Yohana 9:16 - Pokomo

¹⁶ Wangine wa hawa Mafarisayo wamwamba, “Huyu muntu akupfonyeye si muntu jwa kuyawa kwa Muungu, maanaye nkakwakuiuḅani hi sharia ya kutsahenda kazi na nsiku ya Sabato.” Ela wangine wamba, “T̯ambere huyu muntu ni munabvise, andeweza kuhenda mafara ya kumakisa dzayahaya?” Ndookomu wagawika haya mat̯aro.

Yohana 9:16 Iomraidhean Croise

Matayo 12:10

Humuḍe kuzimu kwiwa na muntu mumodza ahinamfiye mukono. Hawa Mafarisayo wekilacha kadzambo ka kumusit̯aki nako Yesu. D̯ubva wamuuza wamwamba, “Dze, kuuḅana ne Sharia yehu, ni hachi kuhenda kazi ya kupfonya muntu na nsiku ya Sabato?”

Matayo 12:2

D̯ubva hawa *Mafarisayo wepfowaona wamuuza Yesu wamwamba, “T̯awayowe hawa wanafund̯iwo! Kut̯i wakuhendani kazi na nsiku ya Sabato na hali hi *Sharia yehu ihuvingira kuhenda dzavyo?”

Luka 13:14

Ela huyu mukuu jwa sunagogi kareja kwa kwamba Yesu kapfonya muntu na nsiku ya Sabato. Ndookomu kanena na hawa wantu kawamba, “Kuna nsiku ntandahu za kwamba munaweza kuhenda kazi. D̯ubva nzoni kuzimuni ya hizo hizo nsiku muriit̯we, ela namutsekudza na nsiku ya Sabato!”

Yohana 10:19

Yesu epfonena hivi, hawa weowakimusikiiya wagawikana haya mat̯aro kawii.

Yohana 14:11

Nikimwamba mimi na Baba hu kintu kimodza, nywinywi serefat̯ani niyokumwambiani. Ela ikiwa kwamba ntamuwezi kuserefat̯a hat̯a hivi nivyokumwambiani, d̯ubva nangaa muniserefat̯e kwa dzambo ḍya haya niyokuhendani.

Yohana 15:24

Mimi nihenda mafara ya kumakisa kahi yao, yasiyodzahendwa ni muntu yungine yuḍejwonse. T̯ambere nindeewa sidzahenda mambo dzayo, ntawandet̯alijwa nabvise. Ela viivyo ni kwamba, hat̯a ingawa waona hivi nihendeyevyo, wao wahuwekea kevo ami na Baba.

Yohana 2:11

Hiḍi ḍiiwa ndiḍyo dzambo ḍya d̯ura ḍya kumakisa ḍya Yesu ahendeyeḍyo. Kaḍihenda mudzi wa Kana wiwokuwa ḍyimbo ḍya Galilaya. Na kwa kuhenda hivi, Yesu kayanga uwezowe mukuu eokuwa nao, ndookomu hawa wanafund̯iwe wamuhikiza.

Yohana 3:2

Nsiku modza, kamwendea Yesu nasiku kamwamba, “Mwaalimu, humanya ya kwamba wewe u muntu uhumijwe ni Muungu. Koro t̯ambere Muungu nkakwaa pfamodza nawe, nkundeeweza kuhenda haya mafara ya kumakisa wiyokuhendani.”

Yohana 5:10

Ndookomu hawa wayongozi wa Kiyahud̯i, wepfomuona huyuḍe muntu katsukuya t̯at̯a, wamwamba, “Yeo ni nsiku ya Sabato kisa nawe kwakuhendani kazi kwakutsukuyani mat̯at̯a! Nkudzi kwamba kwakuvunzani Sharia?”

Yohana 5:36

Ela nina shaahiḍi mukuu kumuchia Yohana. Huyu huyu shaahiḍi, ni haya mayongweezo yangu na mafara ya kumakisa ya Baba animpiyeyo kuhenda. Na haya niyonahenda yanayanga kwamba Baba ndiye anihumiye.

Yohana 6:52

Hawa wantu kudzasikia hivi vya Yesu aneneyevyo, waḍabva kuḍaat̯iana na ngoro wakyamba, “Ayu muntu ayu, anawezadze kwamba anahupfa hu mwiiwe huuḍye?”

Yohana 7:12

Kujumuka manongono kahi ya hawa wantu. Wangine wekyamba Yesu ni muntu mwema na wangine wekyamba Yesu kakwaaryani wantu.

Yohana 7:23

Haya, nywinywi wana wenu munawahinya hat̯a ikiwa kwamba ni nsiku ya Sabato ili mupate kuit̯ii hi Sharia ya Musa. Mani d̯ubva ami nikimapfoza muntu na akiwa muzima kaḅisa na nsiku ya Sabato, kut̯i munirejea?

Yohana 7:43

Ndookomu hawa wantu wagawika haya mat̯aro dzuu ya Yesu.

Yohana 9:24

Kisa hawa wakuu wa Kiyahud̯i wamuhana mweedha wa pfii huyu muntu apfonyejwe na wamwamba, “Nena hiḍe ya hachi ya kumushooga Muungu. Swiswi humanya ya kwamba huyu muntu akupfonyeye ni munabvise.”

Mahendo 14:4

Hawa wantu wa humu mudzini waḅaikana vit̯aro viwii. Wangine wewa ḍanda ya hawa Wayahud̯i na hawa wangine wewa ḍanda ya hawa ntumi.