Lúkas 3:14 - Uhokri Gannasan

¹⁴ Hawwata akiw suwtat danuh atere git amekene João Batista. Igkis awna git: ―Ya usuh, mmah usuh keh? Igme kaytwa giwnkis: ―Ka ba yi mpiksaptih hiyeg ikí karukri yit. Hawwata akiw ka ba yi ayá yitiwni git pahapwi adahan yis ka kamiyig ta git yikipara. Yis kuwis katiwnihka gapit yikipara. Ikeypi. Ka yi muwaka aharit akiw.

Uhokri Gahegbetawni Nukune akak Sawmus

¹⁴ Hawata akiw suwtat danuh atere git Joawh Batista. Igkis awna git: — Ya usuh, mmah usuh keh? Igme kaytwa giwnkis: — Ka ba yi mpiksaptih hiyeg iki karukri yit. Hawata akiw ka ba yi aya yitiwni git pahavwi adahan yis ka kamiyig ta git yikivara. Yis kuwis katiwnihka gavit yikivara. Ikeyvi. Ka yi muwaka aharit akiw.

Lúkas 3:14 Iomraidhean Croise

Matews 8:5

Ayteke ariwnteke ini ig Kiyapwiye Jesus danuh atere paytwempu Kafarnawh. Ayge pahapwi romayene suwtat gikiparakis ig danuh atere git. Ig amnihswe git. Ig awna git:

Lúkas 19:8

Igme kiyapwiye Zakew tabir ayge giwtrikkis hiyeg, ig awna git Kiyapwiye Jesus: ―Kiyapwiye, nah kakanhawte ta gitkis madiptapye abusku newkanbet. Hawwata akiw ku nah katiwnihkis git pahapwi mpiynepepye, nah diyuhkis gikakura mapiy akiw paxkaput akiw.

Lúkas 3:10

Igkis hiyeg timapni henne, igkis awna git: ―Mmahpa usuh keh adahan usuh wew wadit?

Lúkas 3:13

Igme kaytwa giwnkis: ―Ka ba yi kinis hiyeg akiw. Ka yi muwaka ayá karukri mpiyepepyema mpiya ku pariye gupelma ayá adahanma yis msekwe akak asemne.

Attus 10:7

Pisenwa gawnhan inakni yuwit, ig ahj tipik. Igme kiyapwiye Kornélyu watihe piyana gihiyega ayta git gikak pahapwi suwtat ku pariye gikapriwten. Igme suwtat ig hawwata kiyatha Uhokri.

Filipénses 2:15

Marihwa yis yumahwa yitaraksan giwtrikkis hiyeg, iné ay apit yiyakni. Ikawnabay Uhokriyanbetnawa ay gibetkis hiyeg. Ka yi muwaka keh aynesnima mbayka. Hiyawa yis msakwa ay gibetkis hiyeg kanegipathawnikisima kane wadityepwima, yisme amawka yis ikaw kabayhtiwa yuma yipathawni. Humawnay ke abukribe giwtrikkis hiyeg adahan yis uguhne gihiyakemnikis akak

Filipénses 4:11

Nah ka awna inakni awakuma nah ka ik adahan amapa madiptiki. Mmanawa kuwis nah kannuh batek abetnewa madikte mbeyne ku pariye danuh nuthu.

Titu 2:3

Ikinaba guhiyakemnikis kiyapunogben hawwata adahan egkis hawwata ikaw akak kiyatka huwipraki. Amawka ku egkis ka awnatrupyoma giminkis hiyeg. Amawka ku egkis ka urukihwatrupyoma. Amawka ku egkis kannuh hiyeg buttityepwi adahan ignes wew akak kibeyne hiyakemniki.

Apokalípsi 12:10

Ayteke nah timá pahá ikupimnat kaahawnasima ayhté inugik. In awna: ―Kibeyne, metakwa ahawkanaprik danuh adahan Uhokri keh hiyeg isamtaw. Metakwa gidatni ahawkanaprik danuh. Metakwa gikumadukan ahawkanaprik danuh. Kibeyne, metakwa ahawkanaprik danuh gidahan Cristo gikiythani. Mmanawa kuri ner kamiyekeputne ku pariye tabirnene gipetun Uhokri kamiyepye ukebyupwiy takunipti, metakwa ig padekwika inugiktak.