Yud̯a 1:6 - Pokomo

⁶ Na pia natsaka kumukumbusya kwamba hawaḍe malaika wayayatsiyeo haya mamulaka ya Muungu awapfiyeyo, na wakikuyatsa hukuḍe kuntu kwao wapangiijweko kukaa, Muungu kawafunga-funga na minyoro isiyohunika meshi. Kisa kawangiza simo ḍya kiza wemokuindiiyani Nsiku ya kuhukumigwa.

Yud̯a 1:6 Iomraidhean Croise

Matayo 10:15

Nami hachi nyakumwambiani, nsiku ya hukumu idzepfofika, Muungu anawafwia t̯ei zaid̯i wantu wa midzi ya Sod̯oma na Gomora, kuliko wantu wa huo huo mudzi!”

Matayo 25:41

Yesu kagija kunena kamba, “Makisa huyu haju kadzawaperukia hawaḍe weo mukono tsonso wakwe awambe, ‘Haya ninukiani hapfa nywinywi wantu muḍuijweo! Endani kwa moho usiozimika maishi, welekanyijweo kwa dzambo ḍya Shaat̯ani na malaikawe.

Matayo 8:29

D̯ubva wamuḅaiya madzwi Yesu wamwamba, “E Yesu Mwana jwa Muungu! Unaswini? Munamba kumakudzia kuhuhukumu kaḅila nsiku yehu ntaidzafika?”

Yohana 8:44

Nywinywi mwa dza huyu baba jwenu Shaat̯ani. Mutsaka kuhenda haya mazuka ya huyu baba jwenu eyonahenda. Jeje Shaat̯ani, ni muyaji hangu ḍabvu na kaikeva hi hachi, koro jeje katsaka nsuwe meshi. Na epfonanena nsuwe anawa kakuyangani hivi aivyo, koro jeje ni munsuwe na ni baba jwa wansuwe.

Warumi 2:5

Ela kwa dzambo ḍya kitswacho chumu na kutsaatsaka kupfyehuza mama kwako, kwakudzifundikiani adhaḅu nkuu idzeyokudza hiyo hiyo nsiku ya Muungu adzeyowarejea wanabvise, na kuwahukumu na hachi.

Waefeso 6:12

Koro viha vyehu hwivyokujwanani ntahukwakujwanani na mwazi na nyama dzaswi! Ela hwakujwanani na mahaju ya mpepfo nzuka na sirikali zao. Hwakujwanani na nguvu za kiza zizokujut̯awalani huju lumwengu na nguvu za mpepfo nzuka ziizo humu angani dzuu.

Waeburania 10:27

Kidzechosaa chonse, inawa ni kuindiiya na oga hukumu ya Muungu na hu moho wa bvibvibvibvi udzeowananga-nanga hawaḍe wonse weonamupfinga Muungu.

2 Pet̯ero 2:4

Koro ikiwa kwamba malaika wagwiyeo nabviseni t̯u, Muungu nkakuwayatsa, ishinu kawafunga-funga na minyoro na kawafat̯ula simo ḍya kiza. Na humuhumuḍe ndimo wemokuindiiyani hi Nsiku yao ya kuhukumigwa.

2 Pet̯ero 2:9

D̯ubva haya yonse yanahuyanga namuna ya Muungu amanyiyevyo kuwayavya mad̯inani hawaḍe weonamuhila. Na pia kamanya namuna ya kuwaadhiḅu wantu wazuka, hali wakwakuindiiyani hi nsiku halisi ya hukumu.

Yud̯a 1:13

Haya mahendo yao mazuka mazuka yanadziyavya nze tswee dza hiviḍe vya mawimbi makali ya ḅahari yevyonabiga na kuyavya povu ḍya uchafu. Wao waa dza hiziḍe nyoha zizonadzichiiya ḅasi humu yuwinguni, yani hiziḍe nyoha zizonachia zikaariya kuntu kwa kiza cha go.

Upfenuo wa Yohana 20:10

Huyu Shaat̯ani awaariye kafat̯ulwa humuḍe mwa hiḍi ziwa ḍiḍyonawaka moho wa maḅiliḅili. Humuḍe ndimo kufat̯ulijwemo huyuḍe binensa na huyu *nabii jwa nsuwe. Wadzakuntiswa d̯ina siku na musikahi, maishi na maishi.

Upfenuo wa Yohana 20:2

Kaḍigija hiḍiḍe ḍyoka, yani iiḍe nyoka ya hangu kae na kae iyonahanwa Muzuka ambu Shaat̯ani, na kamufunga kwa myaka elefu modza.