Yohana 9:24 - Pokomo

²⁴ Kisa hawa wakuu wa Kiyahud̯i wamuhana mweedha wa pfii huyu muntu apfonyejwe na wamwamba, “Nena hiḍe ya hachi ya kumushooga Muungu. Swiswi humanya ya kwamba huyu muntu akupfonyeye ni munabvise.”

Yohana 9:24 Iomraidhean Croise

Marko 15:27

Na pia hawa asikari wapfatsika wevi wawii pfamodza na Yesu. Mumodza wamupfatsika mukono kuyume wa Yesu, na yungine wamupfatsika mukono tsonso.

Luka 15:2

*Mafarisayo na waalimu wa *Sharia waḍabva kuḅuguma-ḅuguma wakyamba, “Huyu muntu huyu anakaa na kuwakaraḅisha wanabvise na kuḍya hat̯a nao le!”

Luka 19:7

Wantu wonse waoneyeo hivi waḍabva kuḅuguma-ḅuguma wakyamba, “Yesu kendawa mugeni nyumbani mwa munabvise!”

Luka 7:39

Huyuḍe Mufarisayo amuhaniye Yesu, epfoona haya, kat̯ara na mojoni kamba, “T̯ambere huyu muntu ni nabii ḍugha, andehambuya kwamba ayu muke eyekumuhorani-horani ni muke eyedze, koro ni shudha!”

Yohana 14:30

Mimi si muḍa muyeya wa kukaiya kunena nanywi amaale, koro huyu haju jwa huju lumwengu kamaawa kudzani. Jeje nka uwezo uḍewonse dzuu yangu.

Yohana 16:2

Nywinywi mudzayavigwa masunagogini, na kudzafika ngera ya wantu kumuyaga wakit̯ara ya kwamba kwa kuhenda hivyo, wakumuhumikiani Muungu.

Yohana 18:30

Nao wamwambukuya wamwamba, “T̯ambere huyu muntu andeewa si muntu muzuka, swiswi ntahundemuyeha kwako!”

Yohana 19:6

Hawa wakohani wakuu na wamia wa *Hekalu wepfomuona Yesu, waḅaa madzwi wamba, “Mupfatsike! Mupfatsike!” Ela Pilato kawamba, “Muhwaeni nywinywi mukamupfatsike, koro ami sikumuona na tsowa ahendeyeḍyo.”

Yohana 5:23

ili kula muntu amuhile huyu Mwana dza evyonamuhila huyu Baba. Muntu asimuhila huyu Mwana nkakwakumuhilani hat̯a huyu Baba amuhumiye.

Yohana 8:46

Ni ga kahi yenu eyenaweza kuyanga kwamba mimi nihenda nabvise iḍeyonse? Haya, ninkimaawa kumwambiani hi ya hachi, kut̯i ntamut̯aki kuhikiza hivi nivyokumwambiani?

Yohana 8:49

Ela Yesu kawamba, “Mimi si mashaat̯ani yaḍeyonse! Mimi nyakumukuzyani Baba, ela nywinywi mwakunitsezeani.

Yohana 9:16

Wangine wa hawa Mafarisayo wamwamba, “Huyu muntu akupfonyeye si muntu jwa kuyawa kwa Muungu, maanaye nkakwakuiuḅani hi sharia ya kutsahenda kazi na nsiku ya Sabato.” Ela wangine wamba, “T̯ambere huyu muntu ni munabvise, andeweza kuhenda mafara ya kumakisa dzayahaya?” Ndookomu wagawika haya mat̯aro.

Yohana 9:25

Huyu muntu apfonyejwe kawambukuya kawamba, “Iwe kwamba huyu muntu ni munabvise ambu hat̯a, mimi hayo siyadzi. Nimanyiecho ni kwamba mimi niiwa ntumbu matso, ela sasa nyakuonani!”

Warumi 8:3

Hi *Sharia ntaikuweza kuhuweka huru kwa dzambo ḍya udhaifu wehu wa kibenaad̯amu. Ela Muungu kahuweka huru kwa kumuhuma huyu Mwanawe jeje mwenye, adziye akivyajwa na mwii wiwo dza hi mii yehu ya nabvise. Kadza lumwenguni kahukumigwa ili azihunwiiye nabvise zehu.

2 Wakorint̯o 5:21

Kirist̯o nkakuhenda nabvise iḍeyonse, ela Muungu kamuhendeza kuwa mvuugiya ya nabvise zehu, ili kwamba, kwa njia ya Kirist̯o, Muungu ahuhendeze kuwa wadheru, dza vyakwe jeje aivyo mudheru.

Upfenuo wa Yohana 11:13

Na iyo saa kugunga muhehemo mukuu wa nsi, na sehemu modza ya kumi yo mudzi igwa. Kufwa wantu elefu mfungahe. Na hawaḍe wapfoneyeo wanjijwa ni oga muno na wamushad̯a Muungu eye mbinguni.