Yohana 8:55 - Pokomo

⁵⁵ na hali hat̯a ntamumudzi. Ela mimi nimumanya, na nikyamba simudzi nawa kwamba nyakunenani nsuwe dzanywi. Mimi nimumanya ḍugha na namut̯ii.

Yohana 8:55 Iomraidhean Croise

Matayo 11:27

Makisa Yesu kamba, “Baba kanimpa mawezo dzuu ya kula kintu. Ntaku yuḍejwonse amumanyiye huyu Mwana, lamud̯a Baba jeje heket̯u. Na ntaku yuḍejwonse amumanyiye huyu Baba lamud̯a huyu Mwana na hawaḍe wonse wa huyu Mwana atsaniyeo kumuyanganya huyu Baba kwao.”

Luka 10:22

Makisa Yesu kamba, “Baba kanimpa mamulaka dzuu ya kula kintu. Ntaku yuḍejwonse amumanyiye huyu Mwana kwamba ni gani, lamud̯a Baba jeje heket̯u. Na ntaku yuḍejwonse amumanyiye huyu Baba kwamba ni gani, lamud̯a huyu Mwana na hawaḍe wonse wa huyu Mwana atsaniyeo kumuyanganya huyu Baba kwao.”

Yohana 1:18

Ntaku amuoneye Muungu lamud̯a huyu Mwana jwa Muungu jeje heket̯u ambaye jeje mwenye ni Muungu. Jeje na huyu Baba wana uhusiano wa hafufi muno, na ndiye amuhendezeye huyu Baba amanyikane aivyo.

Yohana 10:15

Ni dza hiviḍe vya Baba animanyievyo mimi nami nimumanyievyo jeje. Nami nya t̯ayari kufwa kwa dzambo ḍya hizi mbuzi.

Yohana 15:10

Mimi nizigija amuri za Baba nae kagija kunitsaka. Dza vivyo, nanywi mukizigija amuri zangu munagija kuyaona matsako yangu.

Yohana 15:21

Haya haya yonse, wanayamuhendea kwa kwamba mu wantu wangu. Na wanayamuhendea kwa kwamba ntawamudzi huyu anihumiye.

Yohana 16:3

Wao wanamuhendea dza hivyo, kwa kwamba ntawanidzi mimi wala Baba.

Yohana 17:25

E Baba wiye muhachi, gula lumwengu ntajukudzi, ela mimi nikumanya. Na hawa wanafund̯i wangu wamanya kwamba ndiwe unihumiye.

Yohana 6:46

Ntaku amuoneye huyu Baba lamud̯a mimi t̯u niyawiye kwakwe.

Yohana 8:19

Hawa Mafarisayo wamuuza wamwamba, “Ayu babajo kaku?” Yesu kawambukuya kawamba, “Nywinywi ntamunidzi mimi wala Baba. T̯ambere mundeewa munimanya mimi kwamba ni gani, mundeewa mumumanya na Baba pia.”

Yohana 8:29

Na jeje anihumiye ka pfamodza nami, nkadzaniyatsa. Nkadzaniyatsa kwa kwamba mimi meshi nahenda yeyonamutsakiza jeje.”

Yohana 8:44

Nywinywi mwa dza huyu baba jwenu Shaat̯ani. Mutsaka kuhenda haya mazuka ya huyu baba jwenu eyonahenda. Jeje Shaat̯ani, ni muyaji hangu ḍabvu na kaikeva hi hachi, koro jeje katsaka nsuwe meshi. Na epfonanena nsuwe anawa kakuyangani hivi aivyo, koro jeje ni munsuwe na ni baba jwa wansuwe.

Yohana 8:51

Hachi nyakumwambiani, kula eyenagija haya mayongweezo yangu nkawezi kufwa meshi!”

Yohana 8:52

Hawa wantu kudzasikia hivi, wamwamba, “Sasa huhakikisha kaḅisa kwamba una mashaat̯ani. Hat̯a Iburahimu na hawa manabii t̯u wafwa. Awe ndiwe jwa kudzawambe kwamba kula eyenagija haya mayongweezoyo nkawezi kufwa?

Mahendo 17:23

Koro nipfonikyenenda nomu mudzini mwenu ninkiyowa huku kuntu mwikonayomba, niona na *madhabahu yorejweyo hivi vyuuwo hivi: ‘Kwa Muungu Asimanyikana.’ D̯ubva huyu mwiyenamuyomba pfasipfo kumumanya, ndiye huyu Muungu niyekumusumwiiyani.

2 Wakorint̯o 4:6

Huyu Muungu ambiye, “Nakuyangae muyanga humu kizani,” ndiye jeje ahendezeye muyangawe uhuyangaiye myojoni mwehu. Hu muyanga unahupfa kuyamanya haya marembo ya Muungu, yeyonayangaa humu usoni mwa Kirist̯o.

1 Yohana 1:6

Ndookomu hukyamba huna haria na Muungu, na huku hwakuishini kizani, mahendo yehu na kunena kwehu nkwa nsuwe.

1 Yohana 2:22

Mani d̯ubva ayu muntu munsuwe ni ga? Ni huyu eyenakwamba Yesu siye huyu *Masiya. Na muntu dzae ni mupfinga Kirist̯o, koro kakumukanani Baba na Mwanawe.

1 Yohana 2:4

Muntu akyamba kamumanya Muungu na huku nkakwakuzigijani hizi amuri zakwe, muntu dzae kakunenani nsuwe, na hi hachi ya Muungu ntaipfo mojoni mwakwe.

1 Yohana 5:10

D̯ubva yuḍejwonse amuhikiziye huyu Mwana jwa Muungu, kamanya hakika ya kwamba haya haya ni ḍugha. Ela yuḍejwonse asiyemuhikiza, kesakumuhendeza Muungu kuwa munsuwe, kwa kwamba nkakuhikiza haya ya Muungu aneneyeyo, dza ushaahiḍi dzuu ya huyu Mwanawe.

Upfenuo wa Yohana 3:9

T̯asikiani! Kuna wantu weokudzihanani wantu wa Muungu na hali huku ni wantu wa Shaat̯ani. Hao nawahendeza wadzewamugwiye maguuni, nao wanahambuya kwamba mimi nimutsaka.