Lúkas 22:13 - Uhokri Gannasan

¹³ Igkis piyananene timapni henne, igkis tipik ta apitit paytwempu. Igkis danuh atere, igkis utí madikte ku samah Kiyapwiye Jesus akkamnih gitkis. Ayge nikwe igkis ahegbete madikte adahan igkis fetya axnes muttuhyan arih. Pisenwa igkis diyuhe ta git Kiyapwiye Jesus.

Uhokri Gahegbetawni Nukune akak Sawmus

¹³ Igkis piyananene timapni hene, igkis tivik ta avitit paytwempu. Igkis danuh atere, igkis uti madikte ku samah Kiyavwiye Jesus akkamnih gitkis. Ayge nikwe igkis ahegbete madikte adahan igkis fetya axnes muwtoh arih. Pisenwa igkis diyuhe ta git Kiyavwiye Jesus.

Lúkas 22:13 Iomraidhean Croise

Lúkas 21:33

En biyuke, waxri biyuke, henneme nuwnhu ka biyuk.

Lúkas 19:32

Igkis giwatnipwi timapni henne, igkis tipik. Igkis danuh atere, igkis utí madikte ku samah ig Kiyapwiye Jesus akki gitkis.

Ebréws 11:8

Amekene Abrawh ig hawwata kamaxwenewata gipitit Uhokri. Inneki keh ig ihe Uhokri giwn adahan ig tipik ta apitit nawenéwa waxri akiw ku pariye ig Uhokri ikakse git. Ig tipik ig ka hiyak ku kitwiye ig.

Joawh 2:5

Eg ginag timapni henne, eg awna ta gitkis fet akipara gihiyegapu: ―Ku pariye ig awna yit, ihanabay inakni giwn.

Joawh 11:40

Igme awna gut: ―Ka ba pis timá ku samah nah kuwis awna pit: “Ku pis kamaxwa nupitit, Uhokri hiyapkis gikiythani pit”?

Lúkas 22:12

Ayge nikwe ig akki ta yitnek pahayku xam nopsadnene ayhté payt apahnap inuteknene. Arikna ayge madikte ahegbet kuwis. Ahegbetanabay umanawiy ayge adahan wixwiy fetya.

Lúkas 22:14

Ayteke ariwnteke ini ku aysaw ahawkanaprik danuh, igkis atere fetya. Ig Kiyapwiye Jesus bat ahumwa axtet gikakkis giwatnipwi.