Lúkas 2:32 - Uhokri Gannasan

³² Ig humawnek kewa pahá abukribe adahan ig uguhne gihiyakemnikis nerras hiyeg kane judeyenepwima. Ig humawnek pihiyegapu israelyenepwi gikiythanikisnek.

Uhokri Gahegbetawni Nukune akak Sawmus

³² Ig humawnek kewa paha abukribe adahan ig uguhne gihiyekemnikis neras hiyeg kane judeyenevwima. Ig humawnek pihiyegavu izhaewyenevwi gikiytanikisnek.

Lúkas 2:32 Iomraidhean Croise

Matews 4:16

Nerras hiyeg ayge ku pariye abetnenepwi amisnapyi ignes hiyanek nopsad kabutniki. Ini kabutniki uguhpigkisnek nerras ku pariye abetnenepwi miyaka amisnapyi.” Hennewatbaki ig amekene Isaías awna.

Lúkas 2:10

Igme ahj awna gitkis: ―Ka yi muwaka apis. Timapnabay nuwnhu. Nah ewk yit kibeyne inetit. Kaayhsima batekka ay gidahankis madikte hiyeg.

Lúkas 2:31

ahegbete adahan gamnihtenkis madikte hiyegipiyenepwi amadga inin hawkri.

Attus 26:23

Igkis awna ku amawka Cristo hiyá mbeyne amawka ig miyá, ig kannikaw ariw gimiremni. Ig Kiyapwiye Jesus ig pitatye hiyeg ku pariye kannikaw ariw gimiremni adahan ig ka miyá akiw. Ayge nikwe ig humaw ke pahá abukribe adahan uguhne uhiyakemniwiy wixwiy judeyenepwi payebitak gikakkis hiyeg ku pariye kane judeyenepwima.

Attus 28:28

Nah ikene yinetni ku apim inin kahadbe yis hiyakni ku inakni inetit gidahan Uhokri gamnihra in kuwis awahkiska giminkis hiyeg ku pariye kane judeyenepwima. Igkisme timapni. Igkis ihpin.

1 Koríntyus 1:31

Ginamnawa Uhokri gannasan minikweknene. In awna: “Ku pariye hiyeg kanumkere pahapwi hiyakemniye hiyeg, uyay ka kanumwa hiyakemniye. Uyay kanum Uhokri ignewa ku pariye hiyakemniye.”

Apokalípsi 21:23

Hawwata akiw ini paytwempu ka muwaka kamuw kawnata muwaka kayg adahan kabutnihne ayge mmanawa igwa Uhokriwa gamuwyi uguhne ini paytwempu. Hawwata ig ner kene muttuhyanbe ig abukri adahan ini paytwempu.