Lúkas 7:6 - Uhokri Gannasan

⁶ Igme Kiyapwiye Jesus timapni henne, ig tipik gikakkis. Kennesmin gidawnhan arimkanit gipin, ner suwtat gikiparakis awahkise gikagmadapu atere gimin. Igkisme danuh atere, igkis awna git: ―Kiyapwiye, ner suwtat gikiparakis wasapanaw pimin. Giwn ku ig ka muwaka adahan ig mpithebdih pihawkan. Ig awna ku ig patehwepye hiyeg. Ig yuma gikiythanisima pitiput adahan pis parak gipinekut.

Uhokri Gahegbetawni Nukune akak Sawmus

⁶ gme Kiyavwiye Jesus timapni hene, ig tivik gikakkis. Kennesmin gidawnan arimkanit givin, ner suwtat gikivarakis awahkise gikagmadavu atere gimin. Igkisme danuh atere, igkis awna git: — Kiyavwiye, ner suwtat gikivarakis wasavanaw pimin. Giwn ku ig ka muwaka adahan ig mpithebdih pihawkan. Ig awna ku ig patehwevye hiyeg. Ig yuma gikiytanisima pitivut adahan pis parak givinekut.

Lúkas 7:6 Iomraidhean Croise

Matews 20:28

Amawka ku yis ikaw hawwata ke nahbe. Nah ku pariye wageswe awayg amadgaya inin nah ka ayta adahanma hiyeg keh kabayka ndahan henneme nah ayta adahanikwa nah kehne kabayka gidahankis hiyeg. Hawwata akiw nah ayta adahan nah umahkiswa gidukwenaprikkis hiyeg kahadbe ignes isamtaw.

Matews 3:11

Ayteke ig amekene João Batista awna gitkis madikte hiyeg. Giwn: ―Ku aysaw nah kaywepyi nah kawihkis un ta yipitit adahan yis wageswiye yihiyakemni ariw yitaraksan. Henneme pahapwi nemnikumpiye nuhapuh butte ku pariye kaywepyi akak igyerwa Uhokri Gitip adahan ig kawihkis gidahanwa gihiyakemni akak gannu ta yipitit. Yaytakme ig kawihkis tiket ta yipitit. Ig ner kaayhsima pi kiyatte mpiyhan. Nah yuma nukiythanisima gitiput adahan nah ayapig hiyuh gikasotni.

Markus 5:24

Ig Kiyapwiye Jesus timapni henne, ig tipik gihapti. Kaayhsima hiyeg tipik gihapti. Ig waywe dahebdi gikakkis.

Lúkas 5:8

Ig kiyapwiye Simawh Pedru hiyapni henne, ig tuguhkiswa mabuw gipetunat Kiyapwiye Jesus. Ig awna git: ―Ayguhwanaba nuwntak, Kiyapwiye, mmanawa nah patehwepye hiyeg. Nah yuma nukiythanisima pitiput.

Lúkas 7:4

Igkis tipik danuh atere, igkis amnihswe ta git Kiyapwiye Jesus akak madikte giwakemnikis. Igkis awna git: ―Uyá amnih ner suwtat gikiparakis. Ig muwaka adahan pis amnihgi. Ig kibeyne hiyeg.

Lúkas 7:5

Ig batek ukakwiy wixwiy hiyeg judeyenepwi. Ig kuwis kehkis pahá payt leglis udahanwiy.

Lúkas 7:7

Iné ig ka kis ayta kinetihwa pikak. Kiyapwiye, ig hiyakni ku pis karayt akipara. Ku pis he awnepi aytontak piyawakad, ikeypi. Gibuk makniwnek.

Lúkas 8:49

Ku samah ig Kiyapwiye Jesus awnempiye inakni yuwit henne, pahapwi awayg danuh atere. Ig ayta gipinwatak ner leglis akipara. Ig atere ewk inetit git. Giwn: ―Pikamkayh ayipa miyop. Ka muwaka wewkis ukannuhtenwiy waditnepyenen.

Attus 10:38

Yis kuwis timé gak Kiyapwiye Jesus nazaréyene. Yis timé gak ku samah Uhokri kawihkis Gitip ta gipitit, ig iké gannu ta gipitit. Ayteke nikwe ig Kiyapwiye Jesus atak muwwapu kehne kabayka. Ig makniwe madikte ku pariye hiyepnepwi mbeyne giwntak wapitye gikiparadkis. Ig makniwa madikte mmanawa ig Uhokri ay gikak.

Tiyagu 4:10

Tuwatasawnabay gitiput Kiyapwiye Uhokri. Ayge nikwe ig ikene yawaygyi akak yikiythani.

Tiyagu 4:6

Ig Uhokri Gitip detye adahan ikene wawaygyiy kaayhsima adahan wixwiy ka iha ku pariye upitwiy gayapni wotwiy. Inneki keh Uhokri gannasan minikweknene awna: “Uhokri siguh hiyeg ku pariye kane kumadukasewkere ta git. Henneme ig ikí gawaygyikis hiyeg ku pariye tuwatasewpiye gitiput.”