Lúkas 4:16 - Uhokri Gannasan

¹⁶ Ayteke ig danuh ta apitit paytwempu Nazaré ku kiney ig aymuhwa. Samdi abet ig lammisya agiku leglis ayge ku samah inpawa ig keh. Ayge ig kannikaw ig tabira gipetunkis hiyeg adahan ig ipegbohene Uhokri gannasan minikweknene ta gitkis.

Uhokri Gahegbetawni Nukune akak Sawmus

¹⁶ Ayteke ig danuh ta avitit paytwempu Nazaré ku kiney ig aymuhwa. Samdi abet ig lammesya ariku leglis ayge ku samah inpawa ig keh. Ayge ig kannikew ig tabire givetunkis hiyeg adahan ig ivegbohene Uhokri gannasan ta gitkis.

Lúkas 4:16 Iomraidhean Croise

Matews 2:23

Egkis danuh atere ta apitit paytwempu Nazaré. Ayge egkis msekwe. In danuh henne kahadbe in kahayak ku samah Uhokri gawnepepu awna minikwak. Igkis awna: “Ig Cristo kanumkanek nazareyene.”

Lúkas 2:39

Egme kiyapuno Mahi gikak amekene José egkis pisenwa akak madikte ku pariye Uhokri gimawkan ta gutkis, egkis tipik. Egkis diyuhe ta apitit guwaxrikis Galiléyamnaw ta apitit ini paytwempu Nazaré.

Lúkas 2:42

Ig Kiyapwiye Jesus barew gitakwayisa kuwis madikawkubu kamukri akak pikana arawna (12) gaw kuwis, egkis tipik gikak Kiyapwiye Jesus ta apitit Jerusalém ku samah inpawa egkis keh.

Lúkas 2:51

Ayteke ig tipik guhaptikis ta apitit paytwempu Nazaré. Ayge ig kumadukasewne ta gutkis. Egme kiyapuno Mahi darih inakni giwn ay gutiwgik. Eg takunipti ipegminano guhiyakemni nimin.

Lúkas 4:15

Ig kannuhekne agiku kaayhsima judeyenepwi gileglisakis. Apim ini madikte hiyeg kabayhig.

Lúkas 4:17

Ikaki ta git pahak kagta Uhokri gannasan git gawnepe amekene Isaías. Ig wokapni ig uté ini iwetrit ku kiney in awna:

Lúkas 4:21

Ig awna ta gitkis hiyeg: ―Ku apim inin inakni yuwit Uhokri gannasan minikweknene metakwa in kahayak amun ini ku aysaw yis timapni.

Lúkas 4:23

Ig hiyapni henne, ig awna gitkis: ―Ay pahat yuwit patuwesbuhka ku pariye wis inpawa awna ku aysaw wis pukuhpaw gibohri pahapwi. Wis awna: “Ku pis igyerwa piyihekeputne, asá piyih pipit kite.” Ku apim inin yis awnanek inakni yuwit nuthu. Yis awna: “Usuh timé pak ku pis keh kaayhsima annut ayhté Kafarnawh ku pariye hiyeg amadgaya inin ka hiyá nikehka. Ku inyerwa pis keh annut ayge, uyá akki wothu pannu ay apit inin piwaxri ku kiney pis aymuhwa.”

Joawh 18:20

Igme kaytwa giwn: ―Nah ka ayamawnama adahan nah kannuhhekne. Nah kannuhekne giwtrikneswa madikte hiyeg. Nah kannuhekne ku kiney judeyenepwi pahadgupu. Nah kannuhekne ayhté agiku leglis, ayhté agiku Uhokri Gipin.

Attus 17:2

Ig kiyapwiye Pol gihumpawni kinetihwa gimin Kiyapwiye Jesus ta gitkis kit hiyeg judeyenepwi. Nikwe ig atere lammisya agiku ini gileglisakis. Ig lammisya atere mpamaput samdi. Ayge ig kinetihwene ta gitkis hiyeg amadgatak Uhokri gannasan minikweknene.