Lúkas 17:6 - Uhokri Gannasan

⁶ Igme awna gitkis: ―Waké yis kamaxwa gipitit aynesnibe akiw, madikte yayapni humaw yitkam. Hiyawa yikamaxwan nopsesniyene ayesri ke pahow amutribe ayakbe ke “mostad” ayakbe, hiyawa in aynessanen henneme yayapni humaw yitkamnek. Yis ikkam adahan yis awna ta gut no ah akat nopsadminnano: “Ah, pis higihwa ayteke payak akak pihampabet. Su mutuhwa ta parawhokwate.” Pase yis awna inakni, eg higihwakam ayteke.

Uhokri Gahegbetawni Nukune akak Sawmus

⁶ Igme awna gitkis: — Wake yis kamaxwa givitit aynesnibe akiw, madikte yayapni humaw yitkam. Hiyawa yikamaxwan nopsesa, ayesi kewa paha amutri ayakbe, ke “mostad” ayakbe, hiyawa in aynesawa, heneme yayapni humaw yitkamnek. Yis ikkam adahan yis awna gut nor ah akat nopsadnano, “Ah, pis higihwa ayteke payak akak pihampabet. Su mutuhwa tahan parahwokwat.” Ku aysaw yis awna inaknikam, eg higihwakam ayteke.

Lúkas 17:6 Iomraidhean Croise

Matews 14:29

Igme kaytwa giwn: ―Ba ayta. Igme kiyapwiye Pedru timapni henne, ig sarayhwe amadgatak umuh. Ig kapusa wew ahakwew un ta gimkat Kiyapwiye Jesus.

Matews 17:20

Igme kaytwa wownhu: ―Awaku yis ka kamaxwa gipitit Uhokri kiyesradima. Ihanabay inakni nuwnhu. Waké yis kamaxwa gipitit aynesnibe akiw, nikwekam madikte yayapni humaw yitkam. Hiyawa yikamaxwan nopsesniyene ayesri ke pahow amutribe ayakbe ke “mostad” ayakbe, hiyawa in aynessanen henneme yayapni humaw yitkamnek. Yis ikkam adahan yis awna ta arit inin waxri imuwadnene: “Waxri, pis higihwa ayteke. Su tahhan atere.” Pase yis awna inakni, in higihwakam ayteke. Yuma ariknawnama mahikokam yidahan.

Matews 21:21

Igme Kiyapwiye Jesus awna wothu: ―Ku yis ayá git Uhokri akak madikte yikamaxwan, ku yis hiyak ku inyerwa in yayapni git ku in humaw, nikwe madikte yayapni git humaw yitnek. Ik adahan yis keh mpiy ku pariye nah keh gukak no ah akat. Ik adahan yis awna ta arit inin waxri imuwadnene: “Waxri, pis tipik ayteke. Su padakwa ta ahakwat parawhokwate.” Pase yis awna inakni in higihwanek ayteke. Ihanabay inakni nuwnhu. Hennewatbaki in.

Markus 4:31

Uhokri gikumadukan aymuhwa amadga inin ke amutri “mostadbe”. Ku aysaw “mostad” ayak mutuhka abetit wayk eg nopsesniyo.

Markus 9:23

Igme Kiyapwiye Jesus kaytwa giwn: ―Mmahki pis awna inakni yuwit, “ku nah hiyá yayapak”? Nah hiyá gayapakkis madikte hiyeg ku pariye kamaxwa ta nupitit. Madikte arikna ka mahikonama ndahan.

Lúkas 13:19

Uhokri gikumadukan aymuhwa amadga inin ke amutri “mostadbe”. Ku aysaw pahapwi iwé pahow “mostad” ayak, ig mutuhgu amadga giwasra, eg nopsesniyo. Henneme eg hiyan eg aymuhwa kaaramusima ke ahbe akatbe. Juktah ik adahan kuhipra kibhaw gupewit.

Lúkas 17:7

―Ku pahapwi ibukti kewne gikipara giwasra, ku kawk ku ig apuriwne gipig muttuh, ku aysaw ner ibukti diyuh ayta wasamdeteke ig gikipara ka awna git: “Barewba ax.”

Lúkas 19:4

Ig hiyapni henne, ig sigise bukihne Kiyapwiye Jesus apigku ini ahin ku kitwiye ig. Ig uté pahat ah akat ig wagehe apewit adahan ig hiyapri ayteke.

Lúkas 7:13

Ig Kiyapwiye Jesus hiyapni henne, ig kaayhsima ig kayah gudahan. Ig awna gut: ―Ka muwaka tih.

Lúkas 7:19

Igkisme danuh atere, igme awna gitkis: ―Su iwasa Kiyapwiye Jesus baki ignewatma ner ku pariye nemnikumpiye nuhapuh butte. Ba kawk, ba wixwiy wahap pahapwi nawenéwa ku pariye nemnikumpiye nuhapuh butte akiw?

1 Koríntyus 13:2

Hiyawa nah kabunuga akak Uhokri gannu adahan nah awnene yuwit ku pariye pes giwntak Uhokri. Hiyawa nah hiyak madikte ku pariye nemnikumpiye. Hiyawa nah hiyak madikte hiyakemniki. Hiyawa nah kabunuga akak nukamaxwan adahan nah higihkise waxri imuwadnene akak nubiynen. Henneme ku nah yuma Uhokri gamnihra ay nupithu, amun ini nah ka ariknawnama.