Yohana 9:39 - Pokomo

³⁹ Kisa Yesu kamba, “Mimi nidza lumwenguni ili nabvise ipate kuhukumigwa. Nidza ili kwamba ntumbu matso wapate kuona na hawaḍe weonat̯ara kwamba wakuonani, niwayange kwamba ni ntumbu matso.”

Yohana 9:39 Iomraidhean Croise

Matayo 11:5

Mwambeni ntumbu matso wakuonani, vihewi wakwenendani, wajwazi wa kwanga wakupfozwani, makurud̯ud̯u wakusikiani, wantu wafwiyeo wakufufujwani, na makowesa wakusumwiijwani haya maagu mema.

Matayo 15:14

Nywinywi wayatseni t̯u. Hangu d̯ura ni wayongozi ntumbu matso. Na ntumbu matso akimugija yuroi ntumbu matso mwenziwe, wonse wanagwa simoni.”

Matayo 6:23

Ela ikiwa kwamba ana matso mazuka, ḅasi mwiiwe wonse unawa kizani. Ndookomu ikiwa kwamba muntu nkakwakuonani kiruhu, ḅasi muntu dzae anawa kwamba ka kuzimuni mwa kiza cha go!”

Luka 1:79

Ḍiwayangaiye wantu wonse, waringijweo ni kiza cha kufwa, ili ahuyongowe kwiko machiyo ya naghea.”

Luka 13:30

D̯ubva wa mwiso wadzawa wa d̯ura, na hawaḍe weo wa d̯ura hi hii saasambi wadzawa wa mwiso.”

Luka 2:34

Makisa Simioni kawavodhya kisa kamwambia Maria, “Huyu mwana huyu kadzawahendeza wenji wa wantu wa Isiraeli wapfonyegwe na wangine waare. Kadzawa kihambwiizo cha Muungu, ela wantu wenji wadzamudziza.

Luka 4:18

“Ruhu jwa Ḅwana ka dzuu yangu, ndookomu kanitsana niwasumwiiye makowesa *Maagu Mema. Kanihuma niwalalabviye wafungwa kufungujwa kwao, na kuona kawii kwa ntumbu matso, na kuwahendeza weokuonejwani watseonejwa kawii.

Luka 7:21

Hawaḍe wanafund̯i wepfofika hapfaḍe, Yesu ewa kupfonyani wantu weokuwa na nd̯wari garagara na kubusa mpepfo nzuka, na ntumbu matso kawapfa kuona.

Yohana 12:31

Ngera ya Muungu ya kujuhukumu lumwengu imaafika, na huyu haju jwa huju lumwengu anakujwa.

Yohana 12:46

Nidza niweze kuwa muyanga wa huju lumwengu, ili kula anihikiziye atsekaa kizani kawii.

Yohana 3:17

Muungu nkakumuhuma Mwanawe lumwenguni kudzajuhukumu lumwengu, ela kamuhuma kudzajupfonya.

Yohana 3:19

Hi hukumu yao idza na kwamba: Hu muyanga udza lumwenguni, ela wantu watsaka kiza kuliko muyanga, kwa dzambo ḍya kwamba mahendo yao ni mazuka.

Yohana 8:12

Kisa Yesu kanena na hawa wantu kawii kawamba, “Mimi ndimi muyanga wa huju lumwengu. Muntu eyenaniuḅa mimi nkawezi kwenenda kizani meshi, ela anawa na hu muyanga wiwonapfa wantu maisha.”

Yohana 8:15

Nywinywi munayayowa mambo kiwanaad̯amu na mukadzinihukumia ḅasi. Ela mimi sikudzia kuhukumu muntu.

Yohana 9:25

Huyu muntu apfonyejwe kawambukuya kawamba, “Iwe kwamba huyu muntu ni munabvise ambu hat̯a, mimi hayo siyadzi. Nimanyiecho ni kwamba mimi niiwa ntumbu matso, ela sasa nyakuonani!”

Mahendo 26:18

Ni uwapfenuye matso yao na uwaperuye kuyawa kizani wauje muyangani, na wayawe ut̯awalani mwa Shaat̯ani wamuujie Muungu. Ili kwamba, kwa dzambo wanihikiza, Muungu anawayatsia nabvise zao na wadzakaa kuntu kwao kahi ya watsanwa wa Muungu.’

2 Wakorint̯o 2:16

Kwa hawaḍe weokwaarani, hi ni harufu nzuka iyonayaga. Ela kwa hawaḍe weokupfonywani, haya ni manunkanto yeyonayeha maisha yasiyosia. D̯ubva, eyenaiweza kazi dzehii ni ga?

Waefeso 5:14

koro muyanga meshi ukikiyangaiya kintu kinamanyikana hiviḍe kiivyo haswa. Ndiyo maana vyambigwa: “Yamuka wewe wiyekuyaani! Sikae dza mufu, fufuka! Na Kirist̯o anakuyangaiya dza dzuwa.”

2 Watesalonike 2:10

Anakudza na kula aina ya makulekule, awakulekule hawaḍe weokwaarani wadzeohukumigwa. Wakwaarani kwa dzambo ḍya kwamba waidziza hi hachi ya kwamba indeweza kuwapfonya.

1 Pet̯ero 2:9

Kenge nywinywi mu kyeet̯i kidheru cha wantu watsanijweo ni Muungu. Kamuyavya kizani kamungiza muyangani muwe wakohani wa hila nkuu, ili muweze kulalabva haya mafara yakwe ya kumakisa.

1 Yohana 2:11

Ela yuḍejwonse amukeveye ndugujwe, kakuishini na kwenenda kizani. Ekokwendani nkakudzi, kwa dzambo ḍya kwamba hichi kiza kimuhendeza atseona.