Lúkas 7:13 - Uhokri Gannasan

¹³ Ig Kiyapwiye Jesus hiyapni henne, ig kaayhsima ig kayah gudahan. Ig awna gut: ―Ka muwaka tih.

Uhokri Gahegbetawni Nukune akak Sawmus

¹³ Ig Kiyavwiye Jesus hiyapni hene, ig ka aynsima kayah gudahan. Ig awna gut: — Ka muwaka tih.

Lúkas 7:13 Iomraidhean Croise

Markus 8:2

―Nerras hiyeg kuwis msekwe ay ukakwiy mpana hawkri. Gimanakis madike kuwis. Nah wakaymni gidahankis.

Lúkas 10:1

Ayteke ariwnteke ini ig Kiyapwiye Jesus kaniy nawenépwi hiyeg akiw adahan igkis humaw giwatnipwi. Igkis ntewnehker madikwa gikebyikis gikakkis piyana gawnakis (72). Ig gibekheptenkis piyenmempi adahan igkis atak apitit mpuse paytwempu pitati gapit.

Lúkas 11:1

Apim ini hawkri ig Kiyapwiye Jesus piriyepkewne amun pahá iwetrit. Pisenwa gipigyepkawni, pahapwi gaytakkis gikannuhnipwi ayá git: ―Kiyapwiye, uyá kannuh usuh piriyepkaw ku samah amekene João Batistamni, ig kannuh gikannuhnipwi piriyepkaw.

Lúkas 11:39

Ig Kiyapwiye Jesus hiyá ku samah ig wakaymni henne, ig awna git: ―Yis farisewkis yis barewagikape yigobla akak yimewkan. Ku pariye awkinenewa yipitiw ini yis barewha. Abetme yihiyakemni yis patahwapye. Yihiyakemni kipun akak amepwiki akak mbeyepye hiyakemniki.

Lúkas 12:42

Igme Kiyapwiye Jesus kaytwa giwn: ―Nah awna gidahankis madikte hiyeg ku pariye ikewnepwi ke kibeynebe ibuktibe. Ku pahapwi ibukti hiyakemniye, ku ig kis adahan gikipara ipeg ta gipitit, nikwe ku gikipara tipikwiye, apit gitepkemni igme apuriwkis gibukpig nawenépwi ta git. Pisenwa nikwe ig tipik. Igme gibuk msekwe. Ig ikene gimanakis mpuse hawkri.

Lúkas 13:15

Igme Kiyapwiye Jesus kaytwa giwn: ―Yis ikawnamah ke wotbe yis kibeynepwibe hiyeg bawa yihiyakemni pi mbayte giwkis nawenépwi hiyeg. Abetwa samdi yis wateknekwiye yipig pak, yipig kaway ariwntak gaxkegkis adahan yis waxwigkis arit un adahan igkis higepnes un ayge.

Lúkas 17:5

Ayteke ariwnteke ini igkis giwatnipwi kinetihwenes gikak Kiyapwiye Jesus, igkis awna git: ―Kiyapwiye, uyá kiyesrih ukamaxwan ta gipitit Uhokri.

Lúkas 17:6

Igme awna gitkis: ―Waké yis kamaxwa gipitit aynesnibe akiw, madikte yayapni humaw yitkam. Hiyawa yikamaxwan nopsesniyene ayesri ke pahow amutribe ayakbe ke “mostad” ayakbe, hiyawa in aynessanen henneme yayapni humaw yitkamnek. Yis ikkam adahan yis awna ta gut no ah akat nopsadminnano: “Ah, pis higihwa ayteke payak akak pihampabet. Su mutuhwa ta parawhokwate.” Pase yis awna inakni, eg higihwakam ayteke.

Lúkas 18:6

Ayteke ig Kiyapwiye Jesus awna gitkis gikannuhnipwi: ―Timapnay ku samah ner hiyaptigi ku pariye kane kibeynema ig iha guwn no ku pariye amnihswano git takunipti.

Lúkas 19:8

Igme kiyapwiye Zakew tabir ayge giwtrikkis hiyeg, ig awna git Kiyapwiye Jesus: ―Kiyapwiye, nah kakanhawte ta gitkis madiptapye abusku newkanbet. Hawwata akiw ku nah katiwnihkis git pahapwi mpiynepepye, nah diyuhkis gikakura mapiy akiw paxkaput akiw.

Lúkas 22:61

Apiminewa ini hawkri ig Kiyapwiye Jesus ipeganaw ta gimkanit kiyapwiye Pedru. Igme kiyapwiye Pedru hiyapni henne, ig kiyé inakni ku pariye Kiyapwiye Jesus giwn kuhwekwa ta git amin: “Apit takarak awna pahaywowa gawnhan, pisme ayipa wihwe nuwhunek mpamaput.”

Lúkas 24:3

Egkis hiyapni henne, egkis pareke aterenewa agikut gimew. Henneme egkis ka utí Kiyapwiye Jesus gipit ayge.

Lúkas 24:34

Ku samah igkis danuhantenwa atere, ignes kit awna gitkis: ―Inyerwa Kiyapwiye Jesus kannikew. Ig kuwis hiyapkiswe ta git Simawh Pedru.

Lúkas 7:12

Igkis danuh atere kennesa anumekut ini paytwempu alappota, ig sarayh gipegyi, ig hiyá pahabune hiyeg. Igkis apuhekwiyepwi. Igkis apuhpiye pahapwi awayg miyapiye. Ig pahapu madankuno gukamkayh, ig pahapwiwatnen. Kaayhsima hiyeg paytwempuyenepwi ayge gukak. Eg tihano kaayhsima.

Lúkas 7:14

Ayteke ig danukwa kennesa arimkat ner awayg gitiy, ig dax ini gitiy. Igkisme ku pariye gihiyetnipwi igkis msekwe. Ayteke ig Kiyapwiye Jesus awna: ―Awayg, nah awna pit. Kannikaw.

Lúkas 7:19

Igkisme danuh atere, igme awna gitkis: ―Su iwasa Kiyapwiye Jesus baki ignewatma ner ku pariye nemnikumpiye nuhapuh butte. Ba kawk, ba wixwiy wahap pahapwi nawenéwa ku pariye nemnikumpiye nuhapuh butte akiw?

Lúkas 8:52

Madikte hiyeg ayge tihenekwiyes, igkis kadniyes guharit kaayhsima. Ig Kiyapwiye Jesus hiyapni henne, ig awna ta gitkis: ―Ka ba yi muwaka tih. No bakimni ka miyó. Himak eg.

Joawh 11:2

Eggu kiyapuno Mahi ku pariye imihatinano Kiyapwiye Jesus akak imihgi eg manpusa gikugku akak gusemnu. Ignewa gegni kiyapwiye Lázaru ku pariye kakahrip.

Joawh 11:3

Egkis gisamrupwi hiyapni henne, egkis wasapanaw gimin Kiyapwiye Jesus. Egkis awna: ―Kiyapwiye, ner pikagmada kakahrip.

Joawh 20:13

Igkis awna ta gut: ―Kiyapuno, mmahki pis tihapu ayge? Egme kaytwa giwnkis: ―Awaku igkis iwé nukipara. Nah ka hiyak ku kit igkis sarayhpig.

Joawh 20:15

Ayge ig awna ta gut: ―Kiyapuno, mmahki pis tihapu ayge? Pariye pipegpan? Egme gupewkankam ku ig amutri akapriwtenkam. Eg awna git: ―Kiyapwiye, ku pis iwepri, uyá akki nuthu ku kit pis sarayhpig kahadbe nah tahhan iwepri.

Joawh 4:1

Apim ini nerras farisewkis kinetni Kiyapwiye Jesus gak ku ig kaywa hiyeg pi kibite giw amekene João Batista. Igkis kinetni gak ku pi kibite hiyeg wageswepye gikannuhnipwi Kiyapwiye Jesus.

Joawh 6:23

Ayteke nawenépwi hiyeg danuh atere pahambakat amadga gihmunkis. Igkis ariwntak paytwempu Tiberíyades. Igkis danuh atere ku kiney amaka Kiyapwiye Jesus keh annut ig kabayha Uhokri adahan gimanakis, madikte hiyeg axnekwiye niwntak.

1 Koríntyus 7:30

Pahapwime ku pariye kadniye amawka ku ig ka ikatuswa arit gikadniyi mpiynepepyema. Pahapwime ku pariye batekye amawka ku ig ka ikatuswa arit batekka mpiynepepyema. Pahapwime ku pariye isimwiyi gewkanbet amawka ku ig ka ikatuswa arit gewkanbet mpiynepepyema.

1 Tesalonisenses 4:13

Kuri nukebyupwi, usuh ikene yinetni kahadbe yis hiyak ku pariye danuhnek ta gitkis nerras Jesus gihiyegapu ku pariye kuwisnene miyarap. Usuh ikene yinetni kahadbe yis ka barukiswepma. Hiyeg kane Uhokriyanpuma ignes barukiswa kaayhsima mmanawa gitkis yuma kabayka akiw gidahankis gikebyupwi miyarapye. Wixwiyme ka hennema.

Ebréws 2:17

Adahanikwa ini ig wageswa ihtikekne hawwata ke wixwiy gikebyupwibe. Pugamawka ig keh henne kahadbe ig humaw kibeyne awnamnihkeputne udahanwiy ta git Uhokri. Ku samah ig wageswa ihtikekne nikwe ig pi kayahte udahanwiy. Awaku ini ig humaw kibeyne awnamnihkeputne wowtrikwiy wixwiy hiyeg. Ig hawwata humaw kibeyne awnamnihkeputne giwtrik Uhokri awaku ig keh Uhokri gibetki. Ig wadithebdih uhawkanwiy gikak Uhokri akak ku samah ig katiwnihe utaraksanwiy gikak.

Ebréws 4:15

Ig wawnamnihtenwiy ig pukuha ukayhawni kabayhtiwa mmanawa ig kuwis mpiye abetiw ini. Ig kuwis hiyá mbeyne. Ig kuwis hikekka adahan ba ig taraksa hawwata ke wixwiybe. Igme yuma gitaraksan.