Yohana 7:18 - Pokomo

¹⁸ Koro muntu eyenayongweeza mat̯aro yakwe, huyo kakulachani kudzikuzya jeje. Ela huyuḍe eyenalacha kumukuzya huyu amuhumiye, huyo ni muntu muhikizika na nka makulekule.

Yohana 7:18 Iomraidhean Croise

Matayo 6:9

Ndookomu mukwakuyombani munamala kuyomba hidzaa: ‘Baba jwehu wiye yuwinguni, sariḍyo naḍidhereswe.

Yohana 11:4

Ela Yesu epfopata hi ḍaamisa kamba, “Hu ujwazi wa Lazaro ntauwezi kumuyehea kufwa. Udza ili upate kuyanga namuna ya nguvu za huyu Mwana ziivyo na Muungu apate kushad̯wa.”

Yohana 12:28

D̯ubva Baaba, yanga ukuu wa nguvuzo.” Kisa kusikika idzwi kuyawa mbinguni ḍikyamba, “Mimi nisakuyanga ukuu wa nguvu zangu, na nahenda hivyo kawii!”

Yohana 12:43

Koro hawa wakuu wewa wantu watsakiyeo kushad̯wa ni wantu kuliko kushad̯wa ni Muungu.

Yohana 5:41

Yesu kongeza kunena kamba, “Mimi sikwakulachani kushad̯igwa ni wantu hat̯a!

Yohana 8:54

Yesu kawambukuya kawamba, “T̯ambere nindeewa nyakudzishad̯ani mimi mwenye, huko kudzishad̯a kwangu kundeewa ntaku maana yaḍeyonse. Eyenanishad̯a mimi ni Baba, mwiyenakwamba ni Muungu jwenu

1 Watesalonike 2:6

Swiswi ntahukudzilachia kushad̯wa ndinywi ambu muntu yungine yuḍejwonse.

1 Pet̯ero 4:11

Muntu akiwa na t̯ola ya kunena vyuuwo vya Muungu, ni had̯i akivinena dza vyuuwo viyawiyevyo kwa Muungu. Muntu akiwa na t̯ola ya uhumisi, ni had̯i ahumike na hizi nguvu apfegejwezo ni Muungu. Na kwa hayo yonse, Muungu mwenye nguvu na uwezo, apate kushad̯wa kuchiiya na kwa Yesu Kirist̯o hat̯a pfasipfosia. Amina.

1 Yohana 2:29

Ntamukumanya, ya kwamba Kirist̯o ni muhachi? D̯ubva, ni mumanye ya kwamba, kula muhenda yeyo ya hachi ni mwana jwa Muungu.