Lúkas 10:11 - Uhokri Gannasan

¹¹ “Juktah inin wayk atabdabni ay usuh ka daykiswekere arit aynesnima. Usuh sassah ukugku ariw apathawni adahan arekhetni ku samah yitaraksan. Henneme usuh ikene yinetni ku Uhokri gikumadukan ahawkanaprik kuwis danuh.” Henne yis awna gitkis.

Uhokri Gahegbetawni Nukune akak Sawmus

¹¹ “He inin wayk atabdabni ay usuh ka daykiswekere arit aynesnima. Usuh sassah ukugku ariw avathawni adahan areketni ku samah yitaraksan. Heneme usuh ikene yinetni ku Uhokri gikumadukan ahawkanavrik kuwis danuh.” Hene yis awna gitkisnek.

Lúkas 10:11 Iomraidhean Croise

Matews 10:14

Ku igkis hiyeg ka amapay, ku igkis ka timepkere yiwn, nikwe pase yis pes ayteke agikutak gipinkis apititak inere paytwempu, yis sassah yikugku ariw apathawni. Ini arekhetni ku samah gitaraksankis.

Matews 10:7

Ataknabay, akkanay ku ahawkanaprik Uhokri gikumadukan kuwis danuh.

Matews 3:2

Ig awna ta gitkis hiyeg: ―Wagesnabay yihiyakemni ariw yitaraksan mmanawa ahawkanaprik Uhokri gikumadukan kuwis danuh. Hennewatbaki ig amekene João Batista awna ta gitkis hiyeg.

Markus 6:11

Henneme ku ignes hiyeg aygnenepwi ku igkis ka amapay, ku igkis ka timepkere yiwn, nikwe pase yis pes ayteke, yis sassah yikugku ariw apathawni. Ini arekhetni ku samah gitaraksankis.

Lúkas 10:10

Henneme ku yis danuh arit pahá paytwempu ku kiney hiyeg aygnenepwi ka amapay, nikwe ku samah yis pesanten apigku gahinakis, awnanabay gitkis nerras hiyeg:

Lúkas 10:9

Makniwanabay hiyeg ayge ku pariye kakahrapye. Akkanabay gitkis hiyeg ku ahawkanaprik Uhokri gikumadukan kuwis danuh.

Lúkas 9:5

Ku kit yis danuh, ku hiyeg aygnenepwi ka amapay, nikwe pase yis pes ayteke apititak ini paytwempu, yis sassah yikugku ariw apathawni. Ini arekhetni ku samah gitaraksankis.

Attus 13:26

Nukbyupwi, inakni ginetni gimin ig wamnihtenwiy in awahkiska uminwiy madikte. In kawih udahanwiy wixwiy hiyeg judeyenepwi wixwiy amekene Abrawh gihiwhipwi. In kawihwata yidahan yis hiyeg ku pariye kane judeyenepwima ku pariye kiyathenepwi Uhokri.

Attus 13:40

Ku yis ka ihpekere inakni wownhu apuriwnabay ku nawenétke in danuh ta yitnek ku pariye Uhokri gawnepepu pitatyepwi kinetihwa nimin minikwak.

Attus 13:46

Igme kiyapwiye Pol gikak kiyapwiye Barnabé igkis hiyapni henne, igkis kinetihwa gitkis akak madikte gawaygyikis. Igkis awna: ―Amawka Uhokri ginetni ekkepka ta yit kit yis hiyeg ku pariye judeyenepwi. Henneme yis ka amapa inakni ginetni. Mmahki yis ka ikwa adahan yis darih ini dehetniki adahan yis aymuhwa gimun Uhokri adahan apanenekwa? Ku samah yis ka amapa ginetni nikwe usuh ayguhwete yiw adahan usuh akkin ta gitkis hiyeg ku pariye kane judeyenepwima.

Attus 13:51

Igme kiyapwiye Pol gikak kiyapwiye Barnabé igkis hiyapni henne, igkis sessehe gikugkukis ariw apathawni adahan arekhetni ku samah nerras hiyeg gitaraksankis. Ayteke igkis tipik ta apitit paytwempu Ikôniyu.

Romanus 10:21

Giminkisme hiyeg israelyenepwi ig Uhokri awna: “Nah awakasaw gitkis takunipti henneme igkis ka iha nuwnhu, igkis tukuhpen.”

Romanus 10:8

Kibeyne, ig Uhokri gihiyakemni ka mahikonama adahan wis utipni. In kennesa umun. In ay ubiygik, in ay apit uyakni. Ini gihiyakemni adahan wixwiy kamaxwa ta gipitit Cristo. Inwata hiyakemniki ku pariye usuh ekkene ta gitkis hiyeg.

Ebréws 1:3

Ig gikamkayh kipun akak Uhokri gihiyakemni ku pariye kanenikiythanisima. Ignewa kahayaksa wotwiy igyerwa Uhokri amadga inin. Ig wewkis inin hawkri he akak giwnnenwa. Giwn kanidatnisima. Minikwak ig sagahptawiy ariw utaraksanwiy. Pisenwa ig batahkiswe adahan ig kumadukene gihumwa Ukiparawiy detye ayhté inugik, ay amun ini iwetrit ku pariye kanenikiythanisima kihehaptak.