Lúkas 20:5 - Uhokri Gannasan

⁵ Igkis timapni henne, igkis kinetihwa pawtak adahan ahegbetepye ginetnikis. Ayge igkis awna: ―Ku wixwiy kaytwa giwn ku ig amekene João Batistamni utí gikumadukan giwntakwa Uhokri, nikwe ig awne wotwiy: “Mmahki nikwe yis ka iha giwn?”

Uhokri Gahegbetawni Nukune akak Sawmus

⁵ Igkis timapni hene, igkis kinetihwa pawtak adahan ahegbeteviye ginetnikis. Ayge igkis awna: — Ku wixwiy kaytwa giwn ku ig Joawh Batistamni uti gikumadukan giwntakwa Uhokri, nikwe ig awne wotwiy: “Mmahki nikwe yis ka iha giwn?”

Lúkas 20:5 Iomraidhean Croise

Matews 16:7

Usuh timapni henne, usuh kinetihwa pawtak amin inakni giwn. Usuh awna: ―Ig awna inakni awaku wixwiy ka ewk bugut ayta uhaptiwiy.

Matews 21:25

Uyay akki nuthu. Kariwntak amekene João Batistamni utí gikumadukan adahan ig kaywa hiyeg? Ba giwntakwatma Uhokri? Ba kawk, ba he giwntakkisnenwatma hiyeg amadgayapu inin? Igkis timapni henne, igkis kinetihwa pawtak adahan ahegbetepyes ginetnikis. Ayge igkis awna: ―Ku wixwiy kaytwa giwn ku ig amekene João Batistamni utí gikumadukan giwntakwa Uhokri, nikwe ig awne wotwiy: “Mmahki nikwe yis ka iha giwn?”

Lúkas 20:4

Kariwntak amekene João Batistamni utí gikumadukan adahan ig kaywa hiyeg? Ba giwntakwatma Uhokri? Ba kawk ba he giwntakkisnenwatma hiyeg amadgayapu inin?

Lúkas 20:6

Henneme ku wixwiy kaytwa giwn ku ig utí gikumadukan he giwntakkisnen hiyeg amadgayapu inin, nikwe madikte nerras hiyeg ay padaktepwiynek. Mmanawa gitkis ig amekene João Batistamni ignewa Uhokri gawnepe.

Joawh 1:30

Ignewa ner ku pariye nah kinetihwa gimin ku ig nemnikumpiye nuhapuh butte henneme ig pi kiyatte mpiyhan mmanawa apit nah ay ig ayipa ay kuwis.

Joawh 1:34

Ayteke nah hiyá ig Uhokri Gitip msakwa ta gipitit ner awayg. Inneki keh nah awna ku igyerwa Uhokri gikamkayh. Hennewatbaki ig amekene João Batista awna.

Joawh 3:26

Pisenwa nikwe igkis danukwa kennesa git amekene João Batista. Igkis awna git: ―Kiyapwiye, ner ku pariye ay pikak ayhté pahambak warik Jordawh ig hawwata kaywene hiyeg. Ig ner ku kamin pis kinetihwa kibeyne inetit. Ipeg kuri ku samah ig kaywene hiyeg ahakwat un hawwata ke pisbe. Mmahki henne? Kuri madikte hiyeg ka ayta pimkat akiw. Igkis atak ta gimkat Kiyapwiye Jesus adahan igkis kaywasewpiyes ta git.

Joawh 3:36

Ku pahapwi kamaxwepye ta gipitit gikamkayh, iggi aymuhwa gimun Uhokri adahan apanenekwa. Henneme ku pahapwi ka kamaxwa ta gipitit gikamkayh, iggi ka aymuhwati gimun Uhokri. Ig patehwepye giwtrik Uhokri. Ig ka ik adahan ig darihwak gikak. Hennewatbaki ig amekene João Batista awna.

Attus 13:25

Ayteke ariwnteke ini kabá pisenwa ini gannipwi amadga hawkri, ig amekene João Batistamni awna ta gitkis hiyeg. Giwn: “Yis ikanhun ku nahnewa yamnihten bawa kawa. Ig ku pariye wamnihtenwiy ig nemnikumpiye nuhapuh butte. Ig kaayhsima pi kiyatte mpiyhan. Nah yuma nukiythanisima gitiput adahan nah ayapig wiwh gikasotni gikugkuptak.”