Lúkas 22:16 - Uhokri Gannasan

¹⁶ Ig muttuhyan arakak ndahan. Ku samah ig umehpika gidukwenaprikkis amekenegben marihwa igkis isamtaw, hawwata nah umehpikanek. Apim ini nah inyerwa keh hiyeg isamtaw. Awetupye nah ax yikak henne akiw juktah ku aysaw madikte ini arakak inyerwa danuh abetnewa Uhokri gikumadukan. Hennewatbaki in.

Uhokri Gahegbetawni Nukune akak Sawmus

¹⁶ Ig muwtoh arakak nudahan. Ku samah ig umehpika gidukwenavrikkis amekenegben marihwa igkis isahptaw, hawata nah umehpikanek. Avim ini nah inyewa keh hiyeg isahptaw. Awetuvye nah ax muwtoh arih yikak akiw he ku aysaw madikte ini arakak danuh nikwe nah axnek inyewa axka aynte amun Uhokri gikumadukan. Henewatbaki in.

Lúkas 22:16 Iomraidhean Croise

Lúkas 12:37

Kaayhsima batekka ay gidahankisnek ibuktipiyene ku pariye gikiparakis utiprikis ipegnenes kane himaknama. Apim inin igwa hiyak gikakkisnek. Ig kasimsahaw akak ibukti gisimsa. Ig awna gitkis adahan igkis axnes, igwa ikaprikis. Hennewatbaki nah keh yikaknek.

Lúkas 14:15

Pahapwi awayg ayge ig timapni inakni yuwit henne, ig awna git Kiyapwiye Jesus: ―Kaayhsima batekka ay gidahan ner ku pariye ax gimun Uhokri ayhté ku kiney gikumadukan.

Lúkas 22:15

Ayge ig awna ta gitkis: ―Kennesa kuri adahan nah hiyapkiska mbeyne nuthu. Kibeyne, apit in danuh nuthu, nah kahawkan fetya ay yikak. Nah kaayhsima axkere inin muttuhyan arih yikak ku apim inin.

Lúkas 22:18

Kuri nah ka takunima higá win ay amadga inin akiw. Awetupye nah higá win ay juktah ku aysaw Uhokri gikumadukan danuh. Hennewatbaki in.

Lúkas 22:30

Apim ini yis ax payak nukakhu yis higap payak nukakhu ayhté ku kiney nukumadukan. Hawwata yis batebdeweknene amadga yepwi kiyatyo adahan yis hiyekne gikakkis madikte israelyenepwi.

Joawh 6:27

Ayteke ig awna gitkis akiw: ―Ka yi muwaka mpiksaw aharit yimana ku pariye kane dehwepyema yimun. Mpiksawnabay aharit ini yimana ku pariye dehwepye adahan apanenekwa, ku pariye keh yis aymuhwa adahan apanenekwa. Nah ku pariye wageswe awayg amadgaya inin nahnewa ikí yit akebyi ini yimana. Kuwis Wigwiy Uhokri ekke ku ig awahkisun adahanikwa ini.

Attus 10:41

Ka madiktema hiyeg hiyapri. Henneme usuhnewa ku pariye Uhokri kaniy adahan usuh humaw inetitkekne gidahan usuh hiyapri. Ayteke ku samah ig wewparihte ariwntak gikankawni, usuh axe gikak usuh higap gikak.

Apokalípsi 19:9

Ayteke ig ner ahj awna nuthu: ―Uyá tamak amadga pikagtan inakni yuwit ku pariye nah akki pit kuri. “Kaayhsima kabayka ay gidahankisnek nerras ku pariye awnasaki ta git Muttuhyan gipetra adahan maripkawka.” Ayteke ig awna nuthu akiw: ―Inakni yuwit in inyerwatnene, in giwntakwa Uhokri.