Yohana 7:31 - Pokomo

³¹ Ela wantu wangine wenji weokuwapfo hapfaḍe wamuhikiza. Wamba, “Hat̯a ayu Masiya akidza, anaweza kuhenda mafara ya kumakisa kumuchia ayu muntu ayu?”

Yohana 7:31 Iomraidhean Croise

Matayo 12:23

D̯ubva hi t̯ut̯a yonse ya wantu imaka hat̯a waḍabva kuuzana wao na wao wakyamba, “Munamba ayu muntu ayu ndiye ayu Mwana jwa D̯aud̯i ambijwee kwamba anawa ayu *Masiya?”

Luka 8:13

Mbeju zigwiyezo maweni ni dza hawaḍe weonakisikiiya chuuwo cha Muungu na wakachipfokea na tsekea. Ela kwa kwamba hichi chuuwo ntachikungora myojoni mwao, wanahikiza kwa mweedha t̯u. Na wakipatwa ni maḍemo, iyo saa wanaziyekeza faro zao.

Yohana 11:45

Wenji wa hawaḍe wantu weokwenda kumuingamaza Maria, wepfoona haya ya Yesu ahendeyeyo wamuhikiza.

Yohana 12:11

Koro Wayahud̯i wenji wewa wadziza kuwasikia, ishinu wekimuhikiza Yesu. Hawa Wayahud̯i wekihenda hivi kwa dzambo ḍya haya ya Yesu amuhendeeyo Lazaro.

Yohana 12:42

Na hat̯a vivyo, wenji wa hawa wakuu wa Kiyahud̯i, wamuhikiza Yesu. Ela ntawekivinena usoni ya wantu kwa dzambo ḍya kwamba, wekiwashooga hawa Mafarisayo watsekudzawayavya masunagogini.

Yohana 2:11

Hiḍi ḍiiwa ndiḍyo dzambo ḍya d̯ura ḍya kumakisa ḍya Yesu ahendeyeḍyo. Kaḍihenda mudzi wa Kana wiwokuwa ḍyimbo ḍya Galilaya. Na kwa kuhenda hivi, Yesu kayanga uwezowe mukuu eokuwa nao, ndookomu hawa wanafund̯iwe wamuhikiza.

Yohana 3:2

Nsiku modza, kamwendea Yesu nasiku kamwamba, “Mwaalimu, humanya ya kwamba wewe u muntu uhumijwe ni Muungu. Koro t̯ambere Muungu nkakwaa pfamodza nawe, nkundeeweza kuhenda haya mafara ya kumakisa wiyokuhendani.”

Yohana 4:29

“T̯anzoni mumuyowe huyu muntu anyambiiye kula kintu changu nichohenda. Anaweza kuwa kwamba ndiye ayu Masiya?”

Yohana 4:39

Wasamaria wenji kuyawa huḍe mudzi wa Sikari, wamuhikiza Yesu kwa dzambo ḍya hivi vya huyu muke awambiiyevyo. Ewa kawamba, “Kanyambia kula kintu changu nichohenda.”

Yohana 6:2

Wekiuḅwa ni t̯ut̯a nkuu na nkuu ya wantu kwa dzambo ḍya haya mafara ya kumakisa ya Yesu ahendeyeyo ya kupfonya wajwazi.

Yohana 7:26

Haya t̯amuyoweni, siye ayu kakuyongweezani wekeani tswee? Kut̯i ntawadzamwambukuya chuuwo? Ambu munamba wamahambuya kwamba ndiye ayu *Masiya ḍugha?

Yohana 9:16

Wangine wa hawa Mafarisayo wamwamba, “Huyu muntu akupfonyeye si muntu jwa kuyawa kwa Muungu, maanaye nkakwakuiuḅani hi sharia ya kutsahenda kazi na nsiku ya Sabato.” Ela wangine wamba, “T̯ambere huyu muntu ni munabvise, andeweza kuhenda mafara ya kumakisa dzayahaya?” Ndookomu wagawika haya mat̯aro.

Mahendo 8:13

Simioni mwenye nae kahikiza. Epfot̯opyegwa ekigijana na Filipo kula pfantu na kamakiswa ni vihambwiizo na mafara makuu yahendejweyo ni Filipo.

Yakobo 2:26

D̯ubva nichokunenani ni kwamba, ruhu ikimuyawa muntu, ḅasi muntu huyo anawa nkakwaa mojo kawii, kesakufwa. Na hat̯a faro ya muntu ikitsayangwa na mahendo, nayo pia inawa dzevyo. Yani inawa kwamba ifwa!