Yohana 7:28 - Pokomo

²⁸ Yesu kagija kuyongweeza humuḍe Hekaluni kisa kawalalabvia hawa wantu kawamba, “Nywinywi munakwamba munimanya mumpaka niyawiyeko! Ela mimi sikudziyeha mwenye hat̯a. Huyu Muungu anihumiye ni muhikizika, ela nywinywi ntamumudzi.

Yohana 7:28 Iomraidhean Croise

Matayo 11:27

Makisa Yesu kamba, “Baba kanimpa mawezo dzuu ya kula kintu. Ntaku yuḍejwonse amumanyiye huyu Mwana, lamud̯a Baba jeje heket̯u. Na ntaku yuḍejwonse amumanyiye huyu Baba lamud̯a huyu Mwana na hawaḍe wonse wa huyu Mwana atsaniyeo kumuyanganya huyu Baba kwao.”

Matayo 2:23

Galilaya na kaḍabva kukaa mudzi wa Nazareti. Na hivi vihendeka ili hikiḍe chuuwo kinenejwecho ni manabii dzuu ya huyu *Masiya kiweze kut̯imiya. Koro hawa manabii wewa wamba kwamba kadzahanwa Munazarayo.

Matayo 26:55

Makisa Yesu kanena ne t̯ut̯a idziyeyo kumugija kamba, “Munidzia na myundu na mambuku, dza kwamba mudzia kugija mwivi? Kula na nsiku nikikaa na kuyongweeza humuḍe Hekaluni, ela ntamukunigija.

Luka 10:22

Makisa Yesu kamba, “Baba kanimpa mamulaka dzuu ya kula kintu. Ntaku yuḍejwonse amumanyiye huyu Mwana kwamba ni gani, lamud̯a Baba jeje heket̯u. Na ntaku yuḍejwonse amumanyiye huyu Baba kwamba ni gani, lamud̯a huyu Mwana na hawaḍe wonse wa huyu Mwana atsaniyeo kumuyanganya huyu Baba kwao.”

Luka 2:11

Koro yeo, mudzini mwa D̯aud̯i, mumavyaijwa mupfonya, ndiye *Kirist̯o Ḅwana.

Luka 2:39

Ndookomu Maria na Yusufu wepfot̯imiza yonse ya hi sharia ya Ḅwana iyoikitsaka wahende, wauja Nazareti ya Galilaya.

Luka 2:4

Yusufu kanuka kuyawa mudzi wa Nazareti wiwo Galilaya, kenda mudzi wa Betilehemu wiwo Yud̯aya, ekovyajwa haju D̯aud̯i. Yusufu kenda hukuḍe, koro ewa jwa sindo na yukoo jwa D̯aud̯i.

Luka 2:51

D̯ubva Yesu kagijana nao, wauja Nazareti na nkakuyatsa kuwat̯ii. Maria kayaweka haya yonse mojoni mwakwe.

Yohana 1:46

Natanaeli kamwamba, “Kuna dzema ga ḍya kuyawa mudzi wa Nazareti?” Filipo kamwambukuya kamwamba, “Nzoo udzioneye mwenye.”

Yohana 10:36

D̯ubva inawadze kwamba, mimi nikyamba ni Mwana jwa Muungu, mwakunyambani kwamba nyakukufuruni? Baba mwenye ndiye anitsaniye na akinihuma lumwenguni.

Yohana 12:49

Na haya niyokunenani, sikwakunenani mambo yangu mimi mwenye. Ela nyakunenani haya ya huyu Baba aniamuriyeyo niyanene, koro jeje ndiye anihumiye.

Yohana 14:10

Munamba nkudzahikiza hat̯a kwamba mimi na Baba hu kintu kimodza? Hivi nivyokunenani si vyuuwo vyangu mimi mwenye, ela mvya Baba eyekuishini kuzimuni mwangu. Jeje ndiye eyekuhendani haya haya mafara yonse niyokuhendani.

Yohana 14:31

Ela ni had̯i nihende kula cha Baba anyambiiyecho, ili lumwengu jupate kumanya ya kwamba nimutsaka Baba. Haya, nahunukeni hapfa sasa.”

Yohana 16:3

Wao wanamuhendea dza hivyo, kwa kwamba ntawanidzi mimi wala Baba.

Yohana 17:25

E Baba wiye muhachi, gula lumwengu ntajukudzi, ela mimi nikumanya. Na hawa wanafund̯i wangu wamanya kwamba ndiwe unihumiye.

Yohana 17:3

Na maisha ya kuunga na yuungo, ni kukumanya wewe wiye Muungu jwa ḍugha wewe heket̯u, pfamodza na kunimanya nami mimi Yesu *Kirist̯o unihumiye.

Yohana 3:2

Nsiku modza, kamwendea Yesu nasiku kamwamba, “Mwaalimu, humanya ya kwamba wewe u muntu uhumijwe ni Muungu. Koro t̯ambere Muungu nkakwaa pfamodza nawe, nkundeeweza kuhenda haya mafara ya kumakisa wiyokuhendani.”

Yohana 3:33

Ela hawaḍe wamuhikiziyeo, wakuyangani kwamba Muungu ni muhachi.

Yohana 5:32

Ela kuna yungine eyekuyavyani ushaahiḍi dzuu yangu. Na nimanya ya kwamba haya eyonanena dzuu yangu nza hachi.

Yohana 5:43

Mimi nidza kwa sari ḍya Baba, ela mudziza kunipfokea. Muntu yungine akidza kwa sariḍye mwenye, nywinywi munamupfokea.

Yohana 6:42

Wawawaka wamba, “Dzaambia huyu huyu si Yesu mwana jwa Yusufu? Ise na nina ni wantu huwamanyiyeo tswee! Mani d̯ubva anakwambadze kwamba jeje kayawa mbinguni?”

Yohana 7:14

Hi jila ihendeka mumpaka hizi nsiku ze jila zipfohunika nusu, Yesu kenda Hekaluni kaḍabva kuwayongweeza hawa wantu.

Yohana 8:14

Yesu kawamba, “Haya niyokunenani nza ḍugha hat̯a ingawa nyakudzishuhuḍiani mimi mwenye. Koro mimi nimanya niyawiyeko na nikokwendani, ela nywinywi haya haya ntamuyadzi.

Yohana 8:16

Na hat̯a ninkitsaka kuhukumu muntu, hukumu yangu inawa ni hukumu ya hachi, kwa kwamba simi mimi heket̯u, ndimi na huyu Baba anihumiye.

Yohana 8:19

Hawa Mafarisayo wamuuza wamwamba, “Ayu babajo kaku?” Yesu kawambukuya kawamba, “Nywinywi ntamunidzi mimi wala Baba. T̯ambere mundeewa munimanya mimi kwamba ni gani, mundeewa mumumanya na Baba pia.”

Yohana 8:26

Kuna menji niyonaweza kunena dzuu yenu, na kuna menji niyonaweza kumuhukumu nayo. Ela mimi najwambia huju lumwengu hayaḍe nisikiiyeyo kuyawa kwa huyu anihumiye t̯u. Na haya eyonanena jeje nza ḍugha.”

Yohana 8:42

Ela Yesu kawamba, “T̯ambere Muungu andeewa ni Baba jwenu ḍugha, nywinywi mundeewa munitsaka, koro mimi nidza hapfa kuyawa kwa Muungu. Sikudziyeha mimi, jeje ndiye anihumiye.

Yohana 9:29

Swiswi humanya ya kwamba Muungu kanena na Musa, ela huyo muntuwo huyo, ntahumudzi hat̯a ayawiyeko.”

Mahendo 17:23

Koro nipfonikyenenda nomu mudzini mwenu ninkiyowa huku kuntu mwikonayomba, niona na *madhabahu yorejweyo hivi vyuuwo hivi: ‘Kwa Muungu Asimanyikana.’ D̯ubva huyu mwiyenamuyomba pfasipfo kumumanya, ndiye huyu Muungu niyekumusumwiiyani.

Warumi 1:28

Kwa kwamba wadziza kumuhambuya Muungu, nae Muungu kawayatsa wakidzit̯aria haya mat̯aro yao mazuka mazuka, ili kwamba wakidzihendea ḅasi haya mambo wasiyomala kuyahenda.

Warumi 3:4

Moro, sivyo kaḅisa! Muungu anagija kuwa muhachi kwa kula dzambo aneneyeḍyo, hat̯a ikiwa kwamba wanaad̯amu wakaiya kunena nsuwe. Koro haya matsoro yamba, “Wipfonanyambia uzuka wangu, vyuuwo vyako mvya hachi; na ukinipfiika d̯ubini, wewe unashinda.”

2 Wakorint̯o 1:18

Hikizani Muungu jwenu kwamba, chuuwo changu kwenu ntachiwa cha kwamba iyo saa nakwamba, “Ndivyo,” na iyo saa nikamba, “Sivyo.”

2 Wakorint̯o 4:6

Huyu Muungu ambiye, “Nakuyangae muyanga humu kizani,” ndiye jeje ahendezeye muyangawe uhuyangaiye myojoni mwehu. Hu muyanga unahupfa kuyamanya haya marembo ya Muungu, yeyonayangaa humu usoni mwa Kirist̯o.

Tito 1:2

Hi hii hachi inahupfa madzikwat̯yo ya kupata maisha ya kuunga na yuungo. Muungu ndiye ahuahid̯iiye swiswi haya haya maisha hangu lumwengu ntajudzaumbwa. Na jeje nkanene nsuwe.

Waeburania 6:18

D̯ubva haya mambo mowii haya, yani ahad̯i ya Muungu na kuyapfa kwakwe, ntakuwezi kuperuka, koro Muungu nkanene nsuwe. Ndookomu swiswi hud̯aramiyeo kwakwe ili huwe salama, hi ahad̯i yakwe inahungiza mojo muno huyagije haya madzikwat̯yo ahupfiyeyo.

1 Yohana 5:10

D̯ubva yuḍejwonse amuhikiziye huyu Mwana jwa Muungu, kamanya hakika ya kwamba haya haya ni ḍugha. Ela yuḍejwonse asiyemuhikiza, kesakumuhendeza Muungu kuwa munsuwe, kwa kwamba nkakuhikiza haya ya Muungu aneneyeyo, dza ushaahiḍi dzuu ya huyu Mwanawe.