Lúkas 12:57 - Uhokri Gannasan

⁵⁷ ―Ik adahan yis pukuha ku pariye wadit adahan yis keh gikak Uhokri. Ik adahan yiwnteknewa yis pukuhpin. Ku samah yis keh gikakkis hiyeg amadgayapu inin, amawka hawwata yis keh gikak Uhokri.

Uhokri Gahegbetawni Nukune akak Sawmus

⁵⁷ — Ik adahan yis pukuha ku pariye wadit adahan yis keh gikak Uhokri. Ik adahan yiwnteknewa yis pukuhpin. Ku samah yis keh gikakkis hiyeg amadgayavu inin, amawka hawata yis keh gikak Uhokri.

Lúkas 12:57 Iomraidhean Croise

Matews 21:21

Igme Kiyapwiye Jesus awna wothu: ―Ku yis ayá git Uhokri akak madikte yikamaxwan, ku yis hiyak ku inyerwa in yayapni git ku in humaw, nikwe madikte yayapni git humaw yitnek. Ik adahan yis keh mpiy ku pariye nah keh gukak no ah akat. Ik adahan yis awna ta arit inin waxri imuwadnene: “Waxri, pis tipik ayteke. Su padakwa ta ahakwat parawhokwate.” Pase yis awna inakni in higihwanek ayteke. Ihanabay inakni nuwnhu. Hennewatbaki in.

Matews 21:32

Mmanawa kuwis ig amekene João Batistamni danuh ta yit. Ig akki yit kibeyne ahin adahan yis danuh ta git Uhokri henneme yis ka iha giwn. Nerrasme hiyeg ku pariye yis ikiy kane kibeynepwima gukakkis norras tinogben powkemnapyo egkis ihe giwn. Hiyawa yis kuwis hiyá ku samah egkis wages guhiyakemnikis henneme yis kupiknene ka wageskere yidahan yihiyakemni adahan yis iha giwn. Yis awna: “Usuh iha giwn.” Bawa yis ka ihpin.

Lúkas 21:30

Ku aysaw wis hiyá egnes kapanhaw akiw in arekhetni huwewe wot ku guhawkanaprikkis kennesa danuh nikwe adahan egkis kew.

Joawh 7:24

Mmahki yis ikanhu ku nah taraksepye? Ka yi muwaka ikiy pahapwi ku ig taraksepye kibentenwatma. Hiyapnigte ba ig wadityewatma. Hennewatbaki ig Kiyapwiye Jesus awna.

Attus 2:40

Ayteke ig Kiyapwiye Pedru awna kaayhsima yuwit akiw. Ig ikene nerras hiyeg gihiyakemnikis. Giwn: ―Ka ba yi msakwa kema gaytakkisma nerras ku pariye gitukepten Kiyapwiye Jesus. Wiwhwepnabay giwkis adahan yis isamtaw.

1 Koríntyus 11:13

Mmahki yipewkan? Ku pahapu tino piriyepkaw ay gibetkis hiyeg gutew ka awaspitnama, ba in barewyewatma ta yit?

1 Koríntyus 11:14

In huwewe wot ku an maraki wot ku aysaw pahapwi awayg kasemnu kiyabwad.