Yohana 6:9 - Pokomo

⁹ “Gula hapfa kuna muurani eye na mikahe mitsano na nswi mbii. Ela hivyo hivyo vinait̯osa e t̯ut̯a yonse ai?”

Yohana 6:9 Iomraidhean Croise

Matayo 14:17

Nao wamwambukuya wamwamba, “Aswi huna kintu ga? Hwivyonavyo vyonse ni mikahe mitsano na nswi mbii t̯u!”

Matayo 16:9

Munamba ntamunaimuka hat̯a? Kumbukani hiḍe mikahe mitsano iisiyeyo wantu elefu nsano na kukihafa vikapfu vinji na vinji vya masaza.

Marko 6:38

Yesu kawauza kawamba, “Munamba muna mikahe myengaa? Endani mukaiyowe!” Wepfoiyowa wamwamba, “Kuna mikahe mitsano na nswi mbii.”

Marko 8:19

nipfoigawa hiḍe mikahe myotsano na ikiisa wantu elefu nsano? Mudzaza vikapfu vyengaa vya masaza?” Nao wamwambukuya wamwamba, “Vikapfu kumi na viwii.”

Luka 9:13

Ela Yesu kawambukuya kawamba, “Wapfeni kintu cha kuḍya nywinywi.” Wao wamwamba, “Hwivyonavyo vyonse ni mikahe mitsano na nswi mbii t̯u. Na ntahunaweza kwenda igwiiya kantu hi t̯ut̯a yonse hi!”

Yohana 11:21

Marit̯a epfot̯ongana na Yesu kamwamba, “Ḅwana, t̯ambere wewe undeewa upfo hapfa, huyu ndugu yangu nkandeefwa.

Yohana 11:32

Maria kenda mumpaka hapfaḍe pfa Yesu epfokuwa. Epfofika akimuona, kamugwiya maguuni na kamwamba, “Ḅwana, t̯ambere wewe undeewa upfo hapfa, huyu ndugu yangu nkandeefwa.”

Yohana 21:10

Yesu kawamba, “Yehani hivi visembe vingine mugiziyevyo.”

Yohana 21:13

Yesu kahwaa hu mukahe na hizi nswi kawagawiya wanafund̯iwe.

Yohana 21:9

Wepfokwojeka, waona kukozwa moho na kwikikokwa visembe na kwiwa na mukahe.

Yohana 6:11

Makisa Yesu kaihwaa hi mikahe kamuyaviza ḍuḍa Muungu, na kawapfa hawa wantu waḍye. Kisa kazihwaa na hizi nswi na kahenda dza viviḍe evyohenda d̯ura. Na wantu wonse waḍya hat̯a wanjia kuviyowani.

Yohana 6:7

Filipo kamwambukuya kamwamba, “Ḅwana, hat̯a dinari magana mawii ntazit̯ose kuwaguiya mikahe ya kwamba kula mumodza jwao anapata hat̯a ni kapande.”

2 Wakorint̯o 8:9

Nywinywi mumanya namuna ya matsako ya Ḅwana jwehu Yesu *Kirist̯o yaivyo makuu kwehu! Jeje, na ujabvawe wonse wa kiruhu, kadza lumwenguni kadzihendeza masikini kwa dzambo ḍyenu. Kahenda hivi apate kumuhendeza nywinywi majabva ya kiruhu.

Upfenuo wa Yohana 6:6

Kisa nisikia dza saut̯i iyoikiyawa kahi ya hiviḍe viumbe vyoone, ikyamba, “Mufuto mumodza wa nganu kwa maipfo ya kiḅaruwa cha nsiku nzima! Na mifuto mihahu ya muhama kwa maipfo ya kiḅaruwa cha nsiku nzima. Ela haya mafuha ya mizeituni na hi mvinyo, sivinange!”