Yohana 9:34 - Pokomo

³⁴ Ela wao wamwamba, “Hangu kuvyajwani kwako wewe u munabvise jwa kafu! Sasa nawe unatsaka kuhuyongweeza kintu ga?” Ndookomu wamuyavya sunagogini.

Yohana 9:34 Iomraidhean Croise

Luka 11:45

Mumodza jwa waalimu wa *Sharia kamwambukuya kamwamba, “Mwaalimu, ukinena dza hivyo, kwakuhutsolani naswi.”

Luka 14:11

Koro kula adzikuzie kadzasuswa nsi, na kula adzisusie nsi kadzakuzwa.”

Luka 18:17

Hachi nyakumwambiani, yuḍejwonse asiyeupfokea Uhaju wa Muungu dza mwana kachuchu, huyo nkawezi kuunjia meshi.”

Luka 6:22

Mudzawa na tsekea iyodze, nywinywi mukikevegwa ni wantu na kujibat̯wa na hat̯a kutsolwa na kwambigwa kwamba mu wazuka kwa dzambo ḍya kunihikiza mimi Mwana jwa Ad̯amu!

Yohana 6:37

Hat̯a vivyo, hawaḍe wonse wa Baba eonanimpa wanakudza kwangu. Nami hawaḍe wonse weonakudza kwangu siwezi kuwafat̯ula meshi!

Yohana 8:41

Ela nywinywi munahenda dza hivi vya huyu baba jwenu evyonahenda.” Nao wamwambukuya wamwamba, “Swiswi ntahukwaa wana wa usi. Muungu mwenye ndiye huyu Baba jwehu.”

Yohana 9:2

Hawa wanafund̯iwe wamuuza wamwamba, “Mwaalimu, ni nabvise ya ga imuhendezeeyo ayu muntu ayu akivyajwa ntumbu matso? Ni nabvise yakwe mwenye ambu ni nabvise ya wavyaziwe wahendeyeyo?”

Yohana 9:22

Wavyazi wa huyu muntu wanena hivi kwa dzambo ḍya kwamba wekiwashooga hawa wakuu wa Kiyahud̯i. Hawa wakuu weepatana kwamba, muntu yuḍejwonse adzeehikiza na kunena kwamba Yesu ndiye huyu *Masiya anayavigwa *sunagogini.

Yohana 9:35

Yesu epfosikia haya yahendekeeyo, kamulacha huyuḍe muntu hat̯a kendakamuona. Epfomuona kamuuza kamwamba, “Ayu *Mwana jwa Ad̯amu wewe kumuhikiza?”

Yohana 9:40

Mafarisayo wangine weomusikia akinena hivi, wamuuza wamwamba, “Yani unatsaka kunena ya kwamba naswi hu ntumbu matso?”

Wagalatia 2:15

Ni ḍugha, swiswi huvyajwa Wayahud̯i, na ntahukwaa hawa wantu wa vyeet̯i hwiwonawahwaa kuwa wanabvise.

Waefeso 2:3

Naswi swiswi, hwonse d̯ura hwiiwa dzao. Hwikidzitsekeza myojo yehu na kula zuka, hukiuḅa t̯amaa zehu nzuka nzuka na mat̯aro yehu ya kiwanaad̯amu. Swiswi, dza wanaad̯amu wangine wonse, hwiiwa wantu wa kwamba Muungu andehuadhiḅu kwa dzambo ḍya kumurejesa na nabvise zehu.

1 Pet̯ero 5:5

Nanywi wayume waḍoḍo ni had̯i muwat̯ii hawa wazee wenu. Na nyonse ni had̯i muwe wampowe, mukihumikiana nywinywi na nywinywi. Koro matsoro yamba, “Muungu anawafwia t̯ei hawaḍe weo wampowe, ela wavikodzo anat̯aragiana nao.”

3 Yohana 1:10

D̯ubva nidzepfokudza, haya yonse ahendeyeyo nayaḅaa-ḅaa tswee. Kakuhungiziani mambo mazuka mazuka menji na menji. Na dza kwamba hiḍyo hiḍyo ntaḍikut̯osa, kanjia kudzizani kuwapfokea hawa wandugu. Ana hat̯a kuwavingira hawaḍe weonatsaka kuwapfokea, na hat̯a akawayavya tsanganikoni!

3 Yohana 1:9

Niwa nyora ḅaruwa mfufi kwa hiḍi tsanganiko ḍya huko kwenu. Ela Diotirofe, adzihendezeye kitsampizi, kadziza kunisikia.

Upfenuo wa Yohana 13:17

Na ntaku yuḍejwonse awezeye kuguya ambu kuguza kiḍechonse, lamud̯a huyuḍe eyekuwa na hiyo hiyo alama ya huyuḍe binensa, yani hiḍi sari ḍya huyuḍe binensa jwa d̯ura ambu hi namba ya hiḍi sariḍye.