Lúkas 19:6 - Uhokri Gannasan

⁶ Igme kiyapwiye Zakew timapni henne, ig muhuke, ig amapig ta gipinekut akak madikte gibetki.

Uhokri Gahegbetawni Nukune akak Sawmus

⁶ Igme Zakew timapni hene, ig muhuke, ig amevevgi ta givinekut akak madikte gibetki.

Lúkas 19:6 Iomraidhean Croise

Lúkas 19:5

Ayteke nikwe ig Kiyapwiye Jesus danuh atere. Ig sarayh gipegyi ta inut, ig hiyá kiyapwiye Zakew ayge apew ah, ig awna git atere: ―Kiyapwiye Zakew. Uyá muhuk kibentenwa. Nah danuhpene ta pipinekut ku apim inin.

Lúkas 19:7

Nerras hiyeg hiyapni henne, igkis minimnihegbet gimin Kiyapwiye Jesus. Igkis awna: ―Ig darihwekne gikak pahapwi ku pariye kane kibeynema.

Lúkas 2:16

Igkis tipik kibentenwa. Igkis danuh atere, igkis ipegpig. Metakwa igkis uté kiyapuno Mahi gikak amekene José. Ayge igkis hiyá ner bakimni harit amadga pak amanaratiy.

Lúkas 5:29

Ayteke ariwnteke ini ig kiyapwiye Levi keh axka agiku gipin adahan ig kiyathene Kiyapwiye Jesus. Ayge kaayhsima ladwan gikakkis nawenépwi hiyeg akiw ku pariye ikaka kane kibeynepwima hiyeg igkis ahegiw payak gikakkis.

Attus 16:15

Ayteke nikwe eg kewpi ahakwat un payebitak gukakkis gumunyapu. Eg kewpi, eg awnase usuh ta gupinwat. Eg awna: ―Ku yis ikanhu ku nah inyerwa kamaxwa ta gipitit Kiyapwiye Jesus, ba yi ayta msakwa numunhu adahan yis nukannuhten. Usuh timapni henne ku samah eg kinistaw akak inakni yuwit usuh ihe guwn.

Attus 16:34

Ayteke ig parakse kiyapwiye Pol gikak kiyapwiye Sílas ta gipinekut. Ig iké gimanakis. Ayge ig gikakkis gipinekuya igkis bateke giminkis ku samah igkis kamaxwa ta gipitit Uhokri.

Attus 2:41

Igkis timapni henne, kaayhsima gaytakkis ihe giwn. Ayteke nikwe igkis kewpi. Apim ini hawkri mpana mil (3.000) gikebyikis hiyeg wageswepyes Kiyapwiye Jesus gihiyegapu.