Lúkas 10:21 - Uhokri Gannasan

²¹ Ayteke Uhokri Gitip keh Kiyapwiye Jesus batek ginaktin mpiynepepye. Ig awna nikwe: ―Kibeyne, Nighu. Pis en akipara. Pis waxri akipara. Nah kabayhap awaku ku samah pis ka akki pihiyakemni gitkis hiyeg hiyakemniyepwi. Gitkisme hiyeg ku pariye kene bakimnaybe, yumanene gihiyakemnikis giwntekneswa, pis akki pihiyakemni ta gitkis. Hennewa Nighu, mmanawa innewa pimawkan.

Uhokri Gahegbetawni Nukune akak Sawmus

²¹ Ayteke Uhokri Gitip keh Kiyavwiye Jesus batek ginaktin mpiynevevye. Ig awna nikwe: — Kibeyne, Niguh. Pis en akivara. Pis waxri akivara. Nah kabayhap awaku ku samah pis ka akka pihiyekemni gitkis hiyeg hiyakemniyevwi. Gitkisme hiyeg ku pariye kene bakimnayhbe, yumanene gihiyekemnikis, giwntekneswa, pis akka pihiyekemni ta gitkis. Henewa Niguh, mmanawa innewa pimawkan.

Lúkas 10:21 Iomraidhean Croise

Matews 16:17

Igme Kiyapwiye Jesus kaytwa giwn: ―Simawh, pis ku pariye kiyapwiye João gikamkayh, pis kapibunugasima. Mmanawa ka hiyegima amadgaya ininma akki pit inakni. Ignewa Wigwiy inugikyene ku pariye ekkepni pit.

Matews 21:16

Ayge nikwe igkis awna ta git Kiyapwiye Jesus: ―Ka ba pis timá inakni giwnkis? Igme Kiyapwiye Jesus kaytwa giwnkis: ―Ihi, nah timá. Mmah yis ka ipegbohati Uhokri gannasan minikweknene ku kiney in awna: “Pis keh juktah bakimnay nopsanyopwinene bakimnay nukupisniye ignes kabayhap kabayhtiwa.”

Matews 3:7

Kaayhsima farisewkis gikakkis kannuhekeputnepwi amin amekene Moís gikumadukan igkis hawwata ayta kaywasewpiye ta git amekene João Batista. Ig hiyapni henne, ig awna ta gitkis: ―Yis kaybunyune hiyeg pahaywitniyepwi! Uhokri ka batek akak yihiyakemni kane kibeynema. Mmah yitneki yikewpen keh ig hiyapyi ke wotbe yis kibeynepwibe hiyeg giwtrik?

Markus 10:15

Ku pahapwi ka iha Uhokri gikumadukan kema bakimnima, iggi ka kawih Uhokri gikumadukan. Ihanabay inakni nuwnhu. Hennewatbaki in.

Lúkas 15:5

Ig utepri, ig hiyuhpig ta giteyaminat mmanawa kaayhsima ig batek.

Lúkas 15:9

Ayteke ku aysaw eg utepru, eg humak gukagmadapu gikakkis guhumwayepwi. Eg awna gutkis: “Uyay batek payak nukakhu mmanawa kuwis nah uté nukakura biyukwiyo.”

Joawh 11:41

Ayteke nikwe igkis woke gimew asabwat. Ig Kiyapwiye Jesus hiyapni henne, ig sarayh gipegyi ta inut. Ig awna: ―Nighu, kibeyne pis timap nupigyepkawni.

2 Koríntyus 4:3

Ku inakni unetni ka pukuhpaka, in ka pukuhpaka gapitkis nerras ku pariye apigkunene ahin adahan biyukwiki.

Efésyus 1:11

Apim ini wixwiy darih uwetriwiy abet ini gikumadukan awaku ku samah wixwiy pahapwiwa gikak. Henne ig Uhokri kuwis ikiswanaw udahanwiy akak madikte gibetki. Ku pariye Uhokri gibetki hennewa ig keh in humaw.

Efésyus 1:5

Apim ini ig kaniypewiy adahan wixwiy humaw gikamkayupwi awaku ku samah wixwiy pahapwiwa gikak Jesus Cristo. Ig kaniywiy henne akak madikte gabay akak madikte gibetki.