Lúkas 3:3 - Uhokri Gannasan

³ Ig timapni henne, ig tipik. Ig ekkene giwsapan Uhokri muwwapu aranwa warik Jordawh. Ig awna ta gitkis hiyeg: ―Wagesnabay yihiyakemni ariw yitaraksan. Kewpinabay ta ahakwat un adahan yis amepene ini ku Uhokri bayahminay ariw yitaraksan. Hennewatbaki ig amekene João Batista awna.

Uhokri Gahegbetawni Nukune akak Sawmus

³ Ig timapni hene, ig tivik. Ig ekkene giwsavan Uhokri muwapuw aranwa warik Jordawh. Ig awna gitkis hiyeg: — Wagesnabay yihiyekemni ariw yitaraksan. Kewvinabay ta ahakwat un adahan yis amevene ini ku Uhokri bayahminay ariw yitaraksan. Henewatbaki ig Joawh Batista awna.

Lúkas 3:3 Iomraidhean Croise

Matews 3:11

Ayteke ig amekene João Batista awna gitkis madikte hiyeg. Giwn: ―Ku aysaw nah kaywepyi nah kawihkis un ta yipitit adahan yis wageswiye yihiyakemni ariw yitaraksan. Henneme pahapwi nemnikumpiye nuhapuh butte ku pariye kaywepyi akak igyerwa Uhokri Gitip adahan ig kawihkis gidahanwa gihiyakemni akak gannu ta yipitit. Yaytakme ig kawihkis tiket ta yipitit. Ig ner kaayhsima pi kiyatte mpiyhan. Nah yuma nukiythanisima gitiput adahan nah ayapig hiyuh gikasotni.

Lúkas 1:16

Aysawnemenek ig keh kaayhsima israelyenepwi wages gihiyakemnikis gidahan Kiyapwiye Uwohkigawiy.

Lúkas 1:77

Pis akkinek gitkis gihiyegapu ku igkis isamtaw awaku ku samah Uhokri bayahminigkis ariw gipathawnikis.

Lúkas 4:1

Ig Kiyapwiye Jesus tipik ariwntak eggu warik Jordawh ig gitiphewne Uhokri. Ig danuh ta amadgat amatap. Ayge ig Uhokri Gitip gihuwtenten.

Joawh 1:28

Igkis kinetihwene inakni henne ayge paytwempu Betâniya. Ini paytwempu kennesa arimkat warik Jordawh. Ayge Jordawh ku kiney ig amekene João Batista kaywene hiyeg.

Joawh 3:26

Pisenwa nikwe igkis danukwa kennesa git amekene João Batista. Igkis awna git: ―Kiyapwiye, ner ku pariye ay pikak ayhté pahambak warik Jordawh ig hawwata kaywene hiyeg. Ig ner ku kamin pis kinetihwa kibeyne inetit. Ipeg kuri ku samah ig kaywene hiyeg ahakwat un hawwata ke pisbe. Mmahki henne? Kuri madikte hiyeg ka ayta pimkat akiw. Igkis atak ta gimkat Kiyapwiye Jesus adahan igkis kaywasewpiyes ta git.

Attus 13:24

Ig kahayak ariwnteke ini ku samah amekene João Batistamni ekkene Uhokri giwn ta wotwiy wixwiy hiyeg israelyenepwi. Ig amekene João Batistamni danuh gapitkiya Kiyapwiye Jesus. Ig awna wotwiy adahan wixwiy wages uhiyakemniwiy ariw utaraksanwiy adahan wixwiy kewpi ahakwat un.

Attus 19:4

Igme kiyapwiye Pol awna gitkis: ―Amekene João Batistamni kaywe hiyeg adahan ekkene ku samah igkis wageskere gihiyakemnikis ariw gitaraksankis. Ig awna ta gitkis hiyeg ku amawka igkis kamaxwa ta gipitit pahapwi ku pariye nemnikumpiye gihapu butte. Ner pahapwi ig Kiyapwiye Jesus ig.

Attus 22:16

Kuri, pariye piwhpan akiw? Kannikaw. Uyá kew. Uyá amnihswa git Jesus Cristo adahan ig sagamtepye pipathawni abetitak pihiyakemni.”