Lúkas 14:11 - Uhokri Gannasan

¹¹ Ku pahapwi ikewkere kiyatte mpiye pahapwi, iggi Uhokri wiwhe gikiythani gipititaknek. Henneme ku pahapwi ikewpiye ke wotbe ig yumahbe gikiythanibe, iggi Uhokri ikí gikiythani ta gipititnek.

Uhokri Gahegbetawni Nukune akak Sawmus

¹¹ Ku pahavwi ikewkere kiyatte mpiya pahavwi, igi Uhokri wiwhe gikiytani givititaknek. Heneme ku pahavwi ikewviye ke wotbe ig yumahbe gikiytanibe, igi Uhokri iki gikiytani givititnek.

Lúkas 14:11 Iomraidhean Croise

Matews 23:12

Ku pahapwi ikewkere pi kiyatte mpiye pahapwi, iggi Uhokri wiwhe gikiythani gipititaknek. Henneme ku pahapwi ikewpiye ke wotbe ig yumahbe gikiythanibe, iggi Uhokri ikí gikiythani ta gipititnek.

Lúkas 1:51

Ig kagannusima. Akak giwannen ig pasuhape ku pariye hiyeg kane kumadukasewkere ta git.

Lúkas 1:52

Ig wiwhe gikiythanikis gipititakkis hiyeg ku pariye detyepwi. Ignesme ku pariye yumanene gikiythanikis ig ikí gikiythanikis ta gipititkis.

Lúkas 14:12

Ayteke ig Kiyapwiye Jesus awna ta git ner fet akipara. Giwn: ―Ku aysaw pis keh axka puwipwak aygete, ka ba awnasa pikagmadapu iné pegnipwi iné pikebyupwi iné pihumwayepwi igisapye atere. Nawenétke igkis hawwata keh axka awnasap atere. Amun ini nikwe igkis kuwis diyuhkis piwak.

Lúkas 18:14

Ig ner awayg ignewa diyuhe gipinekut ig wadit giwtrik Uhokri. Nerme farisew ka hennema. Mmanawa ku pahapwi ikewkere kiyatte mpiye pahapwi, iggi Uhokri wiwhe gikiythani gipititaknek. Henneme ku pahapwi ikewpiye ke wotbe ig yumahbe gikiythanibe, iggi Uhokri ikí gikiythani ta gipititnek.

Tiyagu 1:9

Ku pahapwi ukebyi yuma gikiythani ay amadga inin, ka sam. Hiyawa ig batek ginaktin ku samah Uhokri keh ig humaw kiyatye hiyeg ayhté inugik.

Tiyagu 4:10

Tuwatasawnabay gitiput Kiyapwiye Uhokri. Ayge nikwe ig ikene yawaygyi akak yikiythani.

Tiyagu 4:6

Ig Uhokri Gitip detye adahan ikene wawaygyiy kaayhsima adahan wixwiy ka iha ku pariye upitwiy gayapni wotwiy. Inneki keh Uhokri gannasan minikweknene awna: “Uhokri siguh hiyeg ku pariye kane kumadukasewkere ta git. Henneme ig ikí gawaygyikis hiyeg ku pariye tuwatasewpiye gitiput.”

1 Pedru 5:5

Hawwata nah ayá yit takwayegben adahan yis iha giwnkis yiwewkisten. Nah ayá yit madikte yis Uhokri gihiyegapu adahan yis tuwatasaw pawtak. Mmanawa Uhokri gannasan minikweknene awna: “Uhokri siguh hiyeg ku pariye kane kumadukasewkere ta git. Henneme ig ikí gawaygyikis hiyeg ku pariye tuwatasewpiye gitiput.”

1 Pedru 5:6

Nikwe tuwatasawnabay gitiput Uhokri ku pariye kanegidatnisima. Ayge nikwe ku aysaw ahawkanaprik danuh, ig ikí yikiythani ta yipititnek.