Filemoh 1:8 - Uhokri Gannasan

⁸ Kuri nupewkan nah ayepne pit amnihka pahaynewata akiw. Ik adahan nah mpiksaptihpi giwaprik Cristo adahan pis keh ini ku pariye numawkan mmanawa ku pariye nah ayá pit ini wadit.

Uhokri Gahegbetawni Nukune akak Sawmus

⁸ Kuri nuvewkan nah ayepne pit amnihka pahaynewata akiw. Ik adahan nah mpiksaptihpi giwavrik Cristo adahan pis keh ini ku pariye numawkan mmanawa ku pariye nah aya pit ini wadit.

Filemoh 1:8 Iomraidhean Croise

2 Koríntyus 10:8

Yis awna numinhu ku nah ikawpari ke wotbe nah kabayte yiw ku samah nah ikewne Uhokri giwatni yimin. Henneme nah ka mará awna inakni yit. Mmanawa nah igyerwa Uhokri giwatni yimin. Nah awahkiska adahan nah wagahkisne yawaygyi kawki adahanma nah tuguhkisnema yawaygyi.

2 Koríntyus 11:21

Yis ikiy nuwnhu ka ariknawnama ta yit awaku nah he tuwatasewpi yitiput. Yiwnapriknawa. Hennewa nah ka kibowka keh akebyi ini ku pariye gikehnikis yikak. Henneme ku samah igkis kibowka akkamnih gabaykis yit nah hawwata nah kiboruknata. Nah ka kis adahan nah awna inakni mahayakemniki henne, henneme nahnewa awna.

2 Koríntyus 3:12

Usuh hiyapni inakni inetit nikiythani henne, usuh akkin gitkis hiyeg akak madikte ubowka.

Efésyus 5:4

Ka yi muwaka awna mbeyepyema yuwit, iné yuwit puwpuki, iné yisamanawni mbeyepyema. Ka kis adahan wixwiy Uhokri gihiyegapu awna henne. Pi kabayte wixwiy awna kabaykanen wixwiy kibeyhene Uhokri takunipti.

1 Tesalonisenses 2:2

Apit usuh danuh atere usuh mpiyenete apitiw paytwempu Filipus. Yis kuwis hiyak ku samah hiyeg ayge arewha wothu. Apim ini usuh kaayhsima hiyapkiska mbeyne wothu. Henneme ka sam. Ku samah usuh danuh atere yit, ig Uhokri iké wawaygyi adahan usuh kinetihwene ta yit akak madikte ubowka. Hiyawa upetunyapu siguhe usuh akak gihawnakis henneme usuh udukwenewa ekkenene yit Uhokri ginetni.

1 Tesalonisenses 2:6

Usuh ka aharitnema yis kiyatha usuh. Usuh kawnata aharitnema nawenépwi hiyeg kiyatha usuh.