkis awahkis kabayka pimin.

Filemoh 1:9

Heneme nah ka mpiksaptihpi. Nah batek pikak. Nah he amnihswa pit, nah Pol ku pariye kuwis kiyavarivye ku pariye ay ariku parakseket gidahan Cristo Jesus.