Lúkas 15:4 - Uhokri Gannasan

⁴ Ku pahapwi yaytak kadahan kaayhsima gipig muttuh, sah (100) gikebyikis, ku pahapwi gaytakkis biyuke, nikwe ig ikise gipig akebyupwi (99) ayge amadga amatap, ig ta ipegepye gipig biyukwiye. Ig ipegpig ipegpig juktah ku aysaw ig utepri.

Uhokri Gahegbetawni Nukune akak Sawmus

⁴ Ku pahavwi yaytak kadahan ka aynsima givig muwtoh, madikawku madikwa (100) gikebikis, ku pahavwi gaytakkis biyuke, nikwe ig ikise givig akebyuvwi (99) ayge amadga amatap, ig ta ivegvevye givig biyukwiye. Ig ivegvig, ivegvig, he ku aysaw ig utevgi.

Lúkas 15:4 Iomraidhean Croise

Matews 12:11

Igme Kiyapwiye Jesus kaytwa giwnkis: ―Ku pahapwi yipig muttuh wiwhe agikut miyokwiye mihad abet samdi, mmah ka yisma kahgi ayteke abetnewa ini samdi?

Lúkas 13:15

Igme Kiyapwiye Jesus kaytwa giwn: ―Yis ikawnamah ke wotbe yis kibeynepwibe hiyeg bawa yihiyakemni pi mbayte giwkis nawenépwi hiyeg. Abetwa samdi yis wateknekwiye yipig pak, yipig kaway ariwntak gaxkegkis adahan yis waxwigkis arit un adahan igkis higepnes un ayge.

Lúkas 15:3

Ig Kiyapwiye Jesus hiyapni henne, ig awna gitkis pahat yuwit patuwesbuhka. Giwn: ―Mmahkay yis asene nerras hiyeg? Igkis kaapigikissima nuthu. Igkis kewa muttuh biyukapyebe nuthu.

Lúkas 19:10

Nah ku pariye wageswe awayg amadgaya inin nah ayta adahanikwa nah ipegepye hiyeg biyukapye adahan nah gamnihtenkis.

Romanus 2:1

Nawenétke pahapwi yaytak hiyapni henne, ig awna: “Nerras hiyeg ka kibeynepwima. Ignes katiwnipwenek apatra gitaraksankis. Nahme ka hennema. Nah kibeyne hiyeg.” Nukebyi, ka ba awna inakni. Apuriwnaba ku pis hawwata kataraksanata ke igkisbe. Ku aysaw pis ikiy ku igkis ka kibeynepwima, piminwa pis awna ku pis kawnata kibeynema.

1 Pedru 2:25

Minikwak wixwiy kewa muttuhbe biyukapyebe. Kurime wixwiy diyuh ta git ner ku pariye Ukiparawiy ku pariye uhiyakemniwiy akapriwten.