Yohana 8:37 - Pokomo

³⁷ Nimanya ya kwamba nywinywi mu vit̯ukut̯uku vya Iburahimu. Ela nywinywi munatsaka kuniyaga kwa dzambo ḍya kwamba ntamuyat̯aki haya mayongweezo yangu.

Yohana 8:37 Iomraidhean Croise

Matayo 13:15

Vitswa vyenu vihenda vyumu, na masikio yenu yahenda maziho. Na kuona ntamuone, koro mufinya. Ndookomu ntamusikiye, ntamuone, na wala ntamuimuke kintu. T̯ambere si hivyo, mundeniperukia mimi, nami nindemupfonya.’

Matayo 3:9

Na wala namutsedzit̯aria kwamba mu wadheru usoni kwa Muungu kwa kwamba mu kivyazi cha Iburahimu. Koro hachi nyakumwambiani, Muungu anaweza kuyahwaa haya mawe haya, na ayapfyehuze kuwa yuvyee jwa Iburahimu.

Yohana 10:31

Kawii hawa Wayahud̯i wepfomusikia Yesu akinena hivi, wahwaa mawe wekitsaka kumubiga wamuyage.

Yohana 11:53

Ndookomu hangu hiyo hiyo nsiku, hawa wakuu wa Kiyahud̯i waḍabva kuhenda mipango ya kumuyaga Yesu.

Yohana 5:44

Nywinywi mutsaka kushad̯ana nywinywi na nywinywi, na wala ntamulache kushad̯igwa ni huyu eye Muungu jeje heket̯u. Ndiyo maana ntamuwezi kunihikiza mimi.

Yohana 7:1

Ḅaad̯aye, Yesu kazinga ḍyimbo ḍya Galilaya akyenda mudzi hat̯a mudzi. Ekitsaka kuḍikaiya kuye ḍyimbo ḍya Yud̯aya kwa dzambo ḍya kwamba, hukuḍe hawa wakuu wa Kiyahud̯i wekitsaka kumuyaga.

Yohana 7:19

Musa kamumpa hi *Sharia kendakesa. Ela ntaku hat̯a mumodza jwenu eyekuiuḅani. Na ikiwa kwamba sivyo, kut̯i munatsaka kuniyaga?”

Yohana 7:25

Wangine wa hawa wantu wa Yerusalemi waḍabva kwamba, “Ayu muntu jwa awa wakuu weyekumulachani wamuyage suyuhuyu?

Yohana 8:33

Ela wao wamwambukuya wamwamba, “Swiswi hu vit̯ukut̯uku vya Iburahimu. Na ntahudzawa wahumwa wa yuḍejwonse. D̯ubva unakwambadze kwamba hunawekwa huru?”

Yohana 8:43

Nywinywi ntamuimuke hivi nivyokumwambiani, maanaye ntamut̯aki kusikia hivi vyuuwo nivyokumwambiani.

Yohana 8:56

Bibi jwenu Iburahimu ewa katsekea kwamba njwakuiona nsiku ya kudza kwangu. Nae kaiona na katsekea muno.”

Yohana 8:59

Ipfofika hapfo, waḍabva kuhwaa mawe wamubige wamuyage. Ela Yesu kadzifitsa kisa kayawa humuḍe Hekaluni kagonzowa.

Yohana 8:6

Wamuuza dza hivi ili wapate kumusocha na wapate dzambo ḍya kumusit̯aki naḍyo. Ela Yesu kenama na kaḍabva kwora na ḍowe hapfa mutsangani.

Mahendo 13:26

Paulo kongeza kunena kamba, “Ndugu zangu wa yuvyee jwa Iburahimu, na wantu wonse wasiokuwa Wayahud̯i weonamuvunzia nkuhi Muungu; haya maagu ya mupfonyo huyayehejwa swiswi.

Warumi 9:7

Na wala si kula eye mudzukuu Iburahimu kwamba ni mudzukuuwe jwa ḍugha. Hat̯a Muungu kanena na Iburahimu kamwamba, “Huju yuvyee nikuahid̯iyejo unajupata kuchiiya na kwa Isaka,” ingawa Iburahimu ewa na wana wangine.

1 Wakorint̯o 2:14

Ela muntu asiyekuwa na huyu Ruhu anazidziza hizi t̯ola zizonayawa kwa Ruhu jwa Muungu. Kwakwe haya haya ni uḍyura muhupfu, na nkayaimuke, kwa dzambo ḍya kwamba yanaimukika kwa ugijo wa Ruhu t̯u.

1 Yohana 2:14

Nyakumworeani nywinywi wana, kwa kwamba mumumanya huyu Baba. Nyakumworeani nywinywi wantu wakuu, kwa kwamba mumumanya huyu eyekuwapfo hangu ḍabvu. Nyakumworeani nanywi nywinywi wayume waḍoḍo, kwa kwamba muna myojo ya ubaryed̯a. Muchiweka chuuwo cha Muungu myojoni mwenu na mumamushinda huyu Muzuka.